რუსეთის შეტევა ხარკოვზე - დაღუპულია 12 და დაშავებულია 68 მშვიდობიანი მოქალაქე
რუსული ძალების მიერ ხარკოვის დაბომბვის შედეგად დაღუპულთა რაოდენობა 12-მდე გაიზარდა, - ამის შესახებ ხარკოვის საოლქო პროკურატურა იუწყება.
"ხარკოვზე რუსეთის იერიშის შედეგად 12 ადამიანის დაიღუპა და 68 მშვიდობიანი მოქალაქე დაშავდა“, - ნათქვამია განცხადებაში.
უწყების ცნობით, 10 დაღუპულის იდენტიფიცირება ჯერჯერობით არ მომხდარა.
რუსეთის საოკუპაციო ძალებმა გუშინ ხარკოვი რამდენჯერმე დაბომბეს, მათ შორის ჰიპერმარკეტ "ეპიცენტრს“ საჰაერო ბომბებით დაარტყეს.