3 მსუბუქი და ჯანსაღი წასახემსებელი მათთვის, ვინც წონას აკონტროლებს

თუ დიეტაზე ხართ, ან უბრალოდ თვალყურს ადევნებთ საკუთარ წონას, ჩაინიშნეთ ეს გემრიელი, დაბალკალორიული და ჯანსაღი წასახემსებლების რეცეპტები.

ნიახურისა და ყველის მსუბუქი ხემსი

ნიახურის ღეროები აქტიურად გამოიყენება მსოფლიოს კულინარიაში.

ინგრედიენტები:

• 250 გ გამომშრალი, რიკოტას ყველი
• 120 გ ლურჯი ყველი
• 1/4 ჭიქა (60 მლ) რძე
• 1/2 კბილი ნიორი
• 1 ს/კ. ახალი ხახვი
• 1 ს/კ. ზეითუნის ზეთი
• მარილი, პილპილი,
• 10 ახალი ნიახურის ღერო
• 1 ს/კ. ოხრახუში

მომზადების წესი:

1. რიკოტას ყველი თასში მოათავსეთ. დაუმატეთ პატარა ნაჭრებად დაჭრილი ლურჯი ყველი, რძე და კარგად ათქვიფეთ.
2. დაუმატეთ წვრილად დაჭრილი ნიორი და ახალი ხახვი, ზეთი, მარილი და პილპილი. კარგად აურიეთ.
3. დააფარეთ პლასტიკატის თავსახური და შეინახეთ მაცივარში 1 სთ-ის განმავლობაში.
4. ახალი ნიახურის ღეროები გაასუფთავეთ. დაჭერით, დაახლოებით, 8 სმ სიგრძის ნაწილებად. ნიახურის ღეროები ყველის მასით ამოავსეთ, მოაყარეთ ოხრახუში და მიირთვით.

კვერცხი ცხარე სუნელებით

ეს ძველმოდური აპეტაიზერია, რომელიც არასოდეს გადასულა მოდიდან. თუ თქვენ არ მოგწონთ ცხარე საჭმელი, ნუ დაუმატებთ ჩილს. არომატის გასამრავალფეროვნებლად ის კარით ჩაანაცვლეთ.

ინგრედიენტები:

• 6 დიდი კვერცხი
• 2 ს/კ. მაიონეზი
• 1 კბილი ნიორი
• 2 ჩ/კ. ვაშლის ძმარი
• 1 ჩ/კ. ქინძი + ფოთლები გარნირისთვის
• 1/2 ჩ/კ. ცხარე ჩილი (დაფქული)
• მარილი, შავი პილპილი

მომზადების წესი:

1. მოხარშეთ კვერცხი 7-8 წთ,, დაელოდეთ გაგრილებას, გაფცქვენით და გაჭერით შუაზე.
2. კვერცხის გული კოვზით ამოიღეთ. გული თასში მოათავსეთ, დაუმატეთ მაიონეზი, წვრილად დაჭრილი ნიორი, ქინძი, ძმარი, ჩილი, მარილი და პილპილი, კარგად გაჭყლიტეთ ჩანგლით - რბილი მასა უნდა მიიღოთ.
3. კვერცხის გულის მასა ცარიელი კვერცხის ცილაში კოვზით დააბრუნეთ. მოაყარეთ ქინძი და მიირთვით.

ნესვისა და პროშუტოს მიქსი

ეს კიდევ ერთი კლასიკური აპეტაიზერია რომელიც შეიძლება არ იცოდით, რომ დიეტურია. ის, შეგიძლიათ მიირთვათ თევზის ან ხორციანი კერძების დაგემოვნებამდე.

ინგრედიენტები:

• 1 ნაჭერი კანტალუპი ნესვი
• 12 დიდი ზომის, საუკეთესო ხარისხის იტალიური პროშუტო

მომზადების წესი:

1. ნესვი გაჭერით შუაზე, მოაცალეთ მარცვლები და შუაგული. დაჭერით 4 ნაწილად და შემდეგ კიდევ, თითო ნაჭერი 3 ნაწილად. მიიღებთ 12 ნაჭერს. მოაცილეთ კანი, ხოლო შემდეგ ისევ ჩადეთ მოცილებულ კანში.
2. საკუთარ კანში ჩალაგებული ნესვის ნაჭრები დიდ ლანგარზე დაალაგეთ.
3. პროშუტოს ძალიან თხლად დაჭრილი ნაჭრები დეკორატიულად მოახვიეთ ნესვს და ასე მიირთვით.

ამ წიგნში 100 არაჩვეულებრივი, დაბალი ნახშირწყლების შემცველობის რეცეპტია თავმოყრილი. აქვეა რამდენიმე ფავორიტი კერძის მომზადების წესი, როგორებიცაა შოტლანდიური კვერცხი, ზღვის პროდუქტების სალათა, სუვლაკი და საქონლის ხორცის რაგუ, ასევე რამდენიმე უჩვეულო რეცეპტი _ პატარა ფრიტატა, ქათმის მწვადი, ხბოს სალტიმბოკა და მარწყვი შამპანურით.

ამბებიშოპზე ნებისმიერი ნივთის მიტანა უფასოა!