"არასწორია ხვიჩა კვარაცხელიას მიმართ აგორებული ბულინგი... ის მეტად ევროპელია, ვიდრე ბევრი “კლავიატურის ლომი” - რას წერს თათია შარანგია

თათია შარანგია სოციალურ ქსელში წერს, რომ ხვიჩა კვარაცხელიას გარშემო აგორებული ბულინგი არასწორია. ჟურნალისტის აზრით, მან უკვე დააფიქსირა თავისი პოზიცია და აუცილებელი არ არის, რომ ყოველდღე რადიკალური სტატუსები წეროს.

- ჩემი აზრით, არასწორია ხვიჩა კვარაცხელიას მიმართ აგორებული ბულინგი. 23 წლის ფეხბურთელის მიმართ, რომელმაც მრავალჯერ გვასახელა ქართველები და ასეც გააგრძელებს. მან დააფიქსირა თავისი პოზიცია და არ მგონია აუცილებელი, ყოველდღე რადიკალური სტატუსები წეროს. ის მეტად ევროპელია, ვიდრე ბევრი “კლავიატურის ლომი”.

შეგახსენებთ, რომ მას შემდეგ, რაც „კანონი გამჭვირვალობის შესახებ“ განსახილველად პარლამენტში დაბრუნდა, მოსახლეობის ნაწილი ყოველდღიურად საპროტესტო აქციებს მართავს. ისინი ასევე მოუწოდებენ ცნობილ სახეებს, რომ მხარი დაუჭირონ ამ ბრძოლაში. ორი კვირის წინ, არაერთმა სპორტსმენმა დააფიქსირა საკუთარი პოზიცია, მათ შორის იყო ხვიჩა კვარაცხელიაც, თუმცა, მას შემდეგ, რაც პროცესი ჩიხში შევიდა და კვარაცხელიას მიმდინარე მოვლენებზე არაფერი დაუწერია, განსხვავებით რამდენიმე კოლეგა სპორტსმენისგან.

წაიკითხეთ ასევე:

• "საქართველოს გზა ევროპაშია, წინ ევროპისკენ" - ხვიჩა კვარაცხელია