მაშინ, როცა სამეფო ოჯახის წევრები ავად არიან, ჰარი და მეგანი წითელ ხალიჩაზე გამოჩნდნენ: წყვილს ბრიტანული პრესა აკრიტიკებს (ფოტოები)
დიდი ბრიტანეთის სამეფო ოჯახის წევრების ჯანმრთელობის მდგომარეობა რთულია. უელსის პრინცესა, ქეით მიდლტონი ამ დრომდე კლინიკაში რჩება. უინძორების ოფიციალური განცხადებით, ქეითმა "მუცლის ღრუს“ ოპერაცია გაიკეთა.
მეფე ჩარლს მომავალ კვირას მოათავსებენ კლინიკაში, პროსტატის სამკურნალოდ, თუმცა მხოლოდ ეს არ არის, სამეფო ოჯახის ოფიციალური განცხადების მიხედვით, მეფეს სიმსივნე აქვს.
სიმსივნე დაუდგინდა დიდი ბრიტანეთის სამეფო ოჯახის კიდევ ერთ წევრს, იორკის ჰერცოგინია სარა ფერგიუსონს.
- ამის ფონზე კი ბრიტანული მედია მწვავედ აკრიტიკებს მეგან მარკლისა და ჰარის. წყვილი ახლახან იამაიკაში, ბობ მარლის შესახებ ახალი ფილმის პრემიერას დაესწრო და წითელ ხალიჩაზე, კამერების წინ იპოზიორა. მეგანს შავი, საღამოს კაბა ეცვა, ჰარიც კლასიკურად იყო გამოწყობილი.
მეფე ჩარლზი ამჟამად იამაიკის სახელმწიფოს მეთაურად მიიჩნევა, თუმცა ეტაპობრივად მიმდინარეობს მონარქიისგან გასვლის პროცედურა. მედიისთვის უცნობია, რატომ დაესწრნენ სასექსის ჰერცოგი და ჰერცოგინია ფილმის პრემიერას იამაიკაში.
წყვილს ბრიტანელების ნაწილი მწვავედ აკრიტიკებს:
"მეგანს არანაირი მორალი არ გააჩნია, ის უბრალოდ, თავის თავზე შეყვარებული და ნარცისია, არ ადარდებს არავინ”.
“საინტერესოა, თუ იცის, როგორ არიან მისი ოჯახის წევრები", - წერენ კომენტარებში.
არიან ისეთებიც, რომლებსაც მეგანის და ჰარის წითელ ხალიჩაზე დანახვა ძალიან გაუხარდა და სურთ, რომ წყვილი კიდევ უფრო ხშირად გამოჩნდეს კამერების წინ.
