მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მთავრობის გადაწყვეტილებით, ფქვილის იმპორტის გადასახადი იზრდება - მოიმატებს თუ არა პურის ფასი?
16:38 / 02-10-2023
მთავრობის გადაწყვეტილებით, ქატოსა და ქერის იმპორტის შემთხვევაში დამატებითი საფასური 100 ლარით განისაზღვრება. ამის შესახებ გარემოს დაცვისა და სოფლის მეურნეობის მინისტრის მოადგილემ, თენგიზ ნასარიძემ მთავრობის სხდომის დასრულების შემდეგ განაცხადა.
მისივე თქმით, ფქვილის იმპორტის შემთხვევაში კი საფასური დამატებით 50 ლარით გაიზრდება და ჯამში ტონაზე 250 ლარი დაწესდება.
"მოგეხსენებათ, რომ გლობალურად მსოფლიო ბაზარზე მიმდინარე პროცესების გათვალისწინებით ძალიან არასტანდარტული ვითარებაა შექმნილი ხორბლის ფასის ფორმირების, ზოგადად ლოჯისტიკის კუთხით.
ამ მიმართულებით, რამდენიმე თვის წინ გადაწყვეტილება მიღებული იქნა, რითაც ასე ვთქვათ, ანომალიური ვითარება ფქვილის იმპორტის ზრდასთან დაკავშირებით სამართლიანად დაბალანსდა. კერძოდ, ფქვილის იმპორტზე დაწესდა 200 - ლარიანი დამატებითი საფასური. თუმცა ამ თვეების განმავლობაში გამოიკვეთა, რომ ბოლო პერიოდში კვლავ მზარდი ტენდენციით ხასიათდება ფქვილის იმპორტი, ეს განპიროვნებულია ისევ და ისევ ფასის არასტაბილური ფორმირებით, იმ ჭარბი მოსავლით, რაც მსოფლიოში არსებობს. აღნიშნულის გათვალისწინებით, ჩვენ გადაწყვეტილება მივიღეთ, რომ დამატებით 50 ლარი, ანუ ჯამში ტონაზე 250 ლარი დაწესდეს საფასური ფქვილის იმპორტის შემთხვევაში.
სამწუხაროდ, წლევანდელმა წელმა სტიქიის და კლიმატური პირობების გათვალისწინებით განაპირობა ის, რომ შედარებით მეტი არის ხარისხობრივად ისეთი ხორბალი, რომელიც უფრო მეტად გამოიყენება საფურაჟე დანიშნულებით, შესაბამისად, ამ კუთხითაც საჭიროა გარკვეული მექანიზმების შემუშავება და დღევანდელი გადაწყვეტილებით, მთავრობამ გადაწყვეტილება მიიღო, რომ ქერზე დაწესდეს 100 ლარი იმპორტის შემთხვევაში დამატებითი საფასური და ასევე, ქატოზე, რომელიც ფაქტობრივად ხორბლის გადამუშავების შედეგად იმავენაირად მიღებული პროდუქტია, როგორც ფქვილი და აქამდე მასზე არანაირი განსაკუთრებული რეგულირება არ ხორციელდებოდა. ქატოს შემთხვევაშიც 100 ლარი განისაზღვრება დამატებითი საიმპორტო საფასური, რომელიც ვფიქრობთ, რომ ძალიან დაეხმარება ადგილობრივი ხორბლის მწარმოებლებს, მათ მიერ მოყვანილი ხორბლის რეალიზებაში, იმ ფასად, რომ მათ მოახერხონ საქმიანობის გაგრძელება და შემდგომშიც ქვეყნის ეკონომიკაში იმ წვრილის შეტანა, რაც აქამდე მზარდი ტენდენციებით ხასიათდებოდა“, - განაცხადა ნასარიძემ.
როგორც ნასარიძემ აღნიშნა, ფქვილის იმპორტის საფასურის ზრდა არანაირად არ იმოქმედებს პურის ფასზე.
"აღსანიშნავია, რომ ეს გადაწყვეტილება ფქვილის იმპორტის საფასურის ზრდასთან დაკავშირებით, როგორც წინა შემთხვევაში, ასევე, ამ შემთხვევაშიც არანაირად არ იმოქმედებს პურის ფასზე. პურის გაძვირების არანაირი რისკი არ არსებობს და შესაბამისად, ერთობლივად ეს კომპლექსური გადაწყვეტილება ხელს შეუწყობს ადგილობრივი ხორბლის რეალიზებას.
ბუნებრივია, ვადაც გახანგრძლივდება. ამ ეტაპზე 1 მარტამდეა ვადა, რომელ ვადაშიც იმოქმედებს ეს მექანიზმი, თუმცა, რა თქმა უნდა, ჩვენ დავაკვირდებით ვითარებას და თუ რაიმე საჭიროება იქნება ჩარევის ან მანამდე ან მას შემდეგ შესაბამისად ვიქმედებთ“, - აღნიშნა ნასარიძემ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან გთხოვთ ნუ გააკეთებთ ამას, ხორბალზე ფასები მთელს მსოფლიოშია შემცირებული და ჩვენთანაც შემცირდებოდა პურის ფასი რომ არა ეს გადაწყვეტილება. რას გვერჩით?
ეგ უნიათო მთავრობის ბრალია,ვაჭრებმა შეაშინეს.