"ჩემი სიმპატიური ძმა დათო გარდაცვლილი იპოვეს ამერიკაში... ამაზე დიდი უბედურება, რა შეიძლება იგრძნოს ადამიანმა, არ ვიცი" - რას წერს ნუცა ბუზალაძე?
მომღერალი ნუცა ბუზალაძე სოციალურ ქსელში სამწუხარო ინფორმაციას აქვეყნებს. ამბობს, რომ მისი ძმა, რომელიც ამერიკაში ცხოვრობდა, გარდაცვლილი იპოვეს.
- დათო ბუზალაძეს გუშინდლიდან ეძებდნენ. ინფორმაცია სოციალურ ქსელში, "ქართველები ფილადელფია" ვრცელდებოდა. ის 40 წლის იყო და ფილადელფიაში ცხოვრობდა. როგორც ირკვევა ბუზალაძე საკუთარი ავტომობილით გაუჩინარდა და დღეს ის მანქანაში გარდაცვლილი იპოვეს. დათო ბუზალაძე ნუცას ნახევარძმა იყო.
"დღეს ჩემი ყველაზე სიმპათიური ძმა დათო გარდაცვლილი იპოვეს მანქანაში ამერიკაში. ამაზე დიდი უბედურება ამაზე დიდი ტკივილი რა შეიძლება ადამიანმა იგრძნოს არ ვიცი. თითქოს ჩემი გულის ნაწილიც გაჰყვა მას ასე ვგრძნობ. ჩემს თავს ვერ ვპატიობ იმ ფაქტს, რომ ახლო ურთიერთობა არ მქონდა მასთან განსაკუთრებით ბოლო პერიოდში, მაგრამ ისე მიყვარდა ყოველთვის ბავშვობიდან, როგორც გულის ნაწილი, ძალიან მწყდება გული და ძალიან განვიცდი იმას, რომ ფაქტობრივად დაკარგული მქონდა მასთან ურთიერთობა რატომ მე თვითონაც ვერ ვხვდები..
ეს ტანჯვა გამყვება ცხოვრების ბოლომდე და ეს გულის ტკივილი რასაც დღეს ვგრძნობ არ გამინელდება არასდროს! დათო შენ ძალიან კარგი ძმა იყავი, კარგი მეგობარი , კარგი შვილი, კარგი მეუღლე კარგი მამა და შენი ქვეყნის დიდი პატრიოტი! მადლობა ამისთვის, მოგვენატრები ყველას და მაპატიე გთხოვ მაპატიე რომ დობა საერთოდ ვერ გაგიწიე. მიყვარხარ და მეყვარები მუდამ" - წერს ნუცა ბუზალაძე.
