თეთრ სახლში აცხადებენ, რომ თუ საქართველოს მთავრობა კანონპროექტს მიიღებს, "ქვეყანასთან ურთიერთობას ფუნდამენტურად გადააფასებენ"

თუ კანონპროექტი იქნება მიღებული, იძულებული გავხდებით, ფუნდამენტურად გადავაფასოთ ურთიერთობები საქართველოსთან, - ამის შესახებ თეთრი სახლის პრესმდივანმა კარინ ჟან-პიერმა განაცხადა.

• "ვნახავთ, რას იზამს პარლამენტი. თუ ეს კანონპროექტი მიღებული იქნება, ჩვენ იძულებული გავხდებით, რომ ფუნდამენტურად გადავაფასოთ ჩვენი ურთიერთობები საქართველოსთან," - განაცხადა ჟან-პიერმა.

მან ხაზი გაუსვა აშშ-ს ღრმა შეშფოთებას „კრემლის სტილის უცხოური აგენტების“ კანონპროექტთან დაკავშირებით.

"ჩვენ ხმამაღლა ვამბობდით ჩვენს შეშფოთებებს კანონპროექტთან დაკავშირებით, რომელიც დემოკრატიულ ღირებულებებს ეწინააღმდეგება და საქართველოს ევროკავშირის ღირებულებებს კიდევ უფრო დააშორებს და ნატოც არ დაგვავიწყდეს. ასევე ქართველი ხალხი ნათლად გამოხატავდა თავის მოსაზრებას ამ კანონპროექტზე ქუჩაში პროტესტით. ამ უქმეებზე ერთ-ერთი უდიდესი პროტესტი ვნახეთ საქართველოში, როდესაც ათობით ათასი მშვიდობიანი დემონსტრანტი, რომელიც დაშინებამ ვერ შეაჩერა, ეუბნებოდა თავის მთავრობას, რომ ამ კანონს დაუპირისპირდნენ, ვინაიდან, მათ ევროატლანტიკური მომავალი სურთ", - განაცხადა თეთრი სახლის პრესმდივანმა კარინ ჟან-პიერმა.

წაიკითხეთ ასევე:

• ფინანსური და სამოგზაურო შეზღუდვები აშშ-ისგან? რა თქვა ჯიმ ობრაიენმა - "თუ კანონი წინ წავა, ვიხილავთ შეზღუდვებს პასუხისმგებელ პირებსა და მათი ოჯახის წევრებზე"
• "საქართველოს მთავრობამ ნათელი გახადა, რომ ევროპულ მომავალში დაინტერესებული არ არის" - ჯიმ რიში