14
მაისიდღის ზოგადი ასტროლოგიური პროგნოზი
ახლა უკრაინას უფლება აქვს გამოიყენოს დასავლური იარაღი რუსეთის ტერიტორიაზე არსებულ სამიზნეებზე იერიშისთვის. დასავლეთმა უკვე ოფიციალურად გამოაცხადა აღნიშნულის შესახებ და თუ აქამდე კატეგორიული წინააღმდეგები იყვნენ, რომ მათი იარაღი უკრაინას უშუალოდ რუსეთის ტერიტორიაზე გამოეყენებინა, ახლა პოლიტიკა ამ მიმართულებით რადიკალურად შეიცვალა.
- რას შეცვლის ეს გადაწყვეტილება და როგორ იმოქმედებს ფრონტის ხაზზე?
აქამდე დასავლეთის ქვეყნები ზღუდავდნენ თავიანთი იარაღის გამოყენებას და შიშობდნენ, რომ ამ იარაღის გამოყენება რუსეთის ტერიტორიაზე კონფლიქტის ესკალაციას უკრაინის შიგნით მდებარე სამხედრო ობიექტებზე, მათ შორის ყირიმსა და ოკუპირებულ ტერიტორიებზე, ისინი შიშობდნენ რომ რუსეთის ტერიტორიაზე ამ იარაღის გამოყენება გამოიწვევდა კონფლიქტის ესკალაციას.
- მაგრამ ხარკოვის რეგიონში რუსეთის წინსვლამ დაარწმუნა კიევის მოკავშირეები, რომ თავის დასაცავად უკრაინას უნდა შეეძლოს სამხედრო მიზნების განადგურება უშუალოდ რუსეთის ტერიტორიაზეც.
გასულ თვეში რუსეთმა დაიწყო მასიური სახმელეთო შეტევა რეგიონში. გახსნა ორი ახალი ფრონტი და დაიპყრო ორი სოფელი. რუსეთის ამგვარი წინსვლა კი საფრთხეს უქმნის ხარკოვს, უკრაინის სიდიდით მეორე ქალაქს, რომელიც საზღვრიდან სულ რაღაც 30 კილომეტრით არის დაშორებული.
დასავლური იარაღის რუსეთის ტერიტორიაზე გამოყენების აკრძალვამ საშუალება მისცა რუსეთის ჯარს, რომ მოემზადებინათ ეს ოპერაცია უსაფრთხო გარემოში.
უკრაინისა და სხვა ევროპული სახელმწიფოებისგან მზარდი ზეწოლის შემდეგ, აშშ დათანხმდა შეცვალოს თავისი პოლიტიკა და მისცეს უფლება კიევს, დაარტყას რუსეთს, რუსეთის ტერიტორიაზე დასავლური იარაღით.
- სანამ დასავლეთის გადაწყვეტილების შესახებ ოფიციალურად გახდებოდა ცნობილი, მანამდე პუტინი დაემუქრა უკრაინის მოკავშირეებს და თქვა, რომ თუ გამოიყენებდნენ დასავლურ იარაღს, ნატოს წევრებს უნდა ახსოვდეთ, რომ მათ აქვთ პატარა ტერიტორიები, მჭიდროდ დასახლებული სახელმწიფოები.
"მათ უნდა გაითვალისწინონ ეს ფაქტორი, სანამ განიხილავენ დარტყმებს რუსეთის ტერიტორიის სიღრმეში“, - განაცხადა პუტინმა.
ესკალაციის თავიდან აცილება არის მიზეზი იმისა, რომ შეერთებულმა შტატებმა უფლება მისცა უკრაინას გამოიყენოს დასავლური იარაღი რუსეთის ტერიტორიაზე სამხედრო ბაზებზე თავდასხმისთვის. საუბარია ATACMS-ის ტიპის ტაქტიკურ სარაკეტო სისტემაზე. ამ რაკეტებს აქვთ 300კმ-ის დიაპაზონი და შეიძლება მათი გამოყენება რუსეთის ტერიტორიაზე სამხედრო ბაზებსა და აეროდრომებზე დასარტყმელად.
უფრო მოკლე მანძილის რაკეტებმა, მაგალითად Himars-მა შეიძლება მნიშვნელოვნად შეაფერხოს რუსეთის ლოჯისტიკური მოქმედებები და ჯარების გადაადგილება.
უკრაინის პრეზიდენტის, ვოლოდიმირ ზელენსკის განცხადებით, რუსეთი თავის ჯარს აგროვებს ხარკოვიდან 90 კილომეტრში და ამზადებს მორიგი შეტევისთვის. ომის შემსწავლელმა ინსტიტუტმა თანამგზავრიდან გადაღებული ფოტოები შეისწავლა და დაადასტურა, რომ შეინიშნება "გაფართოებული აქტივობები საცავებსა და საწყობებში“ იმ არეალში, რომელსაც ზელენსკი მიუთითებდა. ამრიგად ამ ობიექტებზე დამიზნების შესაძლებლობა სერიოზულად გააძლიერებს უკრაინული ძალების შესაძლებლობას რეგიონში ახალი თავდასხმების მოსაგერიებლად.
თუმცა დასავლურ იარაღის რუსეთის ტერიტორიაზე გამოყენების აკრძალვის გაუქმება, ნაკლებად სავარაუდოა, რომ უკრაინას სრულად დაიცავს რუსული ბომბებისგან, რომლითაც სისტემატურად იბომბება სხვადასხვა ქალაქი, თუმცა აუცილებლად შეუქმნის ლოჯისტიკურ პრობლემებს რუსეთს და მნიშვნელოვნად შეაფერხებს მათ წინსვლას ბრძოლის ველზე.
