16
მაისიდღის ზოგადი ასტროლოგიური პროგნოზი
ოკუპირებულ აფხაზეთში დააკავეს რამდენიმე დღის წინ გაუჩინარებული 28 წლის ნათია ბახტაძის საქმეში ეჭვმიტანილი პირი. ekhokavkaza.com-ის ცნობით, დაკავებული არ თანამშრომლობს გამოძიებასთან, ამიტომაც გოგონას შესახებ რაიმე ცნობები ჯერაც არ ვრცელდება.
აფხაზური მედიის ინფორმაციით, ცნობები იმის შესახებ, თითქოს ოკუპირებულ ილორის ტყეში, ნათია ბახტაძის ცხედარი იპოვეს, სიმართლეს არ შეესაბამება.
"ტყეში ცხედარი ნამდვილად ნაპოვნია, მაგრამ ის ბახტაძეს არ ეკუთვნის. ამას ადასტურებს დაკარგული გოგონას დედა, იამზე აგუმავა, რომელიც რამდენიმე დღის წინ ადგილობრივ ხელმძღვანელობას, დეპუტატებს და ხალხს სთხოვდა დახმარებას...
ნაპოვნი ცხედარი უკვე გადაგზავნეს ექსპერტიზაზე იმის გასარკვევად, თუ რა მოხდა და ვის ეკუთვნის... ყველა ადგილობრივი უწყება ჩართულია ძიების საქმეში და იმედია, მალე გაირკვევა, თუ რა მოხდა, მით უფრო, მას შემდეგ, რაც ბახტაძის საქმეში ეჭვმიტანილი უკვე დაკავებულია" - წერს აფხაზური მედია.
მათივე ცნობით, დედა სოციალურ ქსელში წერს, რომ ნათია ცოცხალია, ხოლო პირი, რომელმაც ის გაიტაცა, დაკავებულია... თუმცა, ჯერჯერობით არცერთ უწყებას აღნიშნულზე კომენტარი არ გაუკეთებია.
დაკავებული აფხაზი აინარ წვიჟბაა. როგორც ირკვევა, მას რაიონში ბიზნესი და გავლენები აქვს, ის ქართველ გოგონასთან დაახლოებას დიდი ხანია ცდილობდა, თუმცა, უარს იღებდა...
"ნათია სოხუმში სწავლობდა და როგორც ჩანს, წვიჟბა იქიდან მოყოლებული ავიწროებდა მას. ის გაქცევას აპირებდა, მაგრამ საბუთები ვერ გააკეთა. ამიტომ ის ვერსიაც ვრცელდება, რომ ვიღაცების დახმარებით აფხაზეთის დატოვებას ცდილობდა, ეს ამბავი წვიჟბამ გაიგო და გაიტაცა.
იმედია, სამშვიდობოს არის, მაგრამ ასე რომ იყოს, დედას ხომ დაუკავშირდებოდა... თუმცა, ქალი ამბობს, რომ მისი შვილი ცოცხალია და ეს უკვე იმედის მომცემია.
აქ ხომ ყველაფერი გავლენებით არის. წვიჟბაც გავლენიანია და სულ არ გამიკვირდება, რომ საქმე ჩაიფარცხოს ან რაღაც დროის შემდეგ, სიმბოლური სასჯელი დააკისრონ. საინტერესოა, რატომ გავრცელდა ტყის ვერსია, რატომ მუშაობდა მილიცია ტყეში, სადაც სხვა ადამიანის ცხედარი იპოვეს" - ამბობენ აფხაზები.
ნათია ბახტაძეს ოჯახი 28 ივლისიდან ეძებს. დედამ, იამზე აგუმავამ, სოციალურ ქსელში პოსტი 31 ივლისს გამოაქვეყნა და ასლან ბჟანიას, ე.წ. ომბუდსმენ ანას ქიშმარიას, დეპუტატ თემურ შერგელიასა და აფხაზეთის მოქალაქეებს დახმარება სთხოვა. გუშინ ცნობილი გახდა, რომ იამზე აგუმავას ე.წ. ომბუდსმენი დაუკავშირდა და დახმარებას დაპირდა.
ქართველებო რა გაჩერებთ მანდ თქვენ ხომ აფხაზეთში პოტენციური მძევლები ხართ დროზე გაეცალეთ მადაურობას
ადრე, ისე თუ ასე მაინც ეშინოდათ პარტიზანების (ტყის საძმოსი), რომლებმაც საიქიოს გაუყოლა გზად ბევრი ,ვისაც ქართველების წინაშე ცოდვები ქონდათ ჩადენილი. დღეს არავის არაფრის აღარ ეშინია, აგერ ზედ საზღვარზე მოგვიკლეს ქართველი ბიჭი, დღისით, მზისით, ამდენ ხალხში და არავის არ აინტერესებს. ამიტომ ავიწროვებენ ჩვენ ხალხს, დაუსჯელობის სინდრომია. აბა ებრაელებს გაუბედონ მზგავსი ,ან ჩვენ მეზობელ აზერბაიჯანის მოქალაქეს, გააქრობენ. ჩვენი კიდევ ,ნახევარი საქართველო ტურისტს და ბაბაიას ფულს გაიძახის ,მეორე ნახევარი იგინება,რა გვჭირს ბოლო ბოლო ,მართლა მხოლოდ სადღეგრძელოში ვართ მაგრები ?