მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
100 წლის შემდეგ "საქართველოს ქალის" საიუბილეო ნომერი გამოიცა - BTU-ს განსაკუთრებული პროექტი სტერეოტიპების წინააღმდეგ
15:48 / 05-10-2023
ბიზნესისა და ტექნოლოგიების უნივერსიტეტმა, რომელიც ქალთა გაძლიერების კუთხით დაარსების დღიდან აქტიურად მუშაობს, ჟურნალ „საქართველოს ქალის“ განახლებული, საიუბილეო ნომერი გამოსცა. გამოცემა ჟურნალის 100 წლის იუბილეზე მომზადდა და მასში არაერთ საინტერესო ისტორიას გაეცნობით.
„საქართველოს ქალის“ განახლებული საიუბილეო ნომერი თემატურად მრავალფეროვანია. მასში შეხვდებით ქალებს, რომლებიც საინფორმაციო-საკომუნიკაციო ტექნოლოგიებში საქმიანობენ, რომლებმაც ინოვაციური, მაღალტექნოლოგიური სტარტაპები დააფუძნეს, ილუსტრატორებსა და ციფრულ არტისტებს, ელექტრონული მუსიკის, ფოტოგრაფიის, სამხედრო სფეროსა და სხვა სექტორების წარმომადგენლებს. ჟურნალში წაიკითხავთ მათი საქმიანობისა და წარმატების ისტორიებს, ამბებს, რომლებიც მკითხველს გენდერული სტერეოტიპების აბსურდულობაში კიდევ ერთხელ დაარწმუნებს და აჩვენებს რეალობას, რომელიც ამ სტერეოტიპების მიღმა დგას.
სიმბოლურია, რომ ჟურნალის პრეზენტაცია გაიმართა „სტამბაში“, სადაც წლების წინ „საქართველოს ქალი“ იბეჭდებოდა. ღონისძიებას ესწრებოდნენ ქალები სხვადასხვა სფეროდან.
„ეს ძალიან სასიხარულო ამბავია ჩვენთვის, რადგან ამ ჟურნალის საშუალებით ვყვებით იმ სტერეოტიპების შესახებ, რომლებიც სხვადასხვა ინდუსტრიაში გენდერული უთანასწორობის ჭრილში არსებობს. ასვე ვყვებით იმ პროექტების შესახებ, რომლებიც უნივერსიტეტმა განახორციელა ინოვაციებისა და ტექნოლოგიების სფეროში ქალთა გაძლიერების კუთხით. ჟურნალს აქტიურად გავავრცელებთ ორგანიზაციებში, რომლებთანაც ქალთა ეკონომიკური გაძლიერების კუთხით ვთანამშრომლობთ,“ - განაცხადა ბიზნესისა და ტექნოლოგიების უნივერსიტეტის რექტორმა ნინო ენუქიძემ.
„ჩემთვის დიდი პატივია, რომ ჟურნალის მონაწილე ვარ. ვფიქრობ, ძალიან მნიშვნელოვან თემას ეხება ეს ინიციატივა, რაც გულისხმობს ქალების ჩართულობას ტექნოლოგიებში და მათი შესაძლებლობების გაძლიერებას. მეტად საჭიროა მსგავსი ღონისძიებები და ინიციატივები, რადგან ქალებს მეტ ძალას აძლევს, გააკეთონ ის, რაც ერთი შეხედვით, შეიძლება შეუძლებელი ჩანდა მათთვის,“ - აღნიშნა Phubber-ის დამფუძნებელმა თეონა დოლაბერიძემ.
„ძალიან მნიშვნელოვანია ინიციატივები, რომლებიც საქართველოში ქალთა გაძლიერებას ეხება. ეს გამოცემა არის დასტური იმისა, რომ ქალები ყოველთვის ძალიან ძლიერები იყვნენ საქართველოში. სტერეოტიპები ქალების ირგვლივ, რომლებიც დღემდე აქტიურია, სინამდვილეში ძალიან მცდარია,“ - განაცხადა ჟურნალის რედაქტორმა ნინო დარასელმა.
აღსანიშნავია, რომ საიუბილეო ნომერი მკითხველს არა მარტო საინტერესო და მრავალფეროვან, არამედ ინოვაციურ კონტენტსაც წარუდგენს. ჟურნალში გამოყენებულია „საქართველოს ქალის“ მასალები 70-80-იანი წლებიდან, მუსიკის ნოტები, თარგები და ხელოვნური ინტელექტის მიერ შექმნილი სტატია.
BTU დაარსების დღიდან ზრუნავს ქალთა ტექნოლოგიების მიმართულებით გაძლიერებაზე და გამოცემის აღდგენაც სწორედ ამის ნაწილია. უნივერსიტეტს უკვე დიდი გამოცდილება აქვს ქალთა გაძლიერებისთვის განხორციელებულ პროექტებში. მათ შორის აღსანიშნავია პროექტი „500 ქალი ტექში“ რომელიც გაეროს ქალთა ორგანიზაციისა და ნორვეგიის სახელმწიფოს დაფინანსებით განხორციელდა და მიმდინარე პროექტი „კოდინგის სკოლა 1500 ქალისთვის“, რომელიც USAID თან პარტნიორობით ხორციელდება, სხვა უკვე დასრულებული პროექტები თუ გადამზადების პროგრამები.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
