"ნიკორა" რეგიონის სკოლებზე ზრუნვას აგრძელებს და მოსწავლეებს საჩუქრებს გადასცემს
„ნიკორა“ სოციალური პასუხისმგებლობის ფარგლებში დაწყებულ პროექტს - სკოლების დახმარებას აგრძელებს. კომპანიამ აღნიშნული პროექტი გასულ წელს დაიწყო, რის ფარგლებშიც რამდენიმე სკოლა პერსონალური კომპიუტერებით, სასკოლო ლიტერატურით, ხოლო I-VIII კლასის ყველა მოსწავლე სასკოლო ნივთების კომპლექტით დაასაჩუქრა.
პროექტის მიზანია მოსწავლეების წახალისება, სკოლების თანამედროვე კომპიუტერებით აღჭურვა, სასკოლო ბიბლიოთეკების ახალი წიგნებით შევსება, რათა რეგიონებში მცხოვრებ ახალგაზრდებს თანამედროვე ტექნოლოგიებსა და ლიტერატურაზე უკეთესი წვდომა ჰქონდეთ.
ამჯერად „ნიკორა“ შემდეგ სკოლებს დაეხმარება:
- მესტიის მუნიციპალიტეტის სოფელ ნაკრის საჯარო სკოლა;
- ჭიათურის მუნიციპალიტეტის სოფელ ითხვისის №2 საჯარო სკოლა;
- ნინოწმინდის მუნიციპალიტეტის სოფელ სპასოვკის №1 საჯარო სკოლა;
- იაკობ ტრიპოლსკის სახელობის დუშეთის მუნიციპალიტეტის დაბა ფასანაურის №1 საჯარო სკოლა.
განათლების დახმარება და დაფინანსება „ნიკორას“ ერთ-ერთი მთავარი პრიორიტეტია. კვების პროდუქტების მწარმოებელი უმსხვილესი ქართული კომპანია საქართველოს აგრარული უნივერსიტეტის კვების ტექნოლოგიების წარმატებულ სტუდენტებს უკვე რამდენიმე წელია სახელობით სტიპენდიას გადასცემს.
როგორც კომპანიაში აღნიშნავენ, სკოლების დასაჩუქრებას უკვე ტრადიციის სახე მიეცა და პროექტი სამომავლოდაც გაგრძელდება.
NS