"ყველაზე კეთილი ადამიანი, ვინც შემხვედრია ამ ომის განმავლობაში" - რას წერს მამუკა მამულაშვილი უკრაინაში დაღუპულ ზაქრო შუბითიძეზე

უკრაინაში დაღუპული კიდევ ერთი ქართველი მებრძოლი, ზაქრო შუბითიძეა. ის "ქართული ლეგიონის" წევრი იყო. "ქართული ლეგიონის“ მეთაური მამუკა მამულაშვილი გარდაცვლილ სამხედროსთან ორი დღის წინ გადაღებულ ფოტოს აქვეყნებს და წერს:

"ყველაზე კეთილი ადამიანი ვინც შემხვედრია ამ ომის მანძილზე! "ცოდვაა, როცა ვაჟკაცი უნდა გადიქცეს მიწადა" (ვაჟა ფშაველამე). 4 ჯგუფის მეთაური ზაქრო შუბითიძე! ჩვენი ბოლო შეხვედრა, ორი დღის წინ.

ზაქრო შუბითიძე დონეცკის ოლქის დასახლება სტარომაიორსკოესთან იბრძოდა, სადაც პოზიციური ბრძოლები დიდი ხანია, გრძელდება; ის პოზიციები, სადაც ზაქრო შუბითიძე სხვა მებრძოლებთან ერთად იმყოფებოდა, ოკუპანტების მასობრივი საარტილერიო იერიშის სამიზნე გახდა, ზაქრომ სასიკვდილო ჭრილობა მიიღო, თანამებრძოლებმა მისი გადარჩენა ვერ მოახერხეს.

ცნობისთვის, უკრაინაში რუსეთის სრულმასშტაბიან შეჭრას, 2022 წლის 24 თებერვლიდან დღემდე, 48 ქართველი ემსხვერპლა.