ვიქტორია ბეკჰემის დაბადების დღის მდიდრული წვეულება, 3700-დოლარიანი ღვინო და ვარსკვლავი სტუმრები - დევიდმა ცოლი წვეულებიდან ზურგით წამოიყვანა (ფოტოები)
17 აპრილს ვიქტორია ბექჰემი 50 წლის გახდა. დაბადების დღის წვეულება კი 20 აპრილს გაიმართა. დიზაინერის მდიდრულ იუბილეზე უცხოური ტაბლოიდები წერენ. ბრიტანელმა ჟურნალისტებმა უკვე დათვალეს, რომ ღონისძიება ვიქტორიას და დევიდს დაახლოებით 250 ათასი ფუნტი სტერლინგი დაუჯდათ.
მაგრამ ნამდვილად ღირდა, რადგან წვეულებიდან გავრცელებულ ფოტოებზე ჩანს, რომ საღამოზე თავი ნამდვილმა ვარსკვლავებმა მოიყარეს.
წვეულება ექსკლუზიურ კერძო კლუბ Oswald's-ში, ბექჰემების ლონდონის სახლიდან არცთუ ისე შორს გაიმართა. მენიუ სპეციალურად მოწვეულმა შეფმზარეულმა შეადგინა და საუკეთესო კერძებთან ერთად, სტუმრებს შესთავაზეს ვიქტორიას საყვარელი ღვინო, Chateau Mouton Rothschild, თითო ბოთლი დაახლოებით 3700 დოლარი ღირს და შედარებით "მოკრძალებული“ შამპანური - თითო ბოთლის ღირებულება 639 დოლარია.
ვიქტორია, რომელსაც თებერვალში მიღებული ფეხის ტრავმა ჯერჯერობით ბოლომდე არ მორჩენია, რესტორანში ყავარჯნებით მივიდა, მაგრამ უკან ყავარჯნებით არ დაბრუნებულა, მსოფლიო მედია აჭრელებულია ფოტოებით, სადაც ჩანს, რომ ბექჰემს საყვარელი ცოლი ზურგზე ჰყავს შესმული.
სტუმრებს შორის იყვნენ ტომ კრუზი, ევა ლონგორია, ვარსკვლავური მზარეული გორდონ რემზი და მისი მეუღლე გაი რიჩი, სალმა ჰაიეკი, როუზ ჰანტინგტონ-უაიტლი და ჯეისონ სტეტჰემი და რა თქმა უნდა, Spice Girls-ის სრული შემადგენლობა.
ნახეთ ასევე: