მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
35 მილიონიანი სასახლე მოსკოვის პრესტიჟულ გარეუბანში და სკანდალები მამის გადამალული ქონების გამო - რა არის ცნობილი ალიევების დინასტიის გამგრძელებელზე და რატომ გამოჩნდა ის მამის ოფიციალურ შეხვედრაზე?
09:53 / 13-01-2024
აზერბაიჯანის პრეზიდენტი ილჰამ ალიევი პრეზიდენტის პოსტს 2003 წლიდან იკავებს. აღნიშნული პოსტი მან მემკვიდრეობით მამისგან, ჰეიდარ ალიევისგან მიიღო, შესაბამისად მისი 27 წლის ვაჟი, ჰეიდარ ალიევი სწორედ აზერბაიჯანის პრეზიდენტობის მომავალი კანდიდატია.
- ცოტა ხნის წინ უმცროსი ჰეიდარი მამის ოფიციალურ შეხვედრაზე გამოჩნდა - 2024 წლის 9 იანვარს ილჰამ ალიევმა არაბთა გაერთიანებული საამიროების პრეზიდენტს, შეიხ მოჰამედ ბინ ზაიიდ ალ ნაჰაიანსა და მის ოჯახს უმასპინძლა. შეხვედრას ორივე მხრიდან მაღალი თანამდებობის პირები ესწრებოდნენ.
ამ ფაქტმა კიდევ უფრო გაამყარა აზერბაიჯანელების ეჭვი, რომ ის პრეზიდენტობისთვის ემზადება. 9 იანვრის შეხვედრამდე, უმცროსი ალიევი აზერბაიჯანის მიერ ყარაბაღზე კონტროლის დამყარების შემდეგ, მეუღლესთან ერთად გამოჩნდა. ეს იყო 2023 წლის დეკემბერი.
აზერბაიჯანულ მხარეს, პრეზიდენტ ალიევთან ერთად, საგარეო საქმეთა მინისტრი ჯეიჰუნ ბაირამოვი, პრემიერ-მინისტრი ალი ასადოვი და სხვა ოფიციალური პირები წარმოადგენდნენ. ჰეიდარს არანაირი ოფიციალური თანამდებობა არ უკავია, შესაბამისად, ამ შეხვედრის შემდეგ გაჩნდა კითხვები, ხომ არ ამზადებენ მას ალიევების დინასტიის გამგრძელებლად.
უფრო კონკრეტულად კი, ვინ არის ჰეიდარ ალიევი უმცროსი და რას საქმიანობს ის?
უმცროს ალიევზე არც ისე ცოტა ინფორმაციაა ცნობილი: იგი დაიბადა 1997 წლის 24 აგვისტოს. დაამთავრა აზერბაიჯანის დიპლომატიური აკადემია და მოიხადა სამხედრო სამსახური.
2022 წლის ნოემბერში პრეზიდენტის ვაჟიშვილმა იქორწინა. ეს ამბავი კი საზოგადოებამ დედამისის, მეჰრიბან ალიევას „ინსტაგრამიდან“ შეიტყო, რომელმაც შვილისა და მისი რჩეულის ფოტო გამოაქვეყნა და მათ ბედნიერება უსურვა.
ახალგაზრდა ალიევმა მოასწრო და უკვე ფინანსურ სკანდალშიც გაეხვა: ორგანიზებული დანაშაულისა და კორუფციის გაშუქების პროექტის გამომძიებელმა ჟურნალისტებმა დაადგინეს, რომ ალიევების ოჯახის წევრები ფლობდნენ სხვადასხვა ბიზნესს, რომელიც იმალებოდა პანამასა და ვირჯინიის კუნძულებზე ოფშორული კომპანიების მიღმა, ასევე ძვირად ღირებულ უძრავ ქონებას და ოქროს საბადოებსაც კი.
ქონების დიდი ნაწილის ოფიციალური მესაკუთრე სწორედ ჰეიდარ ალიევი უმცროსი და მისი ორი დაა და ამ ქონების ჯამური ღირებულება 120 მილიონი დოლარია.
ამასთან, ის ფლობს მდიდრულ სასახლეს მოსკოვის პრესტიჟულ გარეუბანში, რომელიც ამჟამად დაახლოებით 35 მლნ დოლარად არის შეფასებული. ინფორმაციაში, რომელსაც რუსეთის ფედერალური სარეგისტრაციო სამსახური ავრცელებს, პრეზიდენტის ოჯახის საკუთრებაში არსებული სხვა ქონებაც არის მიმოხილული.
ცნობისათვის, 2023 წლის დეკემბერში, ყარაბაღში საბოლოო წარმატების შემდეგ, ილჰამ ალიევმა ვადამდელი საპრეზიდენტო არჩევნების შესახებ განცხადებას მოაწერა ხელი. არჩევნები 7 თებერვალს გაიმართება და ქვეყნის პრეზიდენტს 7 წლით აირჩევენ.
ავტორი: ეკა დარჩიაშვილი
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართველოს ერთი პრეზიდენტი მითხარით, ვისი შვილიც ჯარშია ნამყოფი
არ ვარ აზერბაიჯანში ნამყოფი, უნდა წავიდე, უნდა ვნახო რა ააშენე და გააკეთა ასეთი მეფის სტატუსი, რომ მიიღო