მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნიკორა ჯგუფი" მაღალმთიანის სოფლების სკოლებზე ზრუნვას აგრძელებს და მოსწავლეებს საჭირო ნივთებს გადასცემს
12:00 / 24-10-2023
„ნიკორა ჯგუფი“ სოციალური პასუხისმგებლობის ფარგლებში მაღალმთიანი სოფლის სკოლების დახმარების პროგრამას აგრძელებს. ამჯერად კომპანიამ ხულოსა და წალკის მუნიციპალიტეტის საჯარო სკოლებს წიგნები და კომპიუტერული ტექნიკა, ხოლო პირველიდან მერვე კლასის ჩათვლით მოსწავლეებს კი სასწავლო პროცესისთვის საჭირო ნივთები გადასცა.
ხულოს მუნიციპალიტეტში მდებარე სკოლის დირექტორი ფირუზ ვაშაყმაძე აღნიშნავს, მნიშვნელოვანია, სახელმწიფოსთან ერთად, კერძო სექტორიც ჩაერთოს განათლების ხელშეწყობაში. „ნიკორა ჯგუფის“ პროექტი კი ერთგვარი ბიძგი იქნება სხვა კომპანიებისთვის, იზრუნონ მომავალი თაობის საჭიროებებზე:
„მივესალმები ამ წამოწყებას და მნიშვნელოვანია, რომ არა მხოლოდ სახელმწიფო, არამედ თითოეული ჩვენგანი ვიყოთ ახალგაზრდა თაობის ფორმალურ თუ არაფორმალურ განათლებაში ჩართულები. აუცილებელია, ყველამ ვიგრძნოთ ჩვენი წილი პასუხისმგებლობა და „ნიკორა ჯგუფის“ წამოწყება სხვა ბიზნესებისთვის მაგალითის მისაცემად მართლაც მნიშვნელოვანია, მინდა, კომპანიას მადლობა გადავუხადო გაწეული დახმარებისთვის“, - აღნიშნა ფირუზ ვაშაყმაძემ.
მისივე თქმით, ბავშვებისთვის საჩუქრების აღმოჩენის პროცესი ძალიან სახალისო იყო და მათთვის „ნიკორას“ თანამშრომლების სტუმრობის დღე ერთგვარ დღესასწაულად იქცა.
წალკის მუნიციპალიტეტის სოფელ საყდრიონის სკოლის დირექტორი ირაკლი შავაძე ასევე მადლობას უხდის „ნიკორა ჯგუფს“ ინიციატივისთვის და აღნიშნავს, რომ კერძო სექტორის აქტიურობა განათლების სფეროსთვის უმნიშვნელოვანესია:
„მინდა, მადლიერება გამოვხატო. კომპანიის თანამშრომლებმა ბიბლიოთეკისთვის წიგნები და კომპიუტერები და ბავშვებისთვის სასკოლო ინვენტარი მოგვიტანეს. ჩვენი მოსწავლეები აღფრთოვანებულები იყვნენ ასეთი ყურადღებით“, - აღნიშნა საყდრიონის საჯარო სკოლის დირექტორმა ირაკლი შავაძემ.
პროექტის მიზანია მოსწავლეების წახალისება, სკოლების თანამედროვე კომპიუტერებით აღჭურვა და სასკოლო ბიბლიოთეკების ახალი წიგნებით შევსება, რათა რეგიონებში მცხოვრებ ახალგაზრდებს თანამედროვე ტექნოლოგიებსა და ლიტერატურაზე უკეთესი წვდომა ჰქონდეთ.
როგორც „ნიკორა ჯგუფში“ განმარტავენ, სკოლების საჭიროებების შესახებ ინფორმაციას განათლებისა და მეცნიერების სამინისტროსგან იღებენ და ამის მიხედვით ადგენენ გადასაცემი ინვენტარის სიას. პროექტი უკვე მეორე წელია ხორციელდება და ამ პერიოდში „ნიკორა ჯგუფმა“ საჭირო ინვენტარი უკვე 10 სკოლას გადასცა. პროექტმა კი ერთგვარი ტრადიციის სახე მიიღო.
NS
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
