მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რამდენი ვინმე იჭორავებს, პრეზიდენტმა უნდა დატოვოს თანამდებობა? - სცემეს კურტანიძეს, აგინეს? - ვიღაცას სჭირდებოდა და ჭორებს აყვნენ" - გეგა გეგეშიძე
15:42 / 05-12-2023
როგორ წარმოგიდგენიათ ელდარ (ლუკა) კურტანიძის გაგდება? თავად მისი მეგობრებიც იქ იყვნენ და ერთი კითხვა რომელიმეს რომ დაესვა, გაიგებდა რა ხდებოდა. ნუ, ალბათ, ასე იყო საჭირო, ასე უნდოდა ვიღაცას და ჭორებს აყვნენ,- ამის შესახებ ჭიდაობის ფედერაციის პრეზიდენტმა გეგა გეგეშიძემ ჟურნალისტებს განუცხადა, რითაც ჭიდაობაში მსოფლიო ჩემპიონის, ლუკა კურტანიძის განცხადებას გამოეხმაურა რის მიხედვითაც, მას საქართველოს ჭიდაობის ეროვნულ ფედერაციაში, ყრილობაზე დასწრების უფლება არ მისცეს და "კარისკენ მიუთითეს“.
გეგეშიძის განცხადებით, მას ლუკა კურტანიძისთვის "გამარჯობის მეტი არაფერი უთქვამს“.
"როგორ წარმოგიდგენიათ ლუკა კურტანიძის გაგდება? აი, როგორ წარმოგიდგენიათ, მითხარით? შეგიძლიათ გადაამოწმოთ უამრავი ადამიანი ესწრებოდა, არანაკლები მსოფლიო ჩემპიონები იყვნენ იქ. ერთი ადამიანი თუ დაადასტურებს, მე გამარჯობის გარდა, მაგისთვის რომ რამე მეთქვას, რა ვიცი, რა გითხრათ. სპორტის კომიტეტს აინტერესებდა თუ რა მოხდა. შეეძლო უბრალოდ კითხვა დაესვა, ჩვენთან, ფედერაციასთან გაერკვია, მსოფლიოს და ევროპის ჩემპიონები იყვნენ, რეგიონული ფედერაციის პრეზიდენტებიც იყვნენ. თავად მისი მეგობრებიც იქ იყვნენ და ერთი კითხვა რომელიმეს რომ დაესვა, გაიგებდა რა ხდებოდა. ნუ, ალბათ, ასე იყო საჭირო, ასე უნდოდა ვიღაცას და ჭორებს აჰყვნენ. ვის რა ინტერესი აქვს, მე რა ვიცი", - განაცხადა გეგეშიძემ.
კითხვაზე, აპირებს თუ არა ის თანამდებობის დატოვებას, გეგეშიძემ განაცხადა - "უკაცრავად, ახლა ჭორების გამო მე უნდა გადავდგე?“
"რამდენი ვინმე იჭორავებს, ყველა პრეზიდენტმა უნდა დატოვოს თანამდებობა იმის გამო, რომ ვიღაცას ასე უნდა? დანაშაული რა არის? სცემეს კურტანიძეს? აგინეს? შეურაცხყოფა მიაყენეს? ორჯერ დავუძახეთ მის მერე, არ მობრძანდა. ზუსტად იმ სხდომაზე უნდა გადაწყვეტილიყო, ყრილობაზე რა საკითხები გავიდოდა. ჰოდა, მობრძანებულიყო სხდომაზე, იქ გაიგებდა ყრილობაზე თუ რა ხდებოდა და მასაც დაესწრებოდა. მაგრამ მას სურვილი არ ჰქონია. როცა მოვიდა, რისთვისაც მოვიდა?!“- განაცხადა გეგა გეგეშიძემ.
ცნობისთვის, ჭიდაობაში მსოფლიო ჩემპიონის, ლუკა კურტანიძის განცხადებით, 1-ელ დეკემბერს საქართველოს ჭიდაობის ეროვნულ ფედერაციაში გამართულ ყრილობაზე დასწრების უფლება არ მისცეს და "კარისკენ მიუთითეს“.
კურტანიძე სოციალურ ქსელში წერდა, რომ როგორც მსოფლიო ჩემპიონი იმის ღირსი მაინც იყო, "ასე დამამცირებლად არ მოქცეოდნენ“.
"ჯერ პრეზიდენტმა, გეგა გეგეშიძემ მკითხა, რა გინდა აქ და მიმანიშნა, რომ ზედმეტი ვიყავი, შემდეგ დაუძახა გენმდივანს და ბატონ თამაზს მითითება მისცა. გენერალურმა მდივანმა მითხრა, რომ კანონით ყრილობაზე დასწრების უფლება არ მქონდა, კარებისკენ მიმანიშნა და მთხოვა გასვლა... დავიბენი, რადგან არ ველოდი. შემრცხვა, ძალიან დამცირებული ვარ! ძალიან მეტკინა. რაღაც ვთქვი და წამოვედი“,- წერდა კურტანიძე.
საკითხის განხილვას ცოტა ხნის წინ, პარლამენტში, სპორტისა და ახალგაზრდულ საქმეთა კომიტეტის სხდომაზე ხმაური მოჰყვა. როგორც კომიტეტის თავმჯდომარე ირაკლი მეძმარიაშვილმა აღნიშნა, სპორტული ოჯახი დიდია და თუ რაიმე სირთულე წარმოიშვება, სოციალური ქსელებით ამ საკითხების გარჩევა სწორი არ არის.
ასევე იხილეთ:
- "რას იწყევლები კაცი ხარ თუ ადამიანი. იარე შენ მაგ სიმართლით" - პარლამენტში მეძმარიაშვილი და ხაბარელი ერთმანეთს ლუკა კურტანიძის გამო დაუპირისპირდნენ
- "იქ შეკრებილი საზოგადოების თვალწინ ზურგი შეაქციეს და კარისკენ მიუთითეს" - საქართველოს ეროვნული ოლიმპიური კომიტეტი ლუკა კურტანიძეს ექომაგება
- "ჯერ გეგა გეგეშიძემ მიმანიშნა, რომ იქ ზედმეტი ვიყავი, შემდეგ კი კარისკენ მიმითითეს.... ძალიან დავმცირდი, მეტკინა და წამოვედი" - რა წერს ლუკა კურტანიძე ჭიდაობის ფედერაციაში მომხდარ ამბავზე?
00:00 / 00:00
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამას შეურაწყოფა მარტო ცემა და გინება რომ ჰგონია... კენგურუს ინტელექტი...
მე,ისევე,როგორც სხვა დამკომენტარებლები, გარედან ვუყურებთ სიტუაციას და ზუსტად რა ხდება, არ ვიცით, თუმცა, ფაქტია, ამ გეგეშიძეს სულ უჩივიან და ეურჩებიან, სულ რაღაც პრობლემები აქვს სპორტსმენებთან ურთიერთობაში, ანუ რაღაც ვერაა რიგზე და გაუშვით,რას ეფერებით?! არც გინება და ცემაა მაგისგან უცხო და გაუგონარი და რამდენხანს უნდა იყოს პრეზიდენტად?! მაგის ძველბიჭობებს უნდა უყუროს ქვეყანამ და სახელოვანი სპორტსმენები გაყაროს თუნდაც სხდომიდან და თუნდაც ქვეყნიდან?! ბნელა?! მაგრამ რომ არ ბნელა და ვხედავთ და ვარჩევთ ავსა და კარგსაც?! მიახსენით ან გადაირჩიეთ!!!