16
მაისიდღის ზოგადი ასტროლოგიური პროგნოზი
ნუცა ბუზალაძე, რომელიც უკვე ერთი თვეა ამერიკას იპყრობს, დიდ სცენაზე ქართველი დიზაინერების სამოსით გამოდის. დღეს ცნობილი გახდა, რომ გუშინდელი წარმატებული შესრულების შემდეგ, American Idol-ის Top 24 კონკურსანტს შორის მოხვდა. მის მორიგ შთამბეჭდავ გამოსვლას, ამერიკული აუდიტორია და ჟიური ფეხზე ადგომით შეხვდა. ვიდრე ნუცა ამერიკულ ოცნებებს ისრულებს, მოდით გადავხედოთ, რომელი ქართველი დიზაინერების სამოსს მიანიჭა უპირატესობა.
"ინტსაგრამზე" გამოქვეყნებულ ფოტოებზე ჩანს, რომ ნუცას ერთ-ერთ ბოლო ვიდეოში, სადაც ჟიურის ხვდება და იგებს, რომ Top 24 კონკურსანტს შორის მოხვდა, ანუკი არეშიძის ბრენდის "ანუკის“ სამოსი აცვია. ეს ინფორმაცია კომპანიაში დაგვიდასტურეს.
"გიდასტურებთ, ნარინჯისფერი ორეული ნამდვილად არის ჩვენი ბრენდის Spring/Summer 2021 კოლექციიდან. ნუცას ჩვენი ორეული ეცვა თათა ქართველიშვილისა და მისი პიარსააგენტოს, "TATA PR AGENCY" დახმარებით.“
როგორც აღმოჩნდა, ნუცას ჩაცმულობაზე ამერიკაში სწორედ სააგენტო "TATA PR AGENCY" ზრუნავს.
თათა ქართველიშვილს მოდის ინდუსტრიაში დიდი ხანია იცნობენ, ის ქართული მოდის ამბასადორია ლოს-ანჯელესში და აქტიურად თანამშრომლობს ნიჭიერ ქართველ დიზაინერებთან. მისი პიარსააგენტოს საშუალებით, მსოფლიოში ცნობილი ვარსკვლავები ქართველი დიზაინერების სამოსს იცვამენ და მათ მიერ შექმნილ სამკაულებს ირგებენ...
შეგახსენებთ, რომ სწორედ თათას სააგენტოს მუშაობის შედეგია ის, რომ ისეთ ვარსკვლავებს, როგორებიც არიან ქენდალ ჯენერი, ჰეილი ბიბერი, ჯოი ქინგი, ქეთი ფერი, ალესანდრა ამბროსიო, ჯენიფერ ლოპესი და სხვები, ხშირად ვხედავთ ქართველი დიზაინერების სამოსსა და აქსესუარებში.
თათასა და "ანუკის" შორის ეს პირველი თანამშრომლობა არ ყოფილა. 2021 წელს ერთ-ერთი ყველაზე გავლენიანი მოდის "ინფლუენსერი”, ჰეილი ბიბერი ქართველი დიზაინერის, ანუკი არეშიძის ბრენდის სამოსში გამოჩნდა. სამხრეთ ჰოლივუდში, Craig’s-ის რესტორანში ვახშამზე ჰეილიმ, ტყავის შარვალი და პიჯაკი მოირგო, რომელიც ANOUKI-ის 2021 წლის PRE-FALL კოლექციიდან გახლავთ. ანუკი არეშიძე სამოსს ვეგანური ტყავისგან ამზადებს.
ნუცას კიდევ ორი ლუქი ეცვა ქართველი დიზაინერის. თაკო მექვაბიძის მიერ შექმნილი სამოსი, მომღერალმა სცენაზე მოირგო.
ამ ქართველი დიზაინერის კოლექციებში მრავლად არის სადღესასწაულო ფერები, რაც გამოარჩევს მას სხვებისგან. მექვაბიძე დიდი ხანია თანამშრომლობს თათა ქართველიშვილის პიარსააგენტოსთან. მისი კოლექციიდან მოდელები მორგებული აქვთ ისეთ ვარსკვლავებს, როგორებიც არიან: ქრისტინა აგილერა, კენდალ ჯენერი, ლინდსი ვონი და ქეთი მელუა.
იხილეთ ასევე:
- "ამერიკის ვარსკვლავის" ტოპ 24 -ში!.. რთული გზა გავიარე აქამდე" - ნუცა ბუზალაძის მორიგი შთამბეჭდავი გამოსვლა: აღფრთოვანებული ჟიური და ფეხზე წამომდგარი აუდიტორია
- "ამ გამოსვლის შემდეგ ფსიქიკურად განადგურებული ვიყავი... ძალიან გავბრაზდი" - გაუგებრობა American Idol-ში: როგორ პასუხობს ნუცა ბუზალაძე მეწყვილეს?
ბებიკო გიული ალასანიას მაინც ვერავინ შეედრებს მოდურად ჩაცმაში!
ნუცაც და ხალხიც მგონი ჩაცმას უფრო მეტ ყურადღებას აქცევს, გაეპარება რაღაც და ამდენი შრომა წყალშ ჩაეყრება. ნუცა ჩაიცვი ჯინსი და იყავი თავისუფლად. წარმატებები გადარიე ამერიკა აბა შენ იცი