მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მკვლელობის მცდელობა პირდაპირ ეთერში - სამხრეთ კორეაში პოლიტიკოსი დანით ყელში დაჭრეს: დამნაშავე ავტოგრაფის სათხოვნელად მივიდა, შემდეგ კი თავს დაესხა
14:49 / 03-01-2024
სამხრეთ კორეის მთავარი ოპოზიციური პარტიის ლიდერი, ლი ჯე-მიუნგი ქალაქ ბუსანში ვიზიტის დროს კისერში დანით დაჭრეს. ადგილობრივი მედიის ცნობით, პოლიტიკოსს გადაუდებელი ოპერაცია ჩაუტარდა, უკვე გონს მოეგო და ახლა გამოჯანმრთელებას ცდილობს.
დემოკრატიული პარტიის სპიკერმა კვონ ჩილ-სუნგმა განაცხადა, რომ პოლიტიკოსს ვენის აღდგენის ოპერაცია ჩაუტარდა და ახლა ინტენსიური თერაპიის განყოფილებაში იმყოფება.
პოლიტიკოსი ქალაქ ბუსანში გადოკდოს ახალი აეროპორტის სანახავად იყო ჩასული და რეპორტიორებს ესაუბრებოდა, როცა მას უცხო ადამიანი დაესხა თავს. კვონ ჩილ-სუნგმა პოლიტიკოსის მკვლელობის მცდელობას "ტერორისტული აქტი" და "დემოკრატიის სერიოზული საფრთხე" უწოდა.
ბუსანის პოლიციის ცნობით, თავდამსხმელი, რომელიც შემთხვევის ადგილზევე დააკავეს, 60 წლის მამაკაცია. ის პოლიტიკოსთან ავტოგრაფის სათხოვნელად მივიდა, შემდეგ კი მოულოდნელად თავს დაესხა, - განაცხადა პოლიციამ ბრიფინგზე. სამართალდამცავები ლი ჯე-მიუნგზე თავდასხმის მოტივის დადგენას ცდილობენ.
პოლიტიკოსზე თავდასხმის შემზარავი მომენტი ადგილობრივი ტელევიზიის პირდაპირ ეთერშიც გადაიცა.
სამხრეთ კორეის პრეზიდენტმა, იუნ სუკ იოლმა ინციდენტის შესახებ ღრმა შეშფოთება გამოთქვა. მან ხაზგასმით აღნიშნა, რომ ასეთ ძალადობას არავის აპატიებენ და პოლიციას საქმის სასწრაფო გამოძიება მოსთხოვა.
59 წლის ლი ჯე-მიუნგი 2022 წლის საპრეზიდენტო არჩევნებში იუნ სუკ იოლმა დიდი ძალისხმევის შედეგად დაამარცხა. მას შემდეგ ლი დემოკრატიული ფრთის ლიდერი გახდა და აპრილის საპარლამენტო არჩევნებისთვის საკუთარ პარტიასთან ერთად ემზადებოდა.
წყარო: cnn
მოამზადა: ანა სიბოშვილმა
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს სამხრეთ კორეიაში მოხდა, თუ ჩრდილოეთ კორეიაში? შეცდომაა, ეს სამხრეთში არ მოხდებოდა.
იმიტო დადიან აქ პოლიტიკოსები დაცვებით , ჯიპებით მ შვილებსაც იმიტო აგზავნიან მთავრობის თვითმფრინავებით და იმიტო აფორმებან სიდედრებისა და ნათესავების სახელზე ქონებებს რომ ვინმე თავს არ დაესხან .....