15
მაისიდღის ზოგადი ასტროლოგიური პროგნოზი
ანია ტეილორ ჯოიმ და მალკოლმ მაკრეიმ ვენეციაში კიდევ ერთხელ იქორწინეს, ინფორმაციას Daily Mail ავრცელებს.
წყვილმა ოფიციალურად შარშან, ქორწინების სახლში მოაწერა ხელი, თუმცა გასულ შაბათ-კვირას მათ 150-მდე ახლო მეგობარსა და ოჯახის წევრთან ერთად მორიგი ცერემონია გამართეს.
წყვილმა მე-15 საუკუნის სასახლეში, Palazzo Pisani Moretta-ში იქორწინა.
Daily Mail-ის მიერ მოპოვებულ ფოტოებში, მსახიობი ქორწილის სამზადისამდე აივანზე ყავას მიირთმევს. რამდენიმე საათის შემდეგ, ანია იმავე ტერასაზე არატრადიციული საქორწილო "ლუქით" გამოვიდა.
ტრადიციულად თეთრი საქორწილო კაბის ნაცვლად, ანიამ კრემისფერი კაბა არჩია, რომელსაც ჩიტებისა და ყვავილების ნაქარგები ჰქონდა. მიუხედავად ამისა, ვარსკვლავმა გარკვეული ტრადიცია არ დაარღვია და თეთრი ფატა მაინც გაიკეთა.
27 წლის მსახიობი და 29 წლის მუსიკოსი თავიანთ ურთიერთობას პუბლიკისგან საიდუმლოდ ინახავდნენ, თუმცა როგორც გაირკვა, წყვილი 2021 წლიდან ხვდება ერთმანეთს.
ტეილორ-ჯოიმ ნიშნობის ბეჭედიც, საქორწილო "ლუქის" მსგავსად, არაორდინალური აირჩია. მწვანე მასიური ბრილიანტისთვლიანი ბეჭედი.
წყვილმა ერთმანეთი 2021 წლის მარტში "Queen's Gambit"-ის პრემიერაზე გაიცნო. მაკრეი ისე მოხიბლულა ვარსკვლავით, რომ სახლში მისვლისთანავე მასზე სიმღერა დაუწერია. "ძლივს ვიპოვე ადამიანი, რომელიც ჩემთან ერთად დაჯდება და სიჩუმეში წიგნის კითხვით ისიამოვნებს. თითქოს ორივე ერთდროულად 80 და 7 წლისანი ვართ და ამის გამო ერთმანეთს ძალიან კარგად ვეწყობით",- საუბრობდა ანია მალკოლმისა და მისი ურთიერთობის შესახებ.
წყარო: dailymail
მოამზადა: ანა სიბოშვილმა
რა ბანძი აივანია ან გაეწმინდათ ან არ გადაეღოთ
ვაა იტალიელებს ქართველებზე ლამაზი დედოფლები ჰყოლიათ