სევასტოპოლზე თავდასხმის შედეგად ორი რუსი გენერალი მძიმედ დაიჭრა - რა ინფორმაციას ავრცელებს უკრაინის სამხედრო დაზვერვა
უკრინის სამხედრო დაზვერვის მტკიცებით, სევასტოპოლზე თავდასხმის შედეგად ორი რუსი გენერალი დაიჭრა, ხოლო რუსეთის შავი ზღვის ფლოტის მეთაურის, ვიქტორ სოკოლოვის ბედი ამ დრომდე უცნობია.
უკრაინის დაზვერვის უფროსის, კირილო ბუდანოვის განცხადებით, კიევის შავი ზღვის ფლოტზე თავდასხმის შედეგად სულ მცირე ცხრა ადამიანი დაიღუპა. მისივე თქმით, რუსი გენერალ-პოლკოვნიკი ალექსანდრე რომანჩუკი "ძალიან მძიმე მდგომარეობაშია", ხოლო შტაბის უფროსი, გენერალ-ლეიტენანტი ოლეგ ცეკოვი უგონო მდგომარეობაში იყო.
რუსეთის თავდაცვის სამინისტრო უკრაინის განცხადებას უარყოფს და აღნიშნავს, რომ თავდასხმის შედეგად სულ მცირე ერთი სამხედრო მოსამსახურე დაიკარგა.
შეგახსენებთ, რომ უკრაინამ საპორტო ქალაქ სევასტოპოლზე თავდასხმა პარასკევს განახორციელა.