მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"2021 წლის შემდეგ მიშა არ მინახავს, მინდა დაველოდო შეხვედრას, სანამ..." - რას ამბობს სანდრა რულოვსი სააკაშვილზე და რა უთხრა სალომე ზურაბიშვილმა ექსპრეზიდენტის გათავისუფლების საკითხზე
07:41 / 09-07-2023
საქართველოს ყოფილი პირველი ლედი, სანდრა რულოვსი ამბობს, რომ ექსპრეზიდენტ მიხეილ სააკაშვილს 2021 წლის სექტემბრის შემდეგ არ შეხვედრია. მან სააკაშვილზე, სალომე ზურაბიშვილთან შეხვედრაზე, ასევე ბიძინა ივანიშვილის შესახებ "შაბათის ფორმულასთან" ისაუბრა.
"დავიწყოთ იქიდან, რომ მე ის 2021 წლის სექტემბრის შემდეგ არ მინახავს, საბერძნეთში როცა ვიყავით ერთად, ამის მერე არ მინახავს და მინდა დაველოდო მასთან შეხვედრას, მანამ სანამ განთავისუფლდება და სხვა დროსა და ვითარებაში, ჯანმრთელობის და გათავისუფლების პირობებში, ნაკლებად გამიჭირდება პირად საკითხებზე საუბარი.
ის ფაქტი, რომ ის არის ჩაკეტილი სულ უდანაშაულოდ და ასე დიდხანს გრძელდება, ჩვენი მთელი ოჯახისთვის ძალიან მტკივნეულია.
იმედი არსებობს, რომ საერთაშორისო ძალისხმევით, ზელენსკის თამადობით, რაღაცნაირად შეიცვლება დამოკიდებულება. თუნდაც ევროპა, ამერიკა ისედაც აღიარებენ, რომ ის არის პოლიტიკური პატიმარი. შევთანხმდით, რომ ის არის უდანაშაულო პატიმარი, ამიტომ უნდა განთავისუფლდეს.
სამწუხაროდ, მთავრობა და სასამართლო თანამშრომლობენ, ამიტომაც არ გვაქვს დამოუკიდებელი სასამართლო.
რა თქმა უნდა, მაქვს ძველი კონტაქტები და ჩემს გარდა მართლა არ მეგულება ვინმე, ვისაც შეუძლია საქართველოდან ლორა ბუშს მისწეროს, ან ქალბატონ მაკკეინს, ან თურქეთის, აზერბაიჯანის, პოლონეთის და ა.შ. პირველ ლედებს. აბა ვინ უნდა დაწეროს თუ არა მე? ზოგჯერ აქტივობით პასუხობენ, ზოგჯერ წერილობით", - ამბობს სანდრა რულოვსი.
- ყოფილი პირველი ლედის თქმით, იმედი აქვს, რომ სალომე ზურაბიშვილი "აწონ-დაწონის სააკაშვილის საკითხს".
"მქონდა მასთანაც (სალომე ზურაბიშვილთან) შეხვედრა დეკემბერში მიშას თემაზე. სხვათა შორის, გვარამიაზეც ვსაუბრობდი მასთან. ერთ-ერთი, რასაც ამბობს და ჩემთანაც გაიმეორა - ჩვენ თუ გავუშვებთ მიშას საზღვარგარეთ სამკურნალოდ, ეს არის იმის დამადასტურებელი, რომ ჩვენთან არ ვარგა ჯანდაცვა და ეს ცუდად აისახება საქართველოს რეპუტაციაზე. ასეთი არგუმენტი მივიღე.
ელექტრონული სამაჯურით გამოშვებაზე არ უსაუბრია, მაშინ ალბათ, ეს თემა არ ყოფილა აქტუალური. მე იმედი მაქვს, რომ პრეზიდენტი აწონ-დაწონის, ხედავს რა ხდება ევროპასთან მიმართებაში, ევროკავშირთან, ნატოსთან მიმართებაში და მიხვდება, რომ ძალიან დიდი ხელისშემშლელი ფაქტორია, რომ ყოფილი პრეზიდენტი არის პატიმარი. მან უკვე იცის ჩემი პოზიცია და იმედი მაქვს, რომ გაითვალისწინებს", - აღნიშნავს რულოვსი.
- "შაბათის ფორმულასთან" ინტერვიუში მან ასევე გაიხსენა, რომ როცა პირველი ლედი იყო, მიხეილ სააკაშვილთან ერთად, რამდენჯერმე შეხვდა ბიძინა ივანიშვილს:
"შევხვედრივარ მიშასთან ერთად, პირველი ლედობის დროს, მაგრამ არ გვისაუბრია არასდროს. უნდა მიხვდეს, რომ ადამიანის სიცოცხლე არის მისი პირველი უფლება და უნდა მისცეს შანსი, რომ იმკურნალოს, იმიტომ რომ, როგორც ჩანს, უარესად და უარესადაა", - ამბობს სანდრა რულოვსი.
მისი თქმით, პოლიტისკენ არც თვითონ და არც მისი შვილები აღარ გაიხედავენ, რადგან "ერთი პოლიტიკოსი ოჯახში საკმარისია".
- სანდრა რულოვსის სათქმელი კი საზოგადოებისთვის ასეთია:
"ის ათი წელი მართლა ძალიან დიდი პატივი იყო ჩემთვის პირველი ლედის სტატუსით მიშას გვერდით ყოფნა. ეს იყო დიდი შანსი საქართველოსთვის ევროპისკენ მოძრაობის. ძალიან ბევრი რამ მოხდა, ბევრ რამეს მივაღწიეთ. შეცდომებიც იყო, კი ბატონო, მაგრამ ეს დრო არ დაგვავიწყდეს, არ დაგვავიწყდეს, რომ შესაძლებელია, საქართველომ ის განვითარება გააგრძელოს. არის ასეთი თაობა, რომელიც მაშინ იყო პატარა და ახლა უკვე ხდება 20 წლის, ან მეტის და ახსოვთ მათ ეს ინოვაციების, მშენებლობის, ახალი იდეების, ევროპისკენ სწრაფვის ეპოქა, ყველაფერი დუღდა და ეს არ დაგვავიწყდეს.
არ ვიყოთ ხელჩაქნეულები, რომ აღარ გამოგვდის, ყველა წავიდა, სხვა ვითარებაა და ასე შემდეგ. ჩვენ უფრო ადრე დავიწყეთ რენესანსი და აღორძინება, ვიდრე რომელიმე ქვეყანამ ევროპაში. ლიტერატურაშიც, ხელოვნებაშიც ჩვენ ვიყავით პირველები და მერე ევროპაშიც განვითარდა, ეს არ დაგვავიწყდეს. ჩვენ უნიკალური როლი გვაქვს ევროპის ისტორიაში და როგორც აზიის და ევროპის ხიდს, შეგვიძლია ისევ დიდი როლი ვითამაშოთ", - აღნიშნავს რულოვსი.
მკითხველის კომენტარები /
63 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიშა კი არ გადარდებს. შე უთავმოყვარეო ქალო,უზრუნველი ცხოვრება და მილიონები გინდა, მიშამ რომ მოპარა ქართველ ხალხს>
ქ-ნო! თავმოყვარეობა საერთოდ არ გაგაჩნიად? არა , არა და არა!!!!!!! რას ვიზამთ, ერთი მიშა არის პატიოსანი და უდანაშაულო. მეორე კი თქვენ!!!!! იოცნებეთ, ოცნებას კაცი არ მოუკლავს!