მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მინდა მივმართო ევროკავშირს და ევროპარლამენტს, რას აკეთებთ, როგორ გვექცევით? - თუ დავალებას გვაძლევთ, დაგვაცადეთ და აღვასრულებთ, ვადებს რატომ გვიწესებთ?" - მეუფე იაკობი
17:32 / 23-07-2023
მინდა მივმართო ევროკავშირს და ევროპარლამენტს, რას აკეთებთ, როგორ გვექცევით? რისთვის იყენებთ ევროკავშირში გაწევრიანების იდეას?,- ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.
მისი თქმით, შესაძლოა, ევროკომისიამ 12 რეკომენდაციის შესასრულებლად კონკრეტული ვადა იმიტომ დააწესა, რომ საქართველოში რევოლუცია მოახდინოს.
"ჩვენთან კონსტიტუციაში ჩაიწერა, თუმცა, ვფიქრობ, არ უნდა ჩაეწერათ ნატოსა და ევროკავშირში გაწევრიანება. რისთვის იყენებთ ევროკავშირში გაწევრიანების იდეას? 2-ჯერ ლამის რევოლუცია მოგვიწყვეტ და რის გამო? 12 დავალებას რომ გვაძლევთ, თქვენი ბავშვები ვინ არიან? თუ დავალებას გვაძლევთ, დაგვაცადეთ და აღვასრულებთ. ვადებს რატომ გვიწესებთ? შემოდგომაზე იმიტომ მიწესებ, რომ კიდევ რევოლუცია მომიხდინო? ეკლესია და ხალხი ძალიან ძლიერი ვართ. 2012 წელს, პატრიარქი და პირადად მე 2-ჯერ შევხდით ამერიკელებს, ერთხელ მათ ტერიტორიაზე, ერთხელ ჩვენთან მოვიდნენ. პატრიარქმაც და მეც ასეთი რამ ვუთხარით, არცერთ ლიდერს არ დაუჭიროთ მხარი, ქართველ ხალხს დაუჭირეთო. დღეს ქართველი ხალხი ითხოვს მშვიდობიან ცხოვრებას, ეკონომიკის განვითარებას. ევროკავშირს მივმართავ, თუ ჩემი პარტნიორი ხარ, თუ არ მეხმარები, როგორც უკრაინას ეხმარება დღეს ნახევარი მსოფლიო, ხელს მაინც ნუ მიშლი განვითარებაში, ეკონომიკის ზრდაში. ის ომი მორჩება, მსოფლიოც გადანაწილდება და ჩვენ აბსოლუტურად ყველასთან , დასავლეთი იქნება თუ ავტორიტარული ქვეყანა, ყველასთან წესიერი ურთიერთობა გვჭირდება. პატარა ქვეყანა ვართ, არავინ გვეხმარება“, - განაცხადა მეუფე იაკობმა.
მისი განმარტებით, როცა საქართველო როცა მზად იქნება, მაშინ შევა იქ, სადაც საჭიროა. მეუფე იაკობმა ასევე საერთაშორისო საზოგადოებას მიმართა, საკუთარ საქმეს მიხედონ.
"შემოდგომა მოდის და ტყუილად ნუ მოემზადებით რაღაცისთვის. არახამიამ (დავით) და იქაურმა მმართველობამ თავიანთ საქმეს მიხედონ. ომში გაიმარჯვეს და ეგ არის? თავიანთ საქმეს მიხედონ, ქართველები ჩვენს საქმეს მივხედავთ. მოიქცეს მიშა წესიერად, პატიება სთხოვოს იმ ხალხს, ვინც მასზე გამწარებულია. მის გამოშვება ერს რომ უნდოდეს, ამდენი ხანი ვინ გააჩერებდა. ვიღაც რომ მეტყვის, ვიოლა [კრამონი] იქნება თუ ვინც არ უნდა იყოს, მაგის გამო ვინ გამოუშვებს? ისინი თუ ემზადებიან, ჩვენც მოვემზადებით. ჩვენს ახალგაზრდებს სწორ ორიენტირს ურევენ. არავის დავანებებთ, რომ საქართველო ისევ ვიღაცების ხელში ჩავარდეს. რუსეთს უნდა, რომ საქართველო არ განვითარდეს. ევროპელებს მივმართავ, მაგ საქციელით რუსეთის გარდა, ვის ემსახურებით?“,- განაცხადა მეუფე იაკობმა.
გარდა ამისა, მან ექსპრეზიდენტ მიხეილ სააკაშვილზეც ისაუბრა და განაცხადა, რომ ის შიმშილობს, რომ მერე საზოგადოებას თავი სამარცხვინოდ წარუდგინოს.
"არახამიაზე ვამბობ, ვინ ეკითხება უკრაინას, ჩვენს საქმეებში ასე რომ ერევა. სააკაშვილია საქართველო? იანუკოვიჩი რომ ჰყავთ დაჭერილი, ეტყვიან, იანუკოვიჩი გაუშვიო? აბა, ქართველ იანუკოვიჩზე რატომ გვეუბნებიან, გაუშვით თორემ ასე და ისეო. იქ არის ერთი იანუკოვიჩი და აქ მეორე. შეიძლება ამას უფრო მეტი დანაშაული აქვს, მას აღარ შეუძლია ქვეყანას რამე გაუფუჭოს. თვითონ საჭმელს არ ჭამს, თავსაც არ იკლავს. იმდენს ჭამს, რომ მერე სამარცხვინოდ აჩვენოს, გეგონება ან ინდირა განდი იყოს ან ნელსონ მანდელა“,-განაცხადა მეუფე იაკობმა.
ამასთან, მან "ვარდების რევოლუციის“ პერიოდი გაიხსენა და აღნიშნა, რომ რუსეთმა დანიშნა საქართველოში ექსპრეზიდენტი მიხეილ სააკაშვილი და ყოფილი პრემიერ-მინისტრი, ზურაბ ჟვანია.
"რუსეთის წარმომადგენელი, საგარეო საქმეთა მინისტრი ივანოვი ჩამოვიდა და 3 ადამიანით ჩაანაცვლა შევარდნაძე. ანუ, რუსეთმა დაგვისვა 3 ადამიანი. დასავლეთში შემდგომში უფრო მიღებული ჟვანია. სანამ მოკლავდნენ ჟვანიას ავტორიტეტი ჰქონდა. მე ამის თქმის არ მეშინია. რაც არ უნდა თქვან, ეს ყველამ ვიცით. მერე იყო "შუქურა“ სააკაშვილი. იცით, როგორ დაამთავრა, 2007 წლიდან 16 წელია ჩვენს სახელმწიფოს ებრძვის, მაგრამ მაინც არაფერი გამოუვათ, რაც არ უნდა გააკეთონ. რა არ უნდა უცხოეთიდან შეგვიტიონ, ჩვენ არავის მივცემთ უფლებას, რომელი ქვეყანაც არ უნდა იყოს, თავიანთ ჭკუაზე გვატარონ. ვიცით, რომ მსოფლიო საზოგადოებასთან ერთად აუცილებელია თანაცხოვრება, მაგრამ ჩვენს ღირსებას არავის შევალახვინებთ და არც ჩვენ შევეხებით სხვის ღირსებას. 2012 წელს აუცილებელი ცვლილებების პერიოდი დადგა. არჩევნებშიც გაიმარჯვა ხალხმა, მაგრამ გახსოვთ როგორი ძალადობა იყო. იძულებულები გახდნენ წასულიყვნენ იმიტომ, რომ მათი მხარდამჭერი არავინ იყო“,-განაცხადა მეუფე იაკობმა.
მან 2008 წლის აგვისტოს ომი გაიხსენა და აღნიშნა, რომ ერთ-ერთმა პირმა რუსეთთან კაპიტულაციას ხელი მოაწერა.
"სამწუხაროდ, ვნახე, რომ რამდენიმე დღეში ვიღაცამ კაპიტულაციაზე ხელი მოაწერა. ალბათ, უნდა ამოვიღოთ და დავდოთ ის საბუთი,მეექვსე მუხლში რაც ეწერა. ყველას კარგად ესმის რასაც ვამბობ. 5-ს რომ გვეუბნებიან, სინამდვილეში 6 იყო და ნანახი მაქვს. სამწუხაროდ, ვნახე, როგორ მოაწერა ჩვენმა ერთმა ადამიანმა კაპიტულაციას ხელი“, - განაცხადა მეუფე იაკობმა.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ქნას მეტი მეუფე იაკობა ოხროხინემ, გაწყდა წელში ქართველ ერზე ზრუნვით. ფხ. აბა გამოუშვით დისლაიკები.
ზუსტად ასეთ მღვდელმთავრებს ამხელდა ქრისტე... სამწუხაროდ, ჰყავს მრევლი, რომელსაც მისი სიტყვების სჯერა, გაუცნობიერებლად.