მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფოტო, რომელმაც ხელი შეუწყო 5 გოგონას ეპოქის ყველაზე საკულტო და გავლენიან მოდელებად ქცევას და ფოტოსესია ისევ "ვოგისთვის" 33 წლის შემდეგ
10:13 / 21-08-2023
1990 წელს Vogue-ის რედაქტორმა ლიზ ტილბერისმა პიტერ ლინდბერგს ჟურნალის ყდისთვის ახალი ფოტოს გადაღება დაავალა. ლინდბერგს, რომელიც თავისი მინიმალისტური ხედვით გამოირჩეოდა, სურდა შეექმნა მარტივი სურათი, რომელიც მოდელების ბუნებრივ სილამაზეს გამოავლენდა.
ფოტოსთვის იმ დროისთვის ნაკლებად ცნობილი ხუთი მოდელი შეარჩია - ნაომი კემპბელი, ლინდა ევანგელისტა, ტატიანა პატიცი, კრისტი ტარლინგტონი და სინდი კროუფორდი. ჯინსებში გამოწყობილი მოდელები ნიუ-იორკის ქუჩებში უმაკიაჟოდ პოზირებდნენ.
"ყველაფერი ბუნებრივად, ძალისხმევის გარეშე გავაკეთე, ფოტოს გადაღებისას ვერასდროს წარმოვიდგენდი, რომ ისტორიას ვქმნიდი“, - იხსენებდა ლინდბერგი წლების შემდეგ - "სილამაზე ყოველთვის ქერა ქალთან ან სექსუალურ შავგვრემანთან იყო დაკავშირებული, მე კი მსურდა, რომ ეს სტერეოტიპი დამერღვია.“
ფოტომ დიდი წარმატება მოიპოვა და ხელი შეუწყო 5 გოგონას, ეპოქის ყველაზე საკულტო და გავლენიან მოდელებად ქცევას - 90-იან წლებში მათ არაერთი მოდის ჟურნალის გარეკანი დაამშვენეს.
სამწუხაროდ, ა.წ. იანვარში, ამ თაობის ყველაზე იდუმალ მოდელად მიჩნეული, გერმანელი ტატიანა პატიცი 56 წლის ასაკში გარდაიცვალა. ის წლების განმავლობაში ამშვენებდა მსოფლიო პოდიუმებს. როგორც ამბობენ, მას არ იზიდავდა ხმაურიან ქალაქებში ცხოვრება, პარიზსა და ნიუ იორკს ამჯობინა, რომ კალიფორნიაში შეეძინა რანჩო და მშვიდ გარემოში, ბუნებასთან ახლოს ეცხოვრა. დაინტერესებული იყო გარემოსდაცვითი საკითხებით. ბოლოს პოდიუმზე 2019 წელს გამოჩნდა Etro-ს შოუზე, მილანის მოდის კვირეულის ფარგლებში.
...30 წლის შემდეგ
2023 წელს, იმ ლეგენდარული ფოტოსესიიდან 30 წელზე მეტი ხნის შემდეგ, მოდელები კვლავ, ამჯერად ტატიანა პატიცის გარეშე გაერთიანდნენ და "ვოგის" სექტემბრის ნომრის ყდაზე კვლავ მათ იხილავს მკითხველი. პარალელურად კი მოდის ინდუსტრიაზეც ისაუბრეს.
"ჩვენ ერთი ოჯახი ვიყავით. ერთმანეთზე ყოველთვის ვზრუნავდით“, - ამბობს გამოცემასთან სინდი კროუფორდი.
საუბარი რასიზმსაც შეეხო. ნაომი კემპბელის თქმით, მოდის ინდუსტრიაში რასობრივი დისკრიმინაციის მსხვერპლი არაერთხელ გამხდარა.
"სხვა მოდელებს არაფრით ჩამოვუვარდებოდი, მეც სხვების მსგავსად ვიხარჯებოდი, თუმცა კოლეგებისგან განსხვავებით, ყოველთვის ნაკლებს მიხდიდნენ“, - აღნიშნა მოდელმა.
- ლინდა ევანგელისტა
სადაც არ უნდა გამოჩენილიყო მსოფლიო პოდიუმების ვარსკვლავი, მისთვის თვალის მოშორება შეუძლებელი იყო. Harper's Bazaar, Vogue, L'Officiel, Marie Claire - კარიერის განმავლობაში იგი 600-ზე მეტ გარეკანზე გამოჩნდა.
წლების გასვლასთან ერთად, ნაომი კემპბელმა, სინდი კროუფორდმა, კრისტი ტურლინგტონმა საბოლოოდ, ამა თუ იმ ხარისხით, შეინარჩუნეს ლამაზმანების სტატუსი, სამწუხაროდ, ლინდას შემთხვევაში მოვლენები სხვაგვარად განვითარდა.
ნარკოდამოკიდებულებამ ფარისებრი ჯირკვლის პრობლემების პროვოცირება მოახდინა, რამაც განაპირობა ის, რომ ევანგელისტამ მოდელისთვის შესაფერისი სილამაზე დაკარგა.
"პოდიუმზე გამოსვლა ძალიან მიყვარდა, ახლა კი მეშინია, ქუჩაში ნაცნობს არ გადავეყარო“, - ამბობდა ლინდა და აგრძელებდა: "აღარ შემიძლია მიმალვასა და სირცხვილში ცხოვრება. უბრალოდ, აღარ მინდა ამ ტკივილით ვიცხოვრო".
"ყოველთვის აინტერესებთ, რატომ აღარ ვმუშაობ. მიზეზი ის არის, რომ საშინლად დამამახინჯა Zeltiq CoolSculpting-ის აპარატის ლიპოსაქციის პროცედურამ, რომლის ეფექტიც საპირისპირო იყო. ამან არა მხოლოდ კარიერა წამართვა, არამედ ღრმა დეპრესიაში ჩამაგდო და საკუთარი თავი შემაძულა“, - აღნიშნა სუპერმოდელმა ინტერვიუში. ლინდა "ვოგის" ფოტოებში შესანიშნავად გამოიყურება, როგორც ამბობენ, მის ფორმაში მოსაყვანად რამდენიმეთვიანი მუშაობა გახდა საჭირო.
იხილეთ ასევე:
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძველი თაობის მოდელები ლამაზები იყვნენ ბუნებრივად, ასევე მათი თაობის წარმომადგენელია, ულამაზესი კარენ მიულდერი
ჯორჯ მაიკლის კლიპი Freedom 90 ამ ფოტოს გამოა გადაღებული. 33 წელი კი გასულა, მაგრამ ყველაფერი როგორი ფრეშია. მუსიკა, განათება, რეჟისურა, გადაღება, მხატვრული გაფორმება. ჩაიდანის ხმაც ))) პატიჩი რო ეწევა წამოწოლილი, ტორლინგტონის შემოსვლა გრძელი თეთრი პროსტინით, ვიდეოს დედოფალი მაინც ლინდაა. ჯემპრის თავზე გადმოწევა ისტორიული გახადო, მოხერხება უნდა )))