"ხალხის ტალღები მიაცურებენ საქართველოს ნათელი მომავლისკენ, მშვიდობისკენ! უყურე, ევროპა!" - რეჟისორი დათა თავაძე
რეჟისორი დათა თავაძე სოციალურ ქსელში წერს თბილისში მიმდინარე მასშტაბური აქციის შესახებ:
"ეს ვართ ჩვენ! ეს არის ყველა! ხალხის ტალღები მიაცურებენ საქართველოს ნათელი მომავლისკენ, მშვიდობისკენ, განათლებისკენ, თანასწორობისკენ, თავისუფლებისკენ, სიყვარულისკენ - იმ ყველაფრისკენ, რაც ლამაზია! უყურე, ევროპა!" - წერს დათა თავაძე.
ცნობისთვის, დედაქალაქის სამი ლოკაციიდან დაძრული "ევროპის მარშის" მონაწილეები ევროპის მოედანზე მივიდნენ, სადაც "უცხოური გავლენის გამჭვირვალობის შესახებ“ კანონპროექტის საწინააღმდეგო აქცია მიმდინარეობს.
მსვლელობით მისულ აქციის მონაწილეებს ევროპის მოედანზე მყოფები ტაშით შეხვდნენ. გაჟღერდა საქართველოს ჰიმნი. შეკრებილებს ხელში უჭირავთ საქართველოსა და ევროკავშირის დროშები, ასევე გაშლილი აქვთ ბანერები წარწერებით: "ძალა ერთობაშია, ძალა ევროპაშია“; კი ევროპას, არა რუსულ კანონს“, "ბრძოლის ყიჟინა მოგვესმა“.
აღსანიშნავია, რომ მსვლელობისას გადაიკეტა მტკვრის ორივე სანაპირო.
წაიკითხეთ ასევე: "თავისუფალ საქართველოს გაუმარჯოს" - რა ხდება ახლა "ევროპის მოედანზე", სადაც მასშტაბური მსვლელობის მონაწილეები იკრიბებიან (ფოტოები)
ნახეთ კადრები გადაჭედილი სანაპიროებიდან