შოიგუს პირველი საჯარო გამოჩენაა "ვაგნერის“ ერთდღიანი ამბოხის შემდეგ - რა ინფორმაციას ავრცელებს რუსეთის თავდაცვის სამინისტრო?
რუსეთის თავდაცვის მინისტრი, სერგეი შოიგუ უკრაინაში მყოფ ჯარებს ეწვია, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, შოიგუ უკრაინაში რუსეთის დასავლეთის ძალების დაჯგუფების მეთაურს გენერალ ევგენი ნიკიფოროვს შეხვდა და მოისმინა მოხსენება "შექმნილ ვითარებაზე, მტრის მოქმედებების ბუნებაზე და რუსეთის შეიარაღებული ძალების მიერ საბრძოლო ამოცანების შესრულებაზე“.
რუსეთის თავდაცვის უწყებაში აცხადებენ, რომ მინისტრმა განსაკუთრებული ყურადღება დაუთმო ე.წ. სპეციალურ სამხედრო ოპერაციაში მონაწილე ჯარების მხარდაჭერის ორგანიზებას და პირადი შემადგენლობის უსაფრთხო განლაგებისთვის პირობების შექმნას.
აღსანიშნავია, რომ ეს შოიგუს პირველი საჯარო გამოჩენაა "ვაგნერის“ ამბოხის მცდელობის შემდეგ. რუსეთის თავდაცვის უწყება არ აკონკრეტებს, როდის განხორციელდა შოიგუს ვიზიტი.