მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი გამზრდელი დედის საფლავის ფოტოც კი გამოაქვეყნა... არ ენდობა ამერიკის ლაბორატორიას" - ემიგრანტი ქალი ამტკიცებს, რომ თამუნა მუსერიძის დედაა: რას ჰყვება ყოფილი წამყვანი?
20:18 / 14-03-2023
უკვე რამდენიმე წელია რაც თამუნა მუსერიძე ბიოლოგიურ მშობლებს ეძებს. ინფორმაცია, რომ ნაშვილები იყო ჟურნალისტმა გამზრდელი დედის გარდაცვალების შემდეგ შეიტყო. ამ რთულ გზაზე თამუნამ ჯგუფი სოციალურ ქსელში „ვეძებ“ შექმნა, სადაც სხვა გაშვილებულებსაც ეხმარება ბიოლოგიური მშობლების პოვნაში.
ძიება გრძელდება და ამ ეტაპზე თამუნამ მხოლოდ ბიოლოგიური ბაბუა იპოვა, რომელიც ახალგაზრდა ასაკში გარდაიცვალა, მისი შვილები კი გენეტიკური ტესტის გაკეთების შემდეგ თამუნასთვის მხოლოდ ბიძები და დეიდები აღმოჩნდენ...
ბიოლოგიური მშობლების ძებნას აგრძელებს, თუმცა ამ წლების მანძილზე არაერთი ადამიანი აღმოჩნდა მის ცხოვრებაში, რომლებიც არწმუნებდნენ რომ დედის პოვნაში დაეხმარებოდნენ.
ქალბატონი კი რომლის შესახებაც ჟურნალისტი ინტერვიუში გვიყვება საბერძნეთში ცხოვრობს, ემიგრანტია. მეუღლე გარდაცვლილი ჰყავს და მისი სამი შვილი საქართველოში ცხოვრობს. პირველად ორი წლის წინ დაუკავშირდა და უთხრა, რომ დედამისი იყო, მაგრამ გენეტიკურმა ანალიზმა ნათესაური კავშირი არ დაადასტურა.
ამის მიუხედავად ქალს არ სჯერა ტესტის ნამდვილობის, სოციალურ ქსელში აქვეყნებს თამუნას შვილების ფოტოებს, მოიხსენიებს მათ შვილიშვილებად და ჟურნალისტის თქმით, მისი გამზრდელი დედის საფლავის ფოტოც კი გამოაქვეყნა, რაც სეროზული სტრესში ამყოფებს თამუნას...
- ამ ქალბატონმა იმშობიარა 1979 წელს, სანამ მე დავიბადებოდი 5 წლით ადრე. გასაგებია, რომ სამშობიაროში ცვლიდნენ თარიღებს, მაგრამ 5 წლის შეცვლა წარმოუდგენელია. ორი წლის განმავლობაშ ვუხსნიდი, რომ არ შეიძლებოდა ასე, მაგრამ ამბობს, რომ თარიღი შემიცვალეს და დედაჩემია. შემდეგ შეცვალა ვერსია და ახლა ამბობს, რომ 1981 წელს იმშობიარა. სულ რომ 1981 წელს ემშობიარა, მაინც ფიზიკურად ვერ გამოდის, რადგან 1981 წლის ივნისში დაოჯახდნენ ჩემი გამზრდელი მშობლები და წინასწარ ხომ არ აიყვანდნენ შვილს, რა იცოდნენ, რომ არ გაუჩნდებოდათ. ამის გარდა მის შვილთან გავიკეთე გენეტიკური ანალიზი და მოვიდა უარყოფითი პასუხი და ამბობს, რომ არ ენდობა ამერიკის ლაბორატორიას.
- ეს ქალი ახლა საბერძნეთში ცხოვრობს...
- დიახ და ამტკიცებს, რომ თითქოს მამიდაჩემი მუშაობდა მასთან რაღაც ცეხში. ოღონდ მამიდას დამთავრებული აქვს პედაგოგიური და მთელი ცხოვრება ერთ-ერთ სკოლაში დაწყებითი კლასის მასწავლებელია და ფიზიკურად ვერ იმუშავებდა სადღაც ცეხში. გარდა ამისა ამბობს, რომ ჩემი ბიძაშვილი ახსოვს, რომელიც იმ სამშობიაროში, სადაც მე დავიბადე გინეკოლოგი იყო. ჩემი ბიძაშვილი ჩემზე 4 წლით უფროსია და იმ დროს ვერ იმუშავებდა იქ გინეკოლოგად.
- ნამდვილად ჰყავს ამ ქალს შვილი დაკარგული, მისი შვილები რას ამბობენ?
- დიახ, ჩემი ინფორმაციით ნამდვილად დაკარგა შვილი, მაგრამ რაც შეეხება ერთ შვილს, რომელთანაც ტესტი გავიკეთე, იმასაც ბოლომდე არ სჯერა რომ ტესტი არ შეცდა. მანამდე კიდევ ერთი გოგო გამოჩნდა ჩემს ცხოვრებაში, რომელმაც დამირეკა და მითხრა, რომ იცოდა ვინ იყო დედაჩემი და მეორე დღეს ვაკის პარკში დამიბარა. თავად მითხრა, რომ რეგიონიდან იყო და ჩამოვიდოდა. მეორე დღეს მართლა შევხვდი და მიყვება ასეთ ისტორიას, ოღონდ სრული სერიოზულობით. დედაჩემი იყო უშვილო და მამაჩემს წამლებს ასმევდა და სხვა ქალებთან ჰქონდა ურთიერთობა და შვილებს აჩენდნენო.
შოკიც არის და შოკი, მისი თქმით, ახლა ეძებდა და-ძმებს. იქვე მივხვდი რომ ამ გოგოს ფსიქიკური პრობლემები ჰქონდა, მაგრამ სანამ გავაანალიზე საშინელება იყო. ამის შემდეგ კიდევ უამრავ ადამიანს წერდა, რომ ჩემი დედმამიშვილი იყო... შემდეგ აღმოვაჩნე, რომ სხვა გაშვილებულ გოგონებსაც იგივეს წერდა. ერთი წელი საშინელებაში გამომატარა. ალბათ სხვებიც შეხვდნენ...
- რაც შეეხება ამ ქალბატონს, ის თქვენ შვილებთან, თქვენთან ერთად დაკოლაჟებულ ფოტოებს აქვეყნებს, სამართლებივად თუ ფიქრობ, რომ პასუხი აგებინო.
- ჩემი გამზრდელი დედის საფლავის ფოტოც კი გამოაქვეყნა... ძალიან მტკივნეულია ეს თემა ჩემთვის, გამზრდელი დედის ლანძღვა ძალიან დიდი სისასტიკეა. ამ ქალს მეუღლე გარდაცვლილი ჰყავს. ჰყავს სამი შვილი... თავიდან თითქოს ვერთობოდი, მაგრამ მას შემდეგ რაც ჩემ შვილების ფოტოებს აზიარებს და წერს, ნახეთ შვილიშვილები როგორ მგვანანო, ძალიან გაბრაზებული ვარ. მისი სამი შვილიდან მხოლოდ ერთს ვიცნობ. ვისთან ერთადაც ტესტი გავიკეთე. ის ორი შვილი ამბობს, რომ ჩვენ რა ვქნათ, ვერაფერს ვერ ვაკეთებთო...
ნახეთ ასევე:
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯობია ძებნას თავი დაანებოს ამდენი ხნის განმავლობაში დედა თვითონ მოძებნიდა,ამდენი ამბების მერე უნდა გამოჩენილიყო,რადგან არ გამოჩნდა გამზდელს დედას პატივი სცეს და ნათელში ამყოფოს მისი სული
ვიცნობ ქალს რომელმაც 1991 წელს დაახლოებით აგვისტოს ბოლო ან სექტემბერი ოქტომბერ თვე არ მახსოვს ზუსტად, იმშობია და უთხრეს ბიჭი მერე დაიღუპაო მიცვალებულიც არ გამოატანეს,რამდენჯერ უთქვია იქნებ გოგო იყო და გააშვილესო რომ სქესით არ მეპოვაო თუმცა არ ეძებს რატომღაც ვერ გარკვეულა მკვდრებში ეძებოს ბიჭი თუ ცოცხლებში გოგო?რადგან სქესზეც კი ეპარება ეჭვი,