მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"20 წლის ნიაკო ამ ბავშვების ბიძაშვილი იყო... ტყუპი, დათუნა, მამა, მამიდის სახლში გადაასვენეს. დედა დღეს მოდის იტალიიდან" - რას ჰყვება ნერგეეთის უმძიმეს ტრაგედიაზე ადგილობრივი პედაგოგი
11:41 / 08-02-2024
შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველების მიერ, განხორციელებული ინტენსიური ძებნა-შველის ღონისძიების შედეგად, ბაღდათის მუნიციპალიტეტის სოფელ ნერგეეთში, მეწყერში მოყოლილი ყველა ცხედარი ნაპოვნია. ინფორმაციას შინაგან საქმეთა სამინისტრო ავრცელებს.
ბაღდათის მუნიციპალიტეტის სოფელ ნერგეეთში მეწყერი 7 თებერვალს, ღამით ჩამოწვა. მეწყერმა 4 სახლი მოიყოლა. მაშველებმა ერთი ადამიანის გადარჩენა შეძლეს. სტიქიას 9 ადამიანი ემსხვერპლა. ოფიციალური ინფორმაციით, ნერგეეთში მეწყრის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის დაახლოებით, 200-მეტრიან მონაკვეთზე.
ხათუნა ხიზანეიშვილი ნერგეეთის სკოლაში ქართულ ენას და ლიტერატურას ასწავლის. ქალი გარდაცვლილი ტყუპი გოგონების და მათი ძმის, დათუნას პედაგოგი გახლდათ. მისი სახლი შემთხვევის ზონიდან დაახლოებით 500 მეტრში მდებარეობს. Ambebi.ge-სთან ამბობს, რომ ახლა მათ სოფელში უმძიმესი მდგომარეობაა, მოსახლეობა შეძრულია მომხდარით და ბაღდათს მსგავსი ტრაგედია არ ახსოვს.
- ხათუნა ხიზანეიშვილი:
- ძალიან ცუდად ვართ ყველა, განადგურებულები ვართ. ტყუპი, დათუნა, მამა, მამიდის სახლში გადაასვენეს. დედა დღეს მოდის იტალიიდან, გუშინ რომში ჩაფრინდებოდა. აქ მათ სახლი, არაფერი აღარ დარჩათ. იმ სახლების მაცხოვრებლები, რომლებიც მათ სიახლოვეს არის და გადარჩა, ღამესაც აღარ ათევენ იქ. ჯერ ბავშვების ცოდვით და თან, საშიშ ზონად გამოცხადდა ის ტერიტორია.
- 20 წლის გოგონაა გარდაცვლილებს შორის...
- ნიაკო რობაქიძე, გვერდზე სახლში ცხოვრობდა, ბიძაშვილი იყო ამ ბავშვების (რობაქიძეების). დაიღუპა ნიაკოს დედა, ბებია, მამას სხვა ოთახში ეძინა და მეწყერს რომ დაურტყია, გამოვარდა გარეთ და მამა გადარჩა, უბრალოდ, დამტვრეულია, საავადმყოფოშია. ტყუპის ოჯახში ყველა დაიღუპა. მესამე ოჯახი, ისიც რობაქიძის ოჯახი იყო, მოხუცი დედა და შვილი ცხოვრობდნენ, ორივე დაიღუპა. ისეთ რთულ მდგომარეობაში ვართ, ყველაფერი გვტკივა. 45 წლის ქალი ვარ და მსგავსი უბედურება ჩვენს კუთხეს არ ახსოვს.
- სხვა ოჯახებისთვის, ვინც ახლოს ცხოვრობთ, რამდენად უსაფრთხოა მანდ დარჩენა?
- ჩვენ დაახლოებით 500 მეტრში ვცხოვრობთ, თან რაღაც სხვანაირად დგას მთები, კონუსისებურად. გუშინ ადგილზე მივედით, არ ვიცი, ეს რა ვნახე, ისე მუშაობენ ეს მაშველები, ისე მობილიზებულად, მადლობა გადავუხადე. ვეღარ ვიცანი იქაურობა ისეთი შეცვლილია. ტყუპის სახლის უკან დიდი ვენახები ჰქონდათ გაშენებული, ძვირფასი მეურნეობა, ისეთ ღვინოს აყენებდა ეს ბიჭი, საცოდავი. ის ფერდობი თუ წამოვიდოდა, ვერც ვიფიქრებდით.
საწყალი დედა, ისეთი კარგი ადამიანია.
წაიკითხეთ ასევე:
- "ბავშვების დედა იტალიაშია, ყველა შოკირებული ვართ... მათი სახლის სახურავი მდინარის მეორე ნაპირზე გდია..." - რას ჰყვება სოფელ ნერგეეთის სკოლის პედაგოგი?
- "ისეთი ბავშვები იყვნენ, მაგათით მიხაროდა სკოლაში შესვლა..." - ნაპოვნია მამისა და მისი სამი შვილის ცხედრები: ნერგეეთის უდიდესი ტრაგედია
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უფალმა დაუმკვიდროა ცათა სასუფეველი მათ სულებს!!!
კომენტარი ზედმეტია,რა უნდა დავწერო..გვაპატიეთ რომ, ვერ გიშველეთ!