"მისი წყალობით რამდენიმე ათეულმა ადამიანმა მოახერხა გაქცევა" - რას ჰყვება თვითმხილველი უმძიმეს წუთებსა და მამაკაცზე, რომელმაც ხალხი ტერორისტისგან იხსნა
"კროკუს სითი ჰოლზე" თავდასხმის შედეგად დაღუპულთა რიცხვი 60-მდე გაიზარდა. დაშავებულთა რაოდენობა კი 115-ს აღწევს. მათ შორის 5 ბავშვია.
როგორც თვითმხილველი ჰყვება, ერთ-ერთი იქ მყოფი ათეულობით ადამიანს გაქცევაში დაეხმარა: 61 წლის ელენა კონცერტზე ქალიშვილთან და ნაცნობთან ერთად მივიდა. მისი თქმით, თავიდან ხალხს ეგონა, რომ უბრალოდ ფეიერვერკს ისროდნენ.
როცა ყველაფერი გააანალიზეს, მაყურებელი სცენისკენ გაიქცა, რადგან ამ შემთხვევებისთვის სასწრაფო გასასვლელი სწორედ იქ მდებარეობდა. ელენამ შენიშნა, რომ ერთ-ერთი ტერორისტი სცენაზე იდგა და ყველას ესროდა, ვინც გაქცევას დააპირებდა. ამიტომ ფარდის უკან დაიმალა და ლოდინი დაიწყო. უცბად დაინახა, რომ ახალგაზრდა მამაკაცი ტერორისტთან მივარდა და იარაღი წაართვა.
"მისი საქციელის წყალობით რამდენიმე ათეულმა ადამიანმა მოახერხა გაქცევა. მისი დახმარებით გადავრჩით. უბრალოდ არ ვიცი ცოცხალია თუ არა" - ამბობს ელენა.
შეგახსენებთ, რომ გუშინ მოსკოვის „კროკუს სითი ჰოლში“ რამდენიმე შეიარაღებულმა პირმა ცეცხლი გახსნა, რასაც ხანძარი მოჰყვა. რუსეთის საგარეო უწყებამ მოსკოვის საკონცერტო დარბაზზე განხორციელებული თავდასხმა ტერაქტად შეაფასა. სააგენტო Reuters-ის ცნობით, თავდასხმაზე პასუხისმგებლობა ე.წ. „ისლამურმა სახელმწიფომ“ აიღო.
წაიკითხეთ ასევე:
- "სავარაუდოდ, თეთრი Renault-ით გადაადგილდებოდნენ, რომელიც გადაღებეს" - რა დეტალები ხდება ცნობილი თავდამსხმელებზე: Crocus City Hall-ში მომხდარზე პასუხისმგებლობა ISIS-მ აიღო (ფოტოები)
- რუსულ ტელეგრამ არხებში ვრცელდება ინფორმაცია, რომ დააკავეს ორი პირი, რომლებიც შესაძლოა, დაკავშირებული იყვნენ "კროკუს სითი ჰოლზე" თავდასხმასთან