"ბავშვებს ხელს ნუ ურტყამთ" - ნინი ბადურაშვილი მიმართვას აქვეყნებს
წუხელ თბილისში სპეცრაზმმა მომიტინგეების დასაშლელად ძალა გამოიყენა. აღნიშნულს საზოგადოების დიდი ნაწილის მხრიდან მწვავე კრიტიკა მოჰყვა.
არაერთმა ცნობილმა ადამიანმა სოციალურ ქსელში კრიტიკული პოსტი გამოაქვეყნა.
მომხდარს მომღერალი ნინი ბადურაშვილიც ეხმიანება. ის აზიარებს ვიდეოს, სადაც სპეცრაზმის ძალადობრივი ქმედებები ჩანს.
"ბავშვებს ხელს ნუ ურტყამთ", - წერს ნინი ბადურაშვილი.
ცნობისთვის, 30 აპრილს, პარლამენტთან, "უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეების დაშლა დაახლოებით 21:30 საათიდან დაიწყო. სპეცრაზმმა აქციის მონაწილეების წინააღმდეგ 6 საათის განმავლობაში ე.წ. წიწაკის სპრეი, წყლის ჭავლი და ცრემლსადენი გაზი არაერთხელ გამოიყენა. დაშავდა ათეულობით ადამიანი, რომელთაც პირველადი დახმარება სასწრაფოს ბრიგადებმა ადგილზევე აღმოუჩინეს. აქციის მსვლელობისას არაერთი მომიტინგეც დააკავეს.