ორსული ნიცას ფოტოები და "კვარას" იტალიური არდადეგები მეგობართან ერთად - რას წერს იტალიური მედია კვარაცხელია-დავითაშვილის შესახებ?
რამდენიმე დღის წინ ვწერდით, რომ საქართველოს ნაკრების წევრებმა ხვიჩა კვარაცხელიამ და ზურიკო დავითაშვილმა შეკრებამდე იტალიური არდადეგები მოიწყვეს. ამჯერად სპორტსმენებმა მეუღლეებთან ერთად გადაღებული ფოტოები გამოაქვეყნეს, სადაც ორსული ნიცა თავაძეც ჩანს.
იტალიური მედია წერს, რომ ხვიჩა კვარაცხელიამ პოზიტანოში დასვენების დღე მეუღლე ნიცასთან ერთად გაატარა.
ერთ-ერთი ფოტო, სადაც სპორტსმენი მეუღლეს კოცნის, ამალფის სანაპიროზეა გადაღებული. მედიის ინფორმაციით, ნაპოლის ქართველმა თავდამსხმელმა დასვენებისთვის პოზიტანო აირჩია, რომელიც მისი სავარჯიშო მოედნიდან რამდენიმე საათის სავალზეა.
ადგილობრივი მედიის ინფორმაციით, კვარაცხელიამ და მისმა მეუღლემ, სტუმრებთან ერთად იმოგზაურეს ცნობილი ვია პასიტეას გასწვრივ, ჩავიდნენ მულინში და პოზიტანოს დიდ სანაპიროზე დრო სასიამოვნოდ გაატარეს.
ორი დღის წინ საქართველოს ეროვნული ნაკრების მოთამაშეები ზალცბურგში ჩავიდნენ, სადაც ქართველი ფეხბურთელები ისტორიული ევროპის ჩემპიონატისთვის მზადებას შეუდგებიან. ნაკრების შემადგენლობაში არიან ხვიჩა კვარაცხელია და ზურიკო დავითაშვილიც.
"ჯვაროსნები" სადებიუტო ჩემპიონატის პირველ მატჩში თურქეთის ნაკრებს 18 ივნისს დაუპირისპირდებიან.
წაიკითხეთ ასევე: