მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ერთ-ერთი ყველაზე მრავალშვილიანი მინისტრთა კაბინეტი და ქართველი პოლიტიკოსები, რომელთაც 4 და მეტი შვილი ჰყავთ
10:49 / 21-07-2023
ნებისმიერი ადამიანის პოლიტიკური ცხოვრების დაწყებისთანავე, მისი პირადი ცხოვრება საჯარო ხდება. ასეა ქართულ რეალობაშიც. ყოველი ახალი მინისტრის, პოლიტიკოსის გამოჩენის შემთხვევაში, საზოგადოებას აინტერესებს, ვინ არის მისი მეუღლე, რამდენი შვილი ჰყავს და საერთოდ, დაოჯახებულია თუ არა.
პოლიტიკურ კარიერაში საკმაოდ მომგებიანია მშვიდი პირადი ცხოვრება და ამასთან ერთად, ბევრი შვილიც. საარჩევნო პერიოდში ამომრჩევლებს განსაკუთრებულად უჩუყებთ გულს, თუ პოლიტიკოსს ოთხი, ხუთი და ხანდახან მეტი შვილიც ახლავს თან. ასევე მომგებიანია ოჯახური ფოტოები პლაკატებზე, რომლითაც ამომრჩევლის გულის მოგებას ცდილობენ ხოლმე.
ქართული პოლიტიკური სივრცე ყოველთვის გამოირჩეოდა მრავალშვილიანი პოლიტიკოსებით. ჯერ კიდევ წლების წინ, ხშირად წერდა მედია ინტერვიუებს კობა დავითაშვილთან და ზვიად ძიძიგურთან, რომლებიც მრავალშვილიანი მამები იყვნენ.
ბოლო წლების პოლიტიკურ სივრცეს რომ გადავხედეთ, თანამედროვე პოლიტიკა მრავალშვილიანი მამების დეფიციტს არ უჩივის. განსაკუთრებულად მდიდარია მოქმედი მინისტრთა კაბინეტი. დეპუტატებისთვის სამი შვილის ყოლა, ჩვეულებრივი ამბავია, მაგრამ ამჯერად გადავხედოთ იმ პოლიტიკოსებს, რომლებსაც ოთხი და მეტი შვილი ჰყავთ.
მიხეილ სააკაშვილი აქტიურ პოლიტიკაში ყოფნისას ქორწინებაში იმყოფებოდა სანდრა რულოვსთან, რომელთანაც ორი ვაჟი ჰყავდა. პოლიტიკური პაუზისა და საქართველოში დაბრუნების შემდეგ, სააკაშვილის ცხოვრებაში კიდევ ორი შვილი გამოჩნდა. ელის მარია სააკაშვილი, რომელიც სოფო ნიჟარაძისგან შეეძინა და ლიზა იასკოს ქალიშვილი ჟასმინი, რომელიც მამის პატიმრობის დროს დაიბადა და საზოგადოება ჯერ არ იცნობს.
პრემიერი ირაკლი ღარიბაშვილი მრავალშვილიანი მამაა. ნუნუკა თამაზაშვილთან ქორწინებაში ოთხი შვილი - ნიკოლოზი, ანდრია, გაბრიელი და ნინო ჰყავს. პოლიტიკაში მოსულ პრემიერს ორი შვილი ჰყავდა. მესამე თანამდებობაზე ყოფნის დროს შეეძინა, გოგონა კი პოლიტიკური პაუზის დროს.
თბილისის მერი და ყოფილი ფეხბურთელი კახა კალაძე წლებია ოფიციალურ ქორწინებაშია ანუკი არეშიძესთან. წყვილი ოთხ შვილს - ლევან, კახაბერ, ვაჩე, ნიკოლას კალაძეებს ზრდის. ვაჩე და ნიკოლასი მამის პოლიტიკური კარიერის დაწყების შემდეგ დაიბადნენ.
-39492.jpg)
თავდაცვის მინისტრი ჯუანშერ ბურჭულაძე რვა შვილის მამაა. პოლიტიკოსის მეუღლე პიანისტია. წყვილმა ადრეულ ასაკში იქორწინა და პოლიტიკაში მოსული ბურჭულაძე უკვე მრავალშვილიანი მამა გახლდათ.
5 შვილის მამა მამუკა ხაზარაძე პოლიტიკაში ბიზნესიდან მოვიდა. "ლელოს" დამფუძნებლის მეუღლე მისი კლასელი ირინა ხიდაშელია. "პალიტრავიდეოსთვის“ რამდენიმე წლის წინ მიცემულ ინტერვიუში ამბობდა, რომ მეუღლესთან კამათიც კი არასოდეს მოსვლია. მისი თქმით, 90-იანებში მის ოჯახსაც ძალიან უჭირდა - უშუქობა და საკვების ნაკლებობა არც მისი ოჯახისთვის იყო უცხო, თუმცა ამ დროს შინ იმედად ირინა ეგულებოდა...
რუსთავის მერი, 37 წლის ნინო ლაცაბიძე წლებია დაოჯახებულია. პოლიტიკოს ქალს ჰყავს მეუღლე ვაჟა ბრეგვაძე და ოთხი შვილი. წინასაარჩევნო პერიოდში, არაერთხელ ხდებოდა იმაზე ხაზგასმა, რომ მრავალშვილიანი დედა და წარმატებული პროფესიონალი გახლდათ.
პოლიტიკოსი ელენე ხოშტარია 12 წელია, რაც მეორე ქორწინებაშია. მისი მეუღლე ბიზნესმენი ირაკლი ბერიძე გახლავთ. ელენეს ოთხი შვილი ყავს - გიორგი გაფრინდაშვილი, პირველი ქორწინებიდან და ნატალია, კონსტანტინე და რატი ბერიძეები მეორე ქორწინებიდან.
ჯანდაცვის მინისტრი ზურაბ აზარაშვილი, რომელმაც თავის დროზე ეკატერინე ტიკარაძე შეცვალა, ხუთი შვილის მამაა. პოლიტიკოსი წარმოშობით ბორჯომიდან არის, ჰყავს მეუღლე შორენა ქოქაშვილი, რომელიც ასევე ბორჯომიდან არის და შვილები: მარიამ, ანა, ნიკოლოზი, ანდრია, დამიანე აზარაშვილები.
საქართველოს საგარეო საქმეთა მინისტრი ილია დარჩიაშვილი ოთხი შვილის მამაა. მეუღლე ნინო ვაშაკიძე, "ერისიონის" ყოფილი მოცეკვავეა. წყვილს 4 შვილის ჰყავს: სოფო, ალექსანდრე, გიორგი და დანიელი. მათგან სოფო უფროსია და 17 წლისაა, ალექსანდრე 14-ის, 4 წლისანი არიან ტყუპი - გიორგი და დანიელი.
რეგიონული განვითარებისა და ინფრასტრუქტურის მინისტრი ირაკლი ქარსელაძე ხუთი შვილის მამაა. მინისტრს ჰყავს მეუღლე მედეა ლეჟავა. მინისტრის ცხოვრება სხვა პოლიტიკოსებისგან განსხვავებით არც ისე საჯაროა.
ბიძინა ივანიშვილი ოთხი შვილის მამაა. მართალია, წლებია ოფიციალურად წავიდა პოლიტიკიდან, მაგრამ ქართულ პოლიტიკურ რეალობაში ის კიდევ რჩება ჩრდილოვან მმართველად. ეკატერინე ხვედელიძესა და ბიძინა ივანიშვილის ოთხი შვილიდან, სამი - ბერა, უტა და გვანცა - უცხოეთში ცხოვრობს, უმცროსი ცოტნე საფრანგეთში სწავლობს, თუმცა დედმამიშვილებისგან განსხვავებით, საქართველოში მეტ დროს ატარებს.
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წესით მრავალშვილიანებს უნდა აწინაურებდნენ ნორმალურ სახელმწიფოში, ეგ ნორმალურ სახელმწიფოში, ჩვენთან ოირიქითაა, მრავალშვილიანები გარბიან ქვეყნიდან
ესენი აქ დასასვენებლად რო ჩამოვლენ ხოლმე რუსები იმედია ბინებს ძვირად არ მიაქირავებენ.