ჩინური ზონდი მთვარეზე "საიდუმლო" ტვირთს ჩაიტანს - რა ხდება ცნობილი?

როგორც გაირკვა, ჩინური, ავტომატური პლანეტათაშორისი სადგურის Chang'e-6-ის ბორტზე, რომელმაც კაცობრიობის ისტორიაში პირველად, მთვარის შორეული მხრიდან აღებულ გრუნტის ნიმუშები დედამიწაზე უნდა ჩამოიტანოს, არის დამატებითი ტვირთიც, რომლის თაობაზეც აქამდე არაფერი იყო ცნობილი. ამის შესახებ SpaceNews წერს.

ჩინეთის კოსმოსური ტექნოლოგიების აკადემიის (CAST) მიერ გამოქვეყნებული ზონდის ფოტოზე შეგიძლიათ იხილოთ მასზე მიმაგრებული როვერი. ექსპერტების აზრით, პატარა მთვარემავალზე დამაგრებულია ინფრაწითელი სპექტრომეტრი, რომელიც დაეხმარება მთვარის ზედაპირზე არსებული კლდეებისა და რეგოლითების (დანაწილებული ქვიანი წარმონაქმნის ქერქი, ფენა, რომელიც მთვარის თითქმის მთელ ზედაპირს ფარავს - რედ.) შემადგენლობის დადგენას.

პროგრამის მიხედვით, მთელი რიგი მანევრების შემდეგ, Chang'e-6 დაეშვება დედამიწის თანამგზავრის შორეულ სამხრეთით, ყველაზე ცნობილ კრატერში. მოსალოდნელია, რომ ზონდი შეაგროვებს რამდენიმე კილოგრამ რეგოლითს - მთვარის ქანების ფრაგმენტებსა და მინერალებს.

• მოამზადა ანასტასია შალიკაშვილმა