ბენ აფლეკმა ქორწინების ბეჭედი მოიხსნა - რა ხდება სინამდვილეში ვარსკვლავურ წყვილს შორის

ბენ აფლეკისა და ჯენიფერ ლოპესის განქორწინების შესახებ ჭორები კიდევ უფრო გააქტიურდა. წყვილის შორის უთანხმოების არსებობაზე ეჭვები კი იმან გაამყარა, რომ რამდენიმე დღის წინ აფლეკი საქორწინო ბეჭდის გარეშე გამოჩნდა.

შვილის რეპეტიციაზე დასასწრებად მისული 51 წლის ვარსკვლავი პაპარაცებმა კამერის ობიექტივში მოაქციეს.

ჯეილოსა და ბენის ურთიერთობის გაუარესების შესახებ მითქმა-მოთქმა დაახლოებით 1 კვირის წინ დაიწყო.

პარასკევს Page Six-ის ექსკლუზიური სტატიის მიხედვით გაირკვა, რომ აფლეკი ახალი სახლის შეძენას გეგმავდა. ეს კი 1 კვირის წინ TMZ-ის გავრცელებულ ინფორმაციას ეხმიანება, რომლის მიხედვითაც, ბენი ბოლო პერიოდია ლოპესისგან განცალკევებით, თავის კალიფორნიის სახლში რჩება, და არა ჯეილოსთან ერთად შეძენილ 60 მილიონიან სასახლეში.

ამ სპეკულაციებს წყაროც გამოეხმაურა, რომლის თქმითაც, ახალ სახლზე ჯეილოც "ნადირობს", თუმცა მისი მტკიცებით, ვარსკვლავი ქონებას მხოლოდ ინვესტიციის მიზნით ეძებს.

თუმცა ხუთშაბათს პაპარაცების გადაღებულ ფოტოებში, ლოპესიც და აფლეკიც საქორწინო ბეჭდებით ჩანან. ეს ფაქტი კიდევ უფრო აბნევს მედიის წარმომადგენლებს და ბუნდოვანს ხდის, რა მოხდა წყვილს შორის ამ 1 დღის განმავლობაში და რამ აიძულა აფლეკი, რომ ბეჭედი მოეხსნა.

ჯერჯერობით არც ბენი, და არც ჯენიფერი განქორწინების შესახებ ჭორებს არ ეხმაურებიან.

წყარო: pagesix

მოამზადა: ანა სიბოშვილმა