მომაკვდავი ქალის უკანასკნელი სურვილი: სიმსივნით დაავადებულმა კეიტ მაკინტაირმა 15 მილიონი შეაგროვა, რომლითაც სხვა ადამიანების სამედიცინო დავალიანება დაიფარა

სიმსივნით დაავადებულმა სხვა ადამიანების სამკურნალოდ 15 მილიონი დოლარი შეაგროვა

38 წლის კეიტ მაკინტაირმა, რომელიც საკვერცხის კიბოს ებრძოდა, 15 მილიონი დოლარი სხვა ადამიანების სამედიცინო დავალიანების გადასახდელად გამოიყენა - ეს მისი უკანასკნელი სურვილი იყო. ნიუ-იორკში კეიტის ინიციატივით საქველმოქმედო საღამო გაიმართა, შედეგად, მან 15 მილიონის შეგროვება მოახერხა.

"შენიშვნა ჩემს მეგობრებს: თუ ამას კითხულობთ, მე მოვკვდი. ვწუხვარ, მიზეზი საკვერცხის მეოთხე სტადიის კიბო იყო. ჩემი ცხოვრების აღსანიშნავად გადავწყვიტე სხვების სამედიცინო დავალიანება გადამეხადა. მე ძალიან გამიმართლა, რომ საუკეთესო სამედიცინო მომსახურებაზე მქონდა წვდომა. ისიც კარგად ვიცი, რომ ჩვენს ქვეყანაში ამის ფუფუნება ყველას არ აქვს" - წერია კეიტის უკანასკნელ სოციალურ პოსტში.

ცნობილია, რომ აშშ არ სთავაზობს უნივერსალურ ჯანდაცვის სისტემას თავის მოქალაქეებს. როდესაც მაკინტაირის ამბავი სოციალურ ქსელში გავრცელდა, შემოწირულებებმაც იმატა.

კეიტ მაკინტაირი 12 ნოემბერს გარდაიცვალა. სიცოცხლის უკანასკნელი ხუთი თვე მან საკუთარ სახლში, მეგობრებისა და ოჯახი წევრების გარემოცვაში გაატარა.

წყარო