ლუკაშენკომ სამხედროებს მოქალაქეების წინააღმდეგ ცეცხლსასროლი იარაღის გამოყენების უფლება მისცა
ბელარუსის ავტორიტარმა ლიდერმა, ალექსანდრე ლუკაშენკომ ქვეყნის შეიარაღებული ძალების წესდებაში ცვლილებები შეიტანა. ცვლილების მიხედვით, სამხედრო მოსამსახურეებს უფლება ექნებათ გამოიყენონ ცეცხლსასროლი იარაღი, სპეციალური საშუალებები, საბრძოლო და სპეციალური აღჭურვილობა მოქალაქეების წინააღმდეგ, "თავიანთი ამოცანების შესრულებისას".
ცვლილების მიხედვით, მოქალაქეების წინააღმდეგ იარაღის გამოყენება ნებადართულია ადმინისტრაციული სამართალდარღვევის შემთხვევაშიც.
დოკუმენტში ნათქვამია, რომ სამხედრო მოსამსახურე არ არის პასუხისმგებელი სროლით მიყენებულ ზარალზე, თუკი ეს ზარალი მიღებულია ზოგადი სამხედრო წესების დაცვის შესაბამისად.
მანამდე ლუკაშენკომ ხელი მოაწერა ცვლილებს სახელმწიფო უსაფრთხოების შესახებ კანონში, რომლის მიხედვითაც, სპეცსამსახურების თანამშრომლებს უფლება აქვთ გამოიყენონ იარაღი ქალების, ბავშვებისა და შშმ პირების წინააღმდეგ შეიარაღებული ან ჯგუფური თავდასხმის, ან სხვა საფრთხის შემთხვევაში, რომელიც ადამიანების სიცოცხლეს ან ჯანმრთელობას უკავშირდება.