მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მომხიბვლელი ნუცას მიმართ ინტერესი ნუ გაგიკვირდებათ... რატომ არ უნდა წავაშველოთ ხელი, იმიტომ რომ ქართველია?" - რას წერენ აფხაზები ნუცა ბუზალაძის შესახებ?
19:53 / 19-04-2023
ხვიჩა კვარაცხელიას გარდა, (რომლის "მილანთან" გამოუყენებელი თერთმეტმეტრიანი დარტყმა ძალიან განიცადეს), აფხაზები ნუცა ბუზალაძესაც აქტიურად გულშემატკივრობენ. ხმის დაწყებისთანავე, ისინი დახურულ ჯგუფებში წერდნენ, რომ ნუცასთვის ხმის მიცემის შესაძლებლობა არ ჰქონდათ, საიტზე ვერ გადადიოდნენ და კითხულობდნენ, რა შეიძლება ამის მიზეზი ყოფილიყო...
ადგილობრივი ინტერნეტმომხმარებლების ნაწილმა მათი აქტიურობის მიმართ გაოცება და აშკარა აგრესიაც გამოხატა, თუ რატომ ინტერესდებოდნენ ქართველი მომღერლის ბედით... ზოგმა აღნიშნა, რომ ნუცას შესახებ აქამდე არაფერი ჰქონდა მოსმენილი და "მის გამოსვლებს ახლა ჩაუჯდებოდა"... იყვნენ ისეთებიც, ვინც ასეთი კითხვის დასმა უდიდეს გამბედაობად მიიჩნია და აღნიშნა, რომ ახალგაზრდებს ბევრ რამეზე წინა თაობისგან განსხვავებული შეხედულება აქვს, მაგრამ კარგია ეს თუ ცუდი, დრო გაარკვევს...
"მხოლოდ ერთ რამეს ვიკითხავ. რატომ არასდროს მსმენია ქართველისგან, რომ აფხაზ შემსრულებელს გულშემატკივრობდეს? ვერ გავიგე, რა ხდება ჩვენს თავს. თუ ვინმე მეტყვის (და ვიცი, ბევრი ასე ამართლებს ჩვენების ბოლოდროინდელ ინტერესს ქართველების მიმართ), რომ ნიჭს ეროვნება არ აქვს, ჩვენც გვყავს ნიჭიერები" - წერს ადგილობრივი ელმირა კვაძბა.
მას გარკვეული ნაწილი არ ეთანხმება. ისინი მიიჩნევენ, რომ თაობა, რომლებიც ახლა საქართველოდან მსოფლიოს სხვადასხვა წამყვან გუნდებსა და ღონისძიებებში მონაწილეობენ, ომის დასრულებიდან ერთი ათეულის წლის შემდეგ არიან დაბადებული და ამის გამო, ორ თაობას შორის მუდმივი კედლის შენება უშედეგო იქნება...
"ორი წლის წინ, სოხუმში, ახლობლის ოჯახში ვიყავი, ერთად შევხვდით ახალ წელს. თბილისიდან სტუმრები ჰყავდათ, დედა-შვილი. აქ მცხოვრებ ქართველებს თუ არ ჩავთვლით, ჩამოსულებთან ურთიერთობა იქამდე არ მქონია, გოგონას გიტარა ჰქონდა თან, მასპინძელს ოჯახში მშვენიერი პიანინო ჰქონდა და მთელი ღამე სიმღერა არ შეწყვეტილა, უამრავი ქართული სიმღერა შეასრულეს, მათ შორის, მასპინძლების მონაწილეობით. ტექსტის შინაარსი არ მესმოდა, მაგრამ სასიამოვნოდ მოსასმენი იყო. ვერ დავიჯერებ, რომ მეზობლებს არ ესმოდა იმ სახლიდან გასული ხმები... სახლში, ოჯახის წევრებს რომ მოვუყევი, მუსიკამ და კულტურამ რა დააშავაო, მითხრეს. ასე რომ, ნურც მომხიბვლელი ბუზალაძის მიმართ ინტერესს ნუ გაიკვირვებთ" - წერს კიდევ ერთი ადგილობრივი სერგი აკაბა.
"კვარაცხელიას მერე არც ამ გოგონას მიმართ გამოჩენილი ინტერესი გამკვირვებია. ნიჭი ყველა ერში დასაფასებელია, ეს გოგონა მართლა ცეცხლს ანთებს სცენაზე. ამერიკისხელა სახელმწიფოში, ასეთ კონკურენციაში საოცრებებს ახდენს. ბრავო მას... სასიამოვნოა მისი მოსმენა, სითამამე, სცენაზე თავისუფლება. ვერ შევძელი, თორემ ნამდვილად ვცდილობდი ხმა მიმეცა. იმედია, კიდევ ბევრჯერ ვნახავთ დიდ სცენაზე" - წერს სოხუმელი ინტერნეტმომხმარებელი.
"აქ პოლიტიკაზე კი არა, ნიჭზეა საუბარი და როდესაც ნიჭიერი ადამიანისთვის ხელის შეშველებისა და წახალისების შესაძლებლობა არსებობს, რატომ არ უნდა გამოვიყენოთ ის, იმიტომ რომ ქართველია?.. თავდაპირველად, ვიღაცები კვარაცხელიას თამაშებს ჩუმად უყურებდნენ, შემდეგ კი სოხუმის სანაპიროზე, დილის ყავის დასალევად გამოსული კაცების გაცხარებული კამათიც მომისმენია "კვარას" მატჩებზე... ბრმები და ყრუები არ ვართ, ამ სამყაროს ნაწილი ვართ და ნიჟარაში ვერ დავიმალებით, სპორტი, მუსიკა, ხელოვნება ჩვენი ცხოვრების ნაწილია. ყველაფერში საფრთხის დანახვას ნუ ცდილობთ", - მიაჩნია მური ჩამაგუას.
ნახეთ ასევე:
- "ჩემო უმაგრესო ქართველებო, უღრმესი მადლობა ასეთი მხარდაჭერისთვის და სიყვარულისთვის... შედეგებს გავიგებთ მომავალ ლაივზე" - რას წერს ნუცა ბუზალაძე
- "ამბობდნენ, იმას ხვდება, ამას ხვდება, მილიონერი შეყვარებული ჰყავს..." - როგორია ნუცა ბუზალაძისთვის სასურველი მამაკაცი და რას ჰყვება პირად ცხოვრებაზე
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ელმირა კვაწძას მინდა მივმართო რასაც თქვენ გიჭერენ ქართველები მხარს იმდენს რომ ჩვენ უჭერდეთ ერთმანეთს მხარს ჩვენზე ბედნიერი არავინ იქნებოდა. ჩვენთვის ყველაფერი ფასიანია საქართველოში თქვენთვის უფასო აფხაზეთში ვინმე რომ ცუდად გახდება ყველა სასწრაფოს მანქანა მანდეთ მორბის დროზე ვუშველოთ აფხაზია ცუდადო თან სრული დაფინანსებით გმკურნალობთ და კიდევ თუ ვერ გრძნობ ქართველების გვერდში დგომას მაშინ ბრმა ყოფილხარ და მართლა რომ გაგიჭირდეს ერთი წამითაც არ ხარ დახმარების ღირსი.
მიუხედავად ორივე მხრიდან გადატანილი ტკივილისა, აფხაზის გაგონებაზე გული მითბება. აუცილებლად გავუწევთ გულშემატკივრობას, თუ მოვიდა ჩემამდე ინფორმაცია.