15
მაისიდღის ზოგადი ასტროლოგიური პროგნოზი
ამერიკელი სახელმწიფო მოღვაწე, დიპლომატი, საერთაშორისო ურთიერთობების ექსპერტი, აშშ-ის ყოფილი სახელმწიფო მდივანი, ჰენრი ალფრედ კისინჯერი 100 წლის ასაკში გარდაიცვალა. კისინჯერი ამერიკის წამყვანი დიპლომატი იყო და ნიქსონისა და ფორდის ადმინისტრაციებში ეროვნული უსაფრთხოების მრჩევლად მუშაობდა. მრჩევლის თანამდებობა 1970-იან წლებში დატოვა, თუმცა ის ათწლეულების განმავლობაში სხვადასხვა ლიდერების მიღებას განაგრძობდა და მათ შესაბამის კონსულტაციას უწევდა.
- მედიის ცნობით, წარმოშობით გერმანელი დიპლომატი საკუთარ სახლში გარდაიცვალა.
დიპლომატის გარდაცვალების ამბავს აშშ-ს ყოფილი პრეზიდენტი, ჯორჯ ბუში გამოეხმაურა: "ამერიკის შეერთებულმა შტატებმა საგარეო ურთიერთობებში ერთ-ერთი ყველაზე საიმედო და გამორჩეული ხმა დაკარგა",- განაცხადა ბუშმა.
აღსანიშნავია, რომ ჰენრი კისინჯერი პოპულარობით სარგებლობდა ჩინეთში. სოციალური მედიის პლატფორმა Weibo-ზე მისი გარდაცვალების ამბავი მალევე გავრცელდა. ჩინეთის ცენტრალურმა ტელევიზიამ კისინჯერს "ლეგენდარული დიპლომატი" უწოდა.
- 1973 წელს კისინჯერს მშვიდობის განმტკიცების დარგში ნობელის პრემიაც მიანიჭეს.
ამერიკელ დიპლომატს მეუღლე, სახელად ნენსი, ორი შვილი და ხუთი შვილიშვილი დარჩა.
წყარო: bbc
მოამზადა: ანა სიბოშვილმა
შორსმჭვრეტელი, მაღალი კლასის პროფესიონალი დიპლომატი! სამწუხაროდ დღეს ასეთები აღარ არიან მსოფლიო პოლიტიკაში.
რაც ამას ცოდვები ქონდა ასი წელი როგორ აᲩუქა ᲦმერᲗმა?