როგორია ადგილი, სადაც ადრე ესკობარის სასახლე იყო - მცენარეებით დაფარული ნანგრევები და მილიონების სასაფლაო (ფოტოები)
პაბლო ესკობარის ოდესღაც მდიდრული სასახლე, ცნობილი როგორც La Manuela, ახლა მცენარეებით დაფარული მიტოვებული ადგილია. შენობა კოლუმბიის წყნარ საკურორტო ქალაქ გუატაპეში, ხელოვნურ ტბასთან მდებარეობს.
მას სახელი ესკობარს ქალიშვილის, მანუელას პატივსაცემად დაარქვეს. ქონება 10 მილიონ დოლარადაა შეფასებული. დღემდე იზიდავს ტურისტებს მთელი მსოფლიოდან, რომლებსაც კედლებში დამალული ფულის პოვნის იმედი აქვთ.
მასიური აუზი ხავსითაა დაფარული. ტერიტორიაზე ოდესღაც ჩოგბურთის კორტები, ფეხბურთის მოედანი, თავლები და მოტოსთვის ბილიკები იყო. ესკობარის გარდაცვალების შემდეგ სახლს მებაღე უვლიდა.
სახლი 1993 წელს ააფეთქეს. აფეთქების უკან კი The Los Pepes - პაბლო ესკობარის მიერ დევნილი ხალხი იდგა. დღეს მისგან მხოლოდ კედლებია შემორჩენილი.
ესკობარმა სიცოცხლის მანძილზე დიდი ქონება დააგროვა ნარკოტიკის კონტრაბანდისთვის. ის თვითმფრინავებს, ვერტმფრენებს და ორ წყალქვეშა ნავსაც კი იყენებდა. შემოსული თანხით კი მდიდრულ სასახლეებს იშენებდა.
