მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მსოფლიოს წამყვანი მეცნიერების აზრით, გრიპი არის პათოგენი, რომელიც, დიდი ალბათობით, ახალ პანდემიას გამოიწვევს - კიდევ რა საფრთხეებზე საუბრობენ მკვლევრები?
16:29 / 23-04-2024
მსოფლიოს წამყვანი მეცნიერების აზრით, გრიპი არის პათოგენი, რომელიც, დიდი ალბათობით, უახლოეს მომავალში ახალ პანდემიას გამოიწვევს. საერთაშორისო გამოკითხვის თანახმად, დაავადებათა ექსპერტების 57% ფიქრობს, რომ სასიკვდილო ინფექციური დაავადების შემდეგი გლობალური გავრცელების მიზეზი სწორედ გრიპის ვირუსის შტამი იქნება.
"გრიპი ყოველ ზამთარს ჩნდება - ამას შეგვიძლია პატარა პანდემია ვუწოდოთ. მათი კონტროლი მეტ-ნაკლებად შესაძლებელია. მაგრამ ეს სამუდამოდ არ გაგრძელდება", - ამბობს კიოლნის უნივერსიტეტის პროფესორი ჯონ სალმანტონ-გარსია.
კვლევის დეტალები , რომელიც 187 უფროსი მეცნიერის მონაცემებს მოიცავს, გამოვლინდება ევროპის კლინიკური მიკრობიოლოგიისა და ინფექციური დაავადებების საზოგადოების (ESCMID) კონგრესზე, ბარსელონაში, მომავალ კვირას. ამავდროულად, კვლევაში მონაწილე ექსპერტების 21%-ის აზრით, პანდემიის შემდეგი ყველაზე სავარაუდო მიზეზი შეიძლება იყოს მეცნიერებისთვის უცნობი ვირუსი, სახელად დაავადება X, რომელსაც ჯერ კიდევ ამოუცნობი მიკროორგანიზმი გამოიწვევს.
ზოგიერთ მეცნიერს ჯერ კიდევ სჯერა, რომ Sars-CoV-2 ( Covid-19- ის გამომწვევი) დიდ საფრთხედ რჩება. სხვა მომაკვდინებელი მიკროორგანიზმები - როგორიცაა Lassa, Nipah, Ebola და Zika ვირუსები - სერიოზულ გლობალურ საფრთხედ შეფასდა გამოკითხულთა მხოლოდ 2%- ის მიერ.
გასულ კვირას ჯანდაცვის მსოფლიო ორგანიზაციამ გაავრცელა ინფორმაცია H5N1 შტამის საგანგაშო გავრცელების შესახებ, რომელიც მთელ მსოფლიოში ფრინველის გრიპის მილიონობით შემთხვევას იწვევს. სულ ახლახან, ვირუსი გავრცელდა ძუძუმწოვართა სახეობებზე, მათ შორის შინაურ პირუტყვზე - უნდა აღინიშნოს, რომ რაც უფრო მეტ ძუძუმწოვრის სახეობას აინფიცირებს ვირუსი, მით უფრო საშიშია იგი ადამიანისთვის.
"H5N1 ვირუსის გამოჩენა პირუტყვში მოულოდნელი იყო", - დასძინა გლაზგოს უნივერსიტეტის ვირუსოლოგმა ედ ჰაჩინსონმა. - "ღორები ფრინველის გრიპით ავადდებიან, მაგრამ მსხვილფეხა პირუტყვი - ჯერჯერობით არა. ეს ნიშნავს, რომ ვირუსის ფერმის ცხოველებში გავრცელების რისკი არსებობს, შესაბამისად, საფრთხე ექმნება ადამიანსაც".
გრიპის პანდემიის პერსპექტივა საგანგაშოა, თუმცა მეცნიერები ასევე აღნიშნავენ, რომ მრავალი შტამის, მათ შორის H5N1-ის საწინააღმდეგო ვაქცინები უკვე შემუშავებულია. წყარო
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვიცით ეგ ამბავი, როგორც კი უკრაინის ომი დაიწყო, იმავე დღეს პანდემია დამთავრდა
H5N1-ის საწინააღმდეგო ვაქცინები უკვე შემუშავებულია - და მას დეიდა ურსულა გამოაგზავნის ალბათ