მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თურქეთში "მოსადთან" კავშირის ბრალდებით 34 ადამიანი დააკავეს - ისრაელს ჯერჯერობით კომენტარი არ გაუკეთებია
16:16 / 03-01-2024
თურქეთში 34 ადამიანი დააკავეს, რომლებიც, ქვეყნის ხელისუფლების მტკიცებით, ისრაელის სპეციალური დაზვერვის სააგენტო "მოსადისთვის" მუშაობდნენ. ჩატარებული რეიდის ამსახველ ვიდეოში ჩანს, რომ პოლიცია ადამიანების საცხოვრებელ ბინებში შეიჭრა, ეჭვმიტანილებს ხელბორკილები დაადო და პოლიციის მანქანებში ჩასხა. ისრაელის მომხდარის შესახებ კომენტარს ჯერჯერობით არ აკეთებს.
თურქი სამართალდამცავების თქმით, მათ სტამბოლში სპეცოპერაცია 57 მისამართზე ჩაატარეს და 34 ადამიანი დააკავეს, თუმცა 12 ეჭვმიტანილს ჯერ კიდევ ეძებენ. თურქეთის შსს მინისტრმა, ალი იერლიკაიამ სპეცოპერაციის ვიდეოც გაავრცელა. მისი თქმით, სამართალდამცავები ბინებში მას შემდეგ შეიჭრნენ, რაც გაიგეს, რომ ისრაელის დაზვერვა ტაქტიკური ამოცანების შესრულებას ცდილობდა, მათ შორის დასახელდა თურქეთში მცხოვრები უცხო ქვეყნის მოქალაქეების დევნის და გატაცების გეგმებიც.
იერლიკაიას განცხადებაში "ჰამასი" საერთოდ არ მოუხსენიებია, თუმცა თურქეთის პრეზიდენტმა რეჯეფ თაიფ ერდოღანმა გასულ თვეში ისრაელი მკაცრად გააფრთხილა, რომ თუ ის თურქეთის ტერიტორიაზე დაჯგუფების წევრების მკვლელობას შეეცდებოდა, ამისთვის მწარედ აზღვევინებდნენ. ერდოღანმა ერთ-ერთ გამოსვლაში "ჰამასის" მებრძოლებს "განმათავისუფლებლებიც" კი უწოდა, რომლებიც "თავიანთ მიწას იცავენ".
აშშ-სა და ევროპის ქვეყნებისგან განსხვავებით, თურქეთი "ჰამასს" ტერორისტულ ორგანიზაციად დღემდე არ მოიხსენიებს, მის მაღალჩინოსნებთან კავშირებს კვლავ ინარჩუნებს და ზოგიერთ წევრს თურქეთის ტეროტორიაზეც მასპინძლობს.
წყარო: bbc
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ენვერი თურქულად