მთვარის ათვისების მარათონში იაპონიაც ერთვება - პირველად ისტორიაში, დედამიწის თანამგზავრზე იაპონური კოსმოსური ხომალდიც დაეშვება
The Gardian-ის ინფორმაციით, იაპონიამ კოსმოსში მთვარზე დასაშვებად პირველი მოდული - SLIM-ი გაუშვა, რომელიც იაპონიის აეროკოსმოსური კვლევების სააგენტომ (JAXA) შეიმუშავა. მთვარეზე მოდულის დაშვება მომავალი წლის თებერვლისთვისაა მოსალოდნელი.
გამოცემის ცნობით, რაკეტა-მატარებლის გაშვება დღეს ტანეგასიმას კოსმოდრომიდან განხორციელდა. ამინდის გამო, გაშვება წელს უკვე სამჯერ გადაიდო.
JAXA-ს სპეციალისტების განცხადებით, აპარატის შექმნის დროს გამოყენებული ტექნოლოგიები ზუსტად გასაზღვრულ ადგილას დაშვების საშუალებას იძლევა, 100 მეტრამდე ცდომილებით, ადრე კი, ეს მაჩვენებელი რამდენიმე კილომეტრს შეადგენდა.
იაპონიას, $100-მილიონიანი მისიით სურს დაამტკიცოს, რომ მას აქვს უნარი, მთვარეზე მსუბუქი, ბიუჯეტური კოსმოსური ხომალდი წარმატებით დაუშვას. "ახლა გვაქვს საშუალება დავეშვათ იქ, სადაც გვსურს და არა იქ, სადაც მარტივია", - განაცხადეს სპეციალისტებმა.
- თანამგზავრი, რომელსაც ავტობუსის ზომის ტელესკოპი აქვს, უკვე ჩამოშორდა მთვარეზე დასაშვებ ხომალდს, რადგან მას საკუთარი მისია აქვს. თანამგზავრი დედამიწის ორბიტას შემოუვლის და ისეთ კოსმოსურ ფენომენებს შეისწავლის, როგორიც შავი ხვრელებია.
შეგახსენებთ, რომ სულ რაღაც 2 კვირის წინ ინდოეთი ისტორიაში შევიდა, როგორც მეოთხე ქვეყანა, რომელმაც მთვარეზე წარმატებით დაუშვა საკუთარი კოსმოსური ხომალდი, Chandrayaan-3. ის მთვარის კრატერებზე იმოძრავებს და მნიშვნელოვან მონაცემებს შეაგროვებს, რაც ჩვენს პლანეტაზე გამოიგზავნება გამოსაკვლევად.
წყარო: bbc