რამ­დე­ნი­მე დღეა, რაც ევ­რო­კავ­ში­რი­სა და ნა­ტოს წევ­რი ქვეყ­ნე­ბის - პო­ლო­ნე­თი­სა და ლი­ე­ტუ­ვის სა­ზღვარ­ზე, ე.წ. სუ­ვალ­კის დე­რე­ფან­თან, ბე­ლა­რუს­მა სამ­ხედ­რო წვრთნე­ბი წა­მო­ი­წყო. ვრცელ­დე­ბა ინ­ფორ­მა­ცია, რომ მას­ში "ვაგ­ნე­რე­ლე­ბიც“ მო­ნა­წი­ლე­ო­ბენ.

უკ­რა­ი­ნა­ზე თავ­დას­ხმი­სას რუ­სეთ­მა ბე­ლა­რუ­სის ტე­რი­ტო­რია არა­ერ­თხელ გა­მო­ი­ყე­ნა და ექ­სპერ­ტე­ბი არ გა­მო­რი­ცხა­ვენ, რომ იგი­ვე მოხ­დეს ბალ­ტი­ის სა­ხელ­მწი­ფო­ებ­თან და­კავ­ში­რე­ბით.

რო­გორც რუ­სე­თის თავ­დაც­ვის მი­ნის­ტრმა, სერ­გეი შო­ი­გუმ გა­ნა­ცხა­და, რუ­სე­თის­თვის საფრ­თხე­ე­ბი პო­ლო­ნე­თის, შვე­დე­თი­სა და ფი­ნე­თის მხრი­დან გა­ი­ზარ­და. მისი სი­ტყვე­ბით, "რუ­სე­თის­თვის რისკს“ შე­ი­ცავს პო­ლო­ნე­თის მიერ აქ­ტი­უ­რი მი­ლი­ტა­რი­ზა­ცია, ია­რა­ღის ფარ­თო­მას­შტა­ბი­ა­ნი შეს­ყიდ­ვე­ბი შე­ერ­თე­ბუ­ლი შტა­ტე­ბი­დან, დიდი ბრი­ტა­ნე­თი­დან და სამ­ხრეთ კო­რე­ი­დან. შო­ი­გუმ დეს­ტა­ბი­ლი­ზა­ცი­ის სე­რი­ო­ზულ ფაქ­ტო­რად მო­იხ­სე­ნია ნატო-ში ფი­ნე­თის და შვე­დე­თის გა­წევ­რე­ბაც.

გუ­შინ პო­ლო­ნე­თის თავ­დაც­ვის მი­ნის­ტრმა, მა­რი­უშ ბლა­შაკ­მა გა­ნა­ცხა­და, რომ პო­ლო­ნე­თი ბე­ლა­რუ­სის სა­ზღვარ­თან, მე­სა­ზღვრე­ე­ბის მხარ­და­სა­ჭე­რად, და­მა­ტე­ბით 10 000-მდე ჯა­რის­კა­ცის გა­დაყ­ვა­ნას გეგ­მავს.

"სა­ზღვარ­ზე, და­ახ­ლო­ე­ბით 10 000 ჯა­რის­კა­ცი გან­თავ­სდე­ბა, სა­ი­და­ნაც 4 000 პირ­და­პირ ჩა­ერ­თვე­ბა მე­სა­ზღვრე­ე­ბის მხარ­და­ჭე­რა­ში, ხოლო 6 000 რე­ზერვში იქ­ნე­ბა. ბე­ლა­რუ­სის სა­ზღვარ­თან ჯარს მი­ვა­ახ­ლო­ებთ, რათა აგ­რე­სო­რი შე­შინ­დეს და ჩვენ­ზე თავ­დას­ხმა ვერ გა­ბე­დოს”, - აღ­ნიშ­ნა ბლა­შაკ­მა.

რას მო­ას­წა­ვებს ბე­ლა­რუ­სი სამ­ხედ­რო­ე­ბის წვრთნე­ბი, რის­თვის ემ­ზა­დე­ბი­ან პო­ლო­ნე­ლე­ბი და არ­სე­ბობს თუ არა შან­სი იმი­სა, რომ რუ­სეთ­მა პო­ლო­ნეთ­სა და ბალ­ტი­ის­პი­რე­თის წი­ნა­აღ­მდეგ ახა­ლი ფრონ­ტი ბე­ლა­რუ­სი­დან გახ­სნას, ამ კი­თხვებ­ზე ambebi.ge-ს სამ­ხედ­რო-ანა­ლი­ტი­კუ­რი ჟურ­ნალ "არ­სე­ნა­ლის“ მთა­ვა­რი რე­დაქ­ტო­რი ირაკ­ლი ალა­დაშ­ვი­ლი პა­სუ­ხობს:

"რუ­სეთ- უკ­რა­ი­ნის ომის ფონ­ზე, კი­დევ უფრო აქ­ტუ­ა­ლუ­რი გახ­და ბე­ლა­რუ­სის ის­ტო­რი­უ­ლი და­პი­რის­პი­რე­ბა პო­ლო­ნეთ­თან. ბე­ლა­რუსს უშუ­ა­ლო სა­ზღვა­რი აქვს ნა­ტოს წევრ სამ ქვე­ყა­ნას­თან - პო­ლო­ნეთ­თან, ლი­ე­ტუ­ვა­სა და ლატ­ვი­ას­თან. ბე­ლა­რუ­სის პრე­ზი­დენტ ლუ­კა­შენ­კოს ევ­რო­პუ­ლი ქვეყ­ნე­ბის მი­მართ უარ­ყო­ფი­თი გან­წყო­ბა დიდი ხა­ნია, ცნო­ბი­ლია. სამ­ხედ­რო სწავ­ლე­ბა ბე­ლა­რუ­სის და­სავ­ლეთ ნა­წილ­ში მდე­ბა­რე ერთ-ერთ პო­ლი­გონ­ზე იმარ­თე­ბა, რო­მე­ლიც ახ­ლოს არის სუ­ვალ­კის დე­რე­ფან­თან ( ეს არის პა­ტა­რა შე­მა­ერ­თე­ბე­ლი ხაზი სა­ზღვარ­ზე ნა­ტოს წევრ პო­ლო­ნეთ­სა და ლი­ე­ტუ­ვას შო­რის). ამ დე­რეფ­ნის მარ­ცხე­ნა ბოლო უშუ­ა­ლოდ მი­დის რუ­სე­თის კა­ლი­ნინ­გრა­დის ოლ­ქთან, ხოლო მარ­ჯვე­ნა მთავ­რდე­ბა ბე­ლა­რუ­სის და­სავ­ლეთ სა­ზღვარ­თან. კა­ლი­ნინ­გრა­დის ოლქს სახ­მე­ლე­თო სა­ზღვა­რი არ აქვს არც რუსთთან, არც მის მო­კავ­ში­რე ბე­ლა­რუს­თან, ერ­თა­დერ­თი, რუ­სეთ­თან კავ­ში­რი სა­ზღვაო ან სა­ჰა­ე­რო გზით ხორ­ცი­ელ­დე­ბა.

რუ­სე­თი მუდ­მი­ვად აცხა­დებს, რომ სურს კა­ლი­ნინ­გრა­დის ოლ­ქის ბლო­კი­რე­ბა, ამი­ტო­მაც ხში­რად წა­მო­იჭ­რე­ბა ხოლ­მე ამ სუ­ვალ­კის დე­რეფ­ნის ძა­ლით გაჭ­რის საფრ­თხე, რუ­სეთს სახ­მე­ლე­თო კავ­ში­რი რომ ჰქო­ნო­და კა­ლი­ნინ­გრა­დის ოლ­ქთან, მაგ­რამ ეს, ფაქ­ტობ­რი­ვად, ნა­ტოს წევ­რი პო­ლო­ნე­თის და ლი­ე­ტუ­ვას სა­ზღვარ­ზე გას­ვლას ნიშ­ნავს. ამ საფრ­თხეს ნა­ტო­შიც გრძნო­ბენ და ბოლო წლე­ბია, სე­რი­ო­ზუ­ლად და­ი­წყეს ამ სუ­ვალ­კის დე­რეფ­ნის გაძ­ლი­ე­რე­ბა რო­გორც პო­ლო­ნეთ­მა, ისე ლი­ე­ტუ­ვამ.

მე­ო­რე პრობ­ლე­მა უკავ­შირ­დე­ბა იმას, რომ რუ­სე­თის უკ­რა­ი­ნა­ზე თავ­დას­ხმამ­დეც ბე­ლა­რუ­სის პრე­ზი­დენ­ტმა ლუ­კა­შენ­კომ, სა­ვა­რა­უ­დოდ, პუ­ტი­ნის ფა­რუ­ლი მხარ­და­ჭე­რით და­ი­წყო სპე­ცო­პე­რა­ცი­ის გან­ხორ­ცი­ე­ლე­ბა ერა­ყე­ლი, ავ­ღა­ნე­ლი მიგ­რან­ტე­ბის სა­შუ­ა­ლე­ბით. სპე­ცი­ა­ლუ­რი პირ­და­პი­რი რე­ი­სე­ბიც კი და­ი­ნიშ­ნა მინ­სკში ერა­ყი­დან, ავ­ღა­ნე­თი­დან და სხვა ქვეყ­ნე­ბი­დან. გად­მოყ­ვა­ნი­ლი მიგ­რან­ტე­ბი ბე­ლა­რუ­სის სა­ხელ­მწი­ფო სტრუქ­ტუ­რე­ბის დახ­მა­რე­ბით, პო­ლო­ნე­თის და ლი­ე­ტუ­ვას სახ­მე­ლე­თო სა­ზღვრებ­თან მი­იყ­ვა­ნეს, რათა გა­და­ე­ლა­ხათ და გა­და­სუ­ლიყ­ვნენ ნა­ტოს წევრ ქვეყ­ნებ­ში (რო­გორც მიგ­რან­ტე­ბის დიდი ნა­კა­დი შე­სუ­ლი­ყო) და პრობ­ლე­მე­ბი შე­ექ­მნათ ამ ქვეყ­ნე­ბის­თვის. პო­ლო­ნეთ­მა ბოლო 2 წლის გან­მავ­ლო­ბა­ში სა­ზღვარ­თან რამ­დე­ნი­მე ასე­ულ­კი­ლო­მეტ­რი­ა­ნი რკი­ნის ღობე გა­ა­კე­თა, დიდი და­ნა­ხარ­ჯი გას­წია, რათა მიგ­რან­ტე­ბი არ გა­და­სუ­ლიყ­ვნენ. თუმ­ცა ახ­ლაც, ღა­მით არის მცდე­ლო­ბა, მიგ­რან­ტებ­მა ღობე გა­და­ხერ­ხონ და გა­და­ი­პა­რონ. ამი­ტომ პო­ლო­ნეთს ეში­ნია და ცდი­ლობს იგი­ვე პრო­ცე­სი არ და­ი­წყოს, როცა წლე­ბის წინ, ბე­ლა­რუ­სის ძა­ლო­ვა­ნი სტრუქ­ტუ­რე­ბის დახ­მა­რე­ბით ქვე­ყა­ნა­ში მიგ­რან­ტე­ბის ნა­კა­დი გა­და­დი­ო­და. არის სა­შიშ­რო­ე­ბაც იმა­ვე "ვაგ­ნე­რის­გა­ნაც“, რო­მე­ლიც ბე­ლა­რუს­ში ჩა­ვი­და. არაა გა­მო­რი­ცხუ­ლი, რომ ისი­ნი სა­მო­ქა­ლა­ქო ფორ­მებ­ში მო­ევ­ლი­ნონ და მათი დახ­მა­რე­ბით სცა­დონ რკი­ნის ჯე­ბი­რე­ბის გარ­ღვე­ვა და პო­ლო­ნე­თის ტე­რი­ტო­რი­ა­ზე ძა­ლით შეჭ­რა. პო­ლო­ნე­თის სა­სა­ზღვრო სამ­სა­ხურ­მა ამი­ტო­მაც სთხო­ვა თა­ვი­სი ქვეყ­ნის თავ­დაც­ვის სა­მი­ნის­ტროს, რათა მე­სა­ზღვრე­ე­ბის და­სახ­მა­რებ­ლად გა­ეგ­ზავ­ნათ 10 ათა­სამ­დე სამ­ხედ­რო, სა­ი­და­ნაც 4 ათა­სი უშუ­ა­ლოდ ჩა­ერ­თვე­ბა მე­სა­ზღვრე­ე­ბის მხარ­და­ჭე­რა­ში, 6 ათა­სი კი რე­ზერ­ვის­ტი იქ­ნე­ბა. პო­ლო­ნე­თი ამით სა­ზღვარს აძ­ლი­ე­რებს.

- სუ­ვალ­კის დე­რე­ფან­ზე სამ­ხედ­რო შე­ტე­ვა თუა მო­სა­ლოდ­ნე­ლი ბე­ლო­რუ­სის მხრი­დან?

- სუ­ვალ­კის დე­რე­ფან­ზე რა­ი­მე ტი­პის სამ­ხედ­რო შე­ტე­ვა იქ­ნე­ბა ნა­ტო­ზე თავ­დას­ხმა და, ვფიქ­რობ, ეს ნაკ­ლე­ბად მო­სა­ლოდ­ნე­ლია, თუმ­ცა ვხე­დავთ, დღე­ვან­დელ მსოფ­ლი­ო­ში არა­ფე­რია გა­მო­რი­ცხუ­ლი. ბევ­რად უფრო მო­სა­ლოდ­ნე­ლია იმ მიგ­რან­ტე­ბის გა­აქ­ტი­უ­რე­ბა, რო­მე­ლიც ბე­ლა­რუ­სის ტე­რი­ტო­რი­ა­ზეა დარ­ჩე­ნი­ლი და, შე­საძ­ლოა, კი­დევ და­მა­ტე­ბით სპე­ცი­ა­ლუ­რად ჩაყ­ვა­ნი­ლი მიგ­რან­ტე­ბის, რათა მათ ძა­ლით სცა­დონ რკი­ნის ღო­ბე­ე­ბის გარ­ღვე­ვა. პო­ლო­ნე­თი, რა თქმა უნდა, ძა­ლას იხ­მარს მათ შე­სა­ჩე­რებ­ლად, რა დრო­საც შე­საძ­ლოა, სრო­ლაც იყოს, რა­საც ბე­ლა­რუ­სის და რუ­სე­თის პრო­პა­გან­და სა­თა­ვი­სოდ გა­მო­ი­ყე­ნებს - აი, უია­რა­ღო ხალ­ხს ხო­ცა­ვენ და ა.შ. მათ შო­რის თუ სა­მო­ქა­ლა­ქო ფორ­მი­ა­ნი და ია­რა­ღი­ა­ნი "ვაგ­ნე­რის“ მებ­რძო­ლე­ბიც იქ­ნე­ბი­ან, შე­იძ­ლე­ბა ბრძო­ლაც გა­ი­მარ­თოს და არე­უ­ლო­ბა და­ი­წყოს. ეს ხი­ფა­თი, არ­სე­ბობს და რჩე­ბა, რა თქმა უნდა. რაც შე­ე­ხე­ბა ლი­ე­ტუ­ვას და ლატ­ვი­ას, მათი სა­ზღვრე­ბი ბე­ლა­რუს­თან და რუ­სეთ­თან ბევ­რად უფრო ნაკ­ლე­ბა­დაა გა­მაგ­რე­ბუ­ლი და იქ ბევ­რად უა­რე­სი რა­მაა მო­სა­ლოდ­ნე­ლი (იმა­ვე მიგ­რან­ტე­ბის ნა­კა­დის სპე­ცი­ა­ლუ­რად შე­სე­ვა). ანუ არა­პირ­და­პი­რი, სამ­ხედ­რო გზით, მერე რომ თქვან, ჩვენ რა შუ­ა­ში ვართ, მიგ­რან­ტე­ბი შე­დი­ა­ნო.

- რო­გორც მისი გან­ცხა­დე­ბე­ბი ცხად­ყოფს, შო­ი­გუს და კრემლსაც პო­ლო­ნე­თის აქ­ტი­უ­რი მი­ლი­ტა­რი­ზა­ცია აში­ნებთ, ამას რუ­სე­თის­თვის დიდ საფრ­თხედ აღიქ­ვა­მენ...

- პო­ლო­ნეთ­ში ისე­დაც იმ­ყო­ფე­ბა ამე­რი­კის გაძ­ლი­ე­რე­ბუ­ლი ბაზა, მაგ­რამ აქ მთა­ვა­რი სხვაა - პო­ლო­ნეთ­მა და­ი­წყო უსე­რი­ო­ზუ­ლე­სი შე­ი­ა­რა­ღე­ბა, თა­ნა­მედ­რო­ვე საბ­რძო­ლო ტექ­ნი­კის შეს­ყიდ­ვა მსოფ­ლი­ოს ყვე­ლა კუ­თხი­დან - აშშ-დან, ევ­რო­პი­დან და, რაც მთა­ვა­რია, სამ­ხრეთ კო­რე­ი­დან. თან შე­ი­ა­რა­ღე­ბა არის რო­გორც თავ­დაც­ვი­თი სა­ხის (სა­ჰა­ე­რო და ან­ტი­სა­რა­კე­ტო სის­ტე­მე­ბი), ასე­ვე შემ­ტე­ვიც - მათ შო­რის ბა­ლის­ტი­კუ­რი რა­კე­ტე­ბი, ზალ­პუ­რი ცე­ცხლის რე­აქ­ტი­უ­ლი სის­ტე­მე­ბი, ტან­კე­ბი და თვით­მა­ვა­ლი სა­არ­ტი­ლე­რიო და­ნად­გა­რე­ბი. ანუ პო­ლო­ნე­თი სე­რი­ო­ზუ­ლად ემ­ზა­დე­ბა და შე­მიძ­ლია ვთქვა, რომ დღეს ნა­ტოს წევ­რი ევ­რო­პუ­ლი ქვეყ­ნე­ბი­დან ერთ-ერთი ყვე­ლა­ზე უფრო მომ­ზა­დე­ბუ­ლი ხდე­ბა. მარ­თა­ლია, საფ­რან­გე­თი­სა და ბრი­ტა­ნე­თის­გან გან­სხვა­ვე­ბით, მას არ გა­აჩ­ნია ბირ­თვუ­ლი ია­რა­ღი, მაგ­რამ შე­იძ­ლე­ბა ით­ქვას, პო­ლო­ნე­თი გერ­მა­ნი­ის შე­ი­ა­რა­ღე­ბულ ძა­ლებ­ზე ბევ­რად უფრო ძლი­ე­რი ხდე­ბა.

- პო­ლო­ნე­თი "სე­რი­ო­ზუ­ლად ემ­ზა­დე­ბა“ რის­თვის - ომის­თვის? აქვს კი რუ­სეთს მე­ო­რე ფრონ­ტის გახ­სნის რე­სურ­სი პო­ლო­ნეთ­ში ან ალი­ან­სის წევრ სხვა ქვე­ყა­ნა­ში?

- პო­ლო­ნე­ლე­ბი არ გა­მო­რი­ცხა­ვენ, რომ პო­ლო­ნეთ­ში უკ­რა­ი­ნა გა­მე­ორ­დეს, ამა­ზეა ლა­პა­რა­კი... რუ­სე­თი კი ჩა­ეფ­ლო უკ­რა­ი­ნას­თან ომის ჭა­ობ­ში, მაგ­რამ კაც­მა არ იცის, ომი სა­ბო­ლო­ოდ რო­გორ დამ­თავ­რდე­ბა. ცნო­ბი­ლია, რომ პუ­ტინს აქვს დიდი ამ­ბი­ცი­ე­ბი და­სავ­ლე­თის­კენ სწრაფ­ვის და მიზ­ნად აქვს ჯერ საბ­ჭო­თა კავ­ში­რის და მერე მე­ფის რუ­სე­თის სა­ზღვრე­ბის აღ­დგე­ნა. მი­ზა­ნი და სურ­ვი­ლი ერ­თია, რე­სურ­სი კი სხვა - რა­საც რუ­სეთ-უკ­რა­ი­ნის ომში ვხე­დავთ, რუ­სეთს შე­საძ­ლოა უკ­რა­ი­ნის წი­ნა­აღ­მდეგ რე­სურ­სი აქვს, მაგ­რამ ის, რომ მან პა­რა­ლე­ლუ­რად მე­ო­რე ფრონ­ტი აწარ­მო­ოს ჩვე­უ­ლებ­რი­ვი შე­ი­ა­რა­ღე­ბით (არა­ბირ­თვუ­ლი) ნა­ტოს წევ­რი ქვეყ­ნე­ბის - პო­ლო­ნე­თის, ლი­ე­ტუ­ვა-ლატ­ვია-ეს­ტო­ნე­თის წი­ნა­აღ­მდეგ, ამის რე­სურ­სი ნამ­დვი­ლად არ აქვს. ჩემი აზ­რით, რუ­სე­თი ვერ გა­ბე­დავს, რომ უკ­რა­ი­ნის პა­რა­ლე­ლუ­რად სა­დღაც ფრონ­ტი გახ­სნას.