მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დედამიწამ 140 მილიონი მილის მანძილიდან ლაზერული შეტყობინება მიიღო - რა ინფორმაციას ავრცელებს NASA?
11:23 / 03-05-2024
NASA-ს ცნობით, მარსზე მომავალი მისიები შესაძლოა კიდევ უფრო გამარტივდეს. დედამიწამ 140 მილიონი მილის მანძილიდან მიიღო ლაზერული შეტყობინება, აცხადებს NASA. თუმცა მანამ, სანამ უცხოპლანეტელებზე თეორიებს განვიხილავთ, ასტრონომები უფრო მარტივ ახსნას გვთავაზობენ.
დედამიწაზე ლაზერის შესახებ ინფორმაცია NASA-ს კოსმოსურმა ხომალდმა Psyche-მ გადმოსცა, რომელიც ახლა ჩვენი პლანეტისგან 140 მილიონი მილის დაშორებითაა.
"ეს გვიჩვენებს, როგორ შეიძლება კოსმოსურმა ხომალდმა ოპტიკური კომუნიკაციები მომავალშიც გამოიყენოს. მას შეეძლება კომპლექსური სამეცნიერო ინფორმაცია გაუმჯობესებული ხარისხით, სიჩქარით და გამოსახულების გარჩევადობით გადმოგვცეს. ეს კი მარსზე ადამიანების გაგზავნის მისიებს კიდევ უფრო გაამარტივებს",- აცხადებს აშშ-ს კოსმოსური ადმინისტრაცია.
NASA-ს გადამცემი მოწყობილობა ამჟამად კოსმოსურ ხომალდ Psyche-შია მოთავსებული. ის ინფორმაციის მიღებასა და გადაცემას 8.6 დიუმიანი ტელესკოპის საშუალებით ახერხებს.
ექსპერიმენტი ნასამ 2023 წლის დეკემბერში დაიწყო, ჯერ კიდევ მაშინ, როცა Psyche დედამიწიდან სულ რაღაც 19 მილიონი მილის მოშორებით იყო. პირველი გამოცდის დროს, სატესტო მონაცემების გადაცემის სიჩქარე წამში 267 მეგაბიტი იყო, რომელიც ინტერნეტის ჩამოტვირთვის სიჩქარესთანაა შედარებული. ახლა, როცა კოსმოსური ხომალდი შვიდჯერ უფრო მეტი მანძილითაა მოშორებული დედამიწისგან, მონაცემთა გაგზავნისა და მიღების სიჩქარეც შემცირებულია.
ბოლო გამოცდის დროს ხომალდმა მონაცემები დედამიწას წამში 25 მეგაბიტის სიჩქარით გადმოსცა. მიუხედავად იმისა, რომ ეს ციფრი შესაძლოა არ გაოცებდეთ, NASA-ს თქმით, მან პროექტის მიზანს ბევრად გადააჭარბა.
NASA წარსულში მხოლოდ რადიოტალღებს იყენებდა დედამიწის მიღმა მოძრავ ხომალდებთან კომუნიკაციისთვის. ოპტიკური შეტყობინების გადაცემა კი კოსმოსის შესწავლის შესაძლებლობებს მათთვის უფრო მრავალფეროვანს ხდის.
წყარო: dailymail
მოამზადა: ანა სიბოშვილმა
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
