"ჩემი დამოკიდებულება ვერანაირად ვერ იქნება დადებითი... ჩემთვის რუსეთი მტერია და ასე იქნება ყოველთვის" - გიორგი ანწუხელიძის ქვრივი რუსეთთან ავიამიმოსვლის აღდგენაზე
საქართველოს ეროვნული გმირის, ოკუპანტი ქვეყნის სამხედროების მიერ წამებით მოკლული გიორგი ანწუხელიძის ქვრივის, მაკა ჩიკვილაძის თქმით, რუსეთი მისთვის მტერია და მუდამ ასე იქნება. მისივე განმარტებით, რუსეთსა და საქართველოს შორის უვიზო მიმოსვლის აღდგენა მისთვის დადებთი გადაწყვეტილება ვერ იქნება.
"ჩემი დამოკიდებულება ვერანაირად ვერ იქნება დადებითი. ყველამ იცის რა გაუკეთეს გიორგი და არამხოლოდ გიორგის. სასტიკად მოექცნენ ჩვენს მოსახლეობას, წაგვართვეს ამდენი სოფელი. ამდენი ტერიტორია დასაბრუნებელია. ჩემთვის რუსეთი მტერია და ასე იქნება ყოველთვის. ჩემი დამოკიდებულება ვერანაირად ვერ იქნება დადებითი. მძიმეა ჩემთვის და იმ ადამიანებისთვის, რომლებმაც დაკარგეს საყვარელი ადამიანები, შვილები, მამები." - განაცხადა მაკა ჩიკვილაძემ ჟურნალისტებთან საუბრისას.
ასევე იხილეთ: