მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლიბანში ლიკვიდირებულია "ჰამასის" ლიდერის მოადგილე - ვინ იყო სალეჰ ალ-არური, ვის გამოც "ჰეზბოლა" ისრაელს შურისძიებით ემუქრება?
12:24 / 03-01-2024
"ჰამასის" ლიდერის მოადგილე, სალეჰ ალ-არური, რომელიც ბეირუთში ცხოვრობდა, საჰაერო თავდასხმის შედეგად დაიღუპა. ისრაელის მტკიცებით, არურის მკვლელობა არ იყო ლიბანზე თავდასხმა, თუმცა ამას არ ეთანხმება "ჰეზბოლა", რომელიც არურის მკვლელების დასჯით იმუქრება.
- ლიბანის პრემიერ-მინისტრმა ისრაელი ლიბანის კონფლიქტში ჩათრევის მცდელობაში დაადანაშაულა.
როგორც ლიბანური მედია იუწყება, არური, რომელიც "ჰამასის" პოლიტიკური ლიდერის მოადგილეა, სამხრეთ ბეირუთში დრონით თავდასხმის შედეგად დაიღუპა. დაღუპულია დაჯგუფების კიდევ 6 წევრი, მათ შორის ორი სამხედრო მეთაური.
არური იყო ალ-ქასამის ბრიგადების მთავარი ფიგურა და "ჰამასის" ლიდერის, ისმაილ ჰანიეს ახლო მოკავშირე. ის ლიბანში მისი ტერორისტული დაჯგუფებისა და "ჰეზბოლას" შორის მოკავშირის სახელით იყო ჩასული.
ისრაელის მთავრობის სპიკერმა მარკ რეგევმა არ დაადასტურა, რომ მკვლელობა ისრაელმა განახორციელა, თუმცა განაცხადა, რომ ვისაც არ უნდა გაეკეთებინა ეს, ცხადია, რომ ლიბანის სახელმწიფოზე თავდასხმა სულაც არ იყო მისი მიზანი: "ეს თვით ტერორისტულ დაჯგუფება "ჰეზბოლაზე" თავდასხმაც კი არ ყოფილა. ვინც ეს გააკეთა, "ჰამასის" ხელმძღვანელობაზე სურდა დარტყმის მიყენება, ეს აშკარაა", - განაცხადა რეგევმა.
- 57 წლის არური ყველაზე მაღალი რანგის ფიგურაა მათ შორის, ვინც ისრაელის სამხედრო ძალებმა 7 ოქტომბრის თავდასხმის შემდეგ მოკლეს.
დაჰიე, სადაც არური მოკლეს, "ჰეზბოლას" ციხე-სიმაგრედაა ცნობილი. თვითმხილველის ინფორმაციით, მაღალსართულიანი შენობის გარშემო, სადაც "ჰამასის" ლიდერის მოადგილე მოკლეს, მეხანძრეები და მედიკოსები შეიკრიბნენ. მისი თქმით, თავდასხმის შემდეგ შენობის ფასადზე დიდი ზომის ხვრელი ჩანდა.
"ჰამასის" პოლიტიკური ფრთის ხელმძღვანელმა, ჰანიემ თავდასხმას "ლაჩრული ტერორისტული აქტი" უწოდა. მისი თქმით, ეს "ლიბანის სუვერენიტეტის დარღვევაა და აგრესიის მასშტაბის გაფართოებას ემსახურება".
განცხადება გააკეთა "ჰეზბოლამაც". მათი თქმით, არურის სიკვდილი "ლიბანზე, მის ხალხსა და უსაფრთხოებაზე განხორციელებული სერიოზული დარტყმაა". განცხადებაში ნათქვამია, რომ "ჰეზბოლა" ამ დანაშაულს უპასუხოდ არ დატოვებს და თავდამსხმელს დასჯის.
ლიბანის საგარეო საქმეთა მინისტრმა, აბდალა ბუ ჰაბიბმა BBC Radio 4-ს განუცხადა, რომ მისი მთავრობა "ჰეზბოლასთან" კავშირშია და ცდილობს, კონფლიქტის გაღვივება თავიდან აირიდოს:
"შეშფოთებულები ვართ... არც ლიბანელებს და არც "ჰეზბოლას" არ სურთ რეგიონალურ ომში ჩართვა",- განაცხადა მინისტრმა. მან დასავლეთს მოუწოდა, "ისრაელზე ზეწოლა მოახდინოს, რათა მან ლიბანში, ბეირუთსა და ღაზაში ძალადობა შეწყვიტოს".
ისრაელის მედიის ცნობით, არური ჰამასის სამხედრო ფრთის დე ფაქტო ლიდერად განიხილებოდა. ასევე ვარაუდობენ, რომ 2014 წელს ის ოკუპირებულ დასავლეთ სანაპიროზე სამი ებრაელი მოზარდის გატაცებასა და მკვლელობაშიც მონაწილეობდა. ის 90-იანი წლებიდან ისრაელის ციხეებში სხვადასხვა თავდასხმებისთვის იხდიდა სასჯელს.
Times of Israel-ის თქმით, არური "ჰამასის" მაღალჩინოსნებს შორის ყველაზე მჭიდროდ იყო დაკავშირებული ირანსა და "ჰეზბოლასთან".
აღსანიშნავია ისიც, რომ ამერიკის შეერთებულმა შტატებმა 2015 წელს სალეჰ ალ-არური ტერორისტად გამოაცხადა და მასზე ინფორმაციისთვის 5 მილიონი დოლარის ოდენობის ჯილდო დააწესა.
აშშ-მა ის "ჰამასის" ფულადი გზავნილებზე პასუხისმგებლად დაასახელა და დაასანქცირა. აშშ-ს სახაზინო სამსახური ალ-არურის ახასიათებდა, როგორც დაჯგუფების მთავარ ფინანსისტს, რომელიც "ჰამასის" სამხედროებს თავდასხმების დაგეგმვასა და არეულობის ხელშეწყობაში ფინანსურად უწყობდა ხელს.
წყარო: bbc
მოამზადა: ანა სიბოშვილმა
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხო მაგარი ქინები მთელის მსოფლიო რომ გეხმარება მსოფლიოში ყველაზე ძლიერი თავდაცვის სიტემები და იარარღი გაქვს, დანგრეულ სახლებს ერთ კვირაში რომ უშენებ უსახლკაროს, ყველას ასხლს სარდაფი რომ აქვს მოწყობილი უმაღლეს დონეზე!!!ჯარი შეირარებული ნომერ პირველი და პლიუს ყველაზე ძლიერი მოკავშირეები!!!! უკრაიანსავიღ ხალხი აბაზანებში კი არ ამოხოცეს და ბავშვები სახლებში დაადუღეს!!! განხავავებას ვერ ხედავთ?? ჩვენ რა გავქვს??ყველა მილიარდელი ებერაელია, ყველა ჭკუის კოლოფიც!!! აცვენ?? თუ ვინემ გამოაცნდა ყვავებივით დავსევით და გავაქცევთ!!!! იქ იბრძვიან ტადაგან იციან რომ 99% გადარცები ისე ხარ შეიარარებული!! მარატო თავდაცვის სისტემები, ყველამ იცის წინასწარ როდის უნდ დაომალოს!!!!! დაფიქრდით ამაზე!!! რა მოიგონეს და გააკეთეს კიდეც!!!! არაცერთ ქვეყნას არ აქვს!!!
ჩვენ სანაპიროსთანაც თუ დადგება ამერიკული ავიამზიდები და იტყვის ვინც საქართველოს დაბომბავს პასუხს გავცემთო, ჩვენც ჩავატარებთ მზგავს და უფრო მაგარ რაღაცეებს, მარტო შეშფოთება აღშფოთების იმედათ ვერც ჩვენ ვიზამთ ვერაფრს და ვერც იზრაელი იზამდა.