მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოკლედ მინდა გითხრათ ის, რასაც ადრე პირადად გეუბნებოდით... ეს კრიზისი თქვენ გამოიწვიეთ ხელოვნურად" - თამარ ჩუგოშვილი ყოფილ თანაგუნდელებს მიმართავს
10:35 / 09-03-2023
"ქართული ოცნების" ყოფილი წევრი, IX მოწვევის პარლამენტის წევრი, პარლამენტის თავმჯდომარის პირველი მოადგილე თამარ ჩუგოშვილი ყოფილ თანაგუნდელებს მიმართავს. ის მმართველი გუნდის შეცდომებზე საუბრობს და ამბობს, რომ ამის შედეგად გადაიმტერეს მთელი ევროპარლამენტი, კონგრესი და დიპლომატები.
ჩუგოშვილის თქმით, ფუჭია მათი ყველა მცდელობა, რომ საქართველოს არჩეული კურსი შეაცვლევინონ.
"ქართული ოცნება / Georgian Dream მოკლედ მინდა გითხრათ ის, რასაც ადრე პირადად გეუბნებოდით. ვიცი აზრი არ აქვს, მაგრამ მე მაინც ვცდი, რადგან თქვენი შეცდომების კასკადი სადამდე მიგვიყვანს ჩვენც და თქვენც არავინ იცის:
1. ნუ გგონიათ ყველა სულელი საკუთარი თავის გარდა. ნუ ეუბნებით ამ ახალგაზრდებს, რომ სულელები არიან, ვიღაც იყენებს და რამეს ვერ ხვდებიან. თქვენს ბევრ დეპუტატზე უკეთ ხვდებიან რა ხდება და შეურაცხყოფას ნუ აყენებთ, პატივისცემით მოექეცით! ასე გადაიმტერეთ მთელი ევროპარლამენტი, კონგრესი, დიპლომატები და ყველა, შინაურიც და გარეულიც, ეძახეთ სულელები და გაამწარეთ;
2. აი ამიტომ არ შეიძლება იყო გადამგდები! ყველა წინა კრიზისის შემდეგ გადააგდეთ ხალხიც და პერტნიორებიც. ახლა გჭირდებათ ვიღაცამ დაგიჯეროთ და თქვენს სიტყვას ფასი არ აქვს, უნიჭო ტრიუკები კი, ამას ვერ დაგიბალანსებთ;
3. დათმობა, მითუმეტეს საკუთარ ხალხთან, არაა სისუსტე, არა!!! დათმობა საკუთარ საზოგადოებასთან არის სიძლიერე და აუცილებლობაც კი. თუ თქვენ იმ კონდიციამდე მიხვედით, რომ ახლა კანონის გაწვევა მარცხი გგონიათ და ფიქრობთ, რომ გაწვევა სისუსტეში ჩაგეთვლებათ, მაშინ უკვე დამარცხებულხართ;
4. მტერი და განსხვავებული პოზიციის მქონე ადამიანი სხვადასხვაა! არ შეიძლება ადამიანს მტერი ეძახო, იმის გამო რომ არ გეთანხმება, ან არ მოწონხარ. არავინ არაა ვალდებული იმ დემაგოგიის სჯეროდეს, რასაც გვასმენინებთ. ნუ აწებებთ მათ მტრის იარლიყებს, თორემ ბოლოს “მტერი” თქვენზე მეტი აღმოჩნდება ამ ქვეყანაში. ნუ ამწარებთ ტყუილად ხალხს;
5. ზეწოლა წარმოშობს წინააღმდეგობას, მარტივია! რაც მეტად შეატყობს ეს ხალხი, რომ მათ მუხლზე გადამტვრევას ცდილობთ, მით მეტ წინააღმდეგობას მიიღებთ, ამიტომ შეწყვიტეთ!
6. ეს კანონი და დასავლური ინტეგრაცია შეუთავსებელია, as simple as that! ან ერთი ან მეორე, აირჩიეთ, თუ დაგრჩათ არჩევანის რესურსი!
7. ეს კრიზისი თქვენ გამოიწვიეთ ხელოვნურად და ახლა მის ჩაქრობას სერიოზული კომპრომისის გარეშე ვერ შეძლებთ. რამდენი აქციაც არ უნდა დაშალოთ, ბრაზი არსად წავა და ბუმერანგივით დაგიბრუნდებათ. შეეშვით კუნთებზე ყურებას და მოიფიქრეთ რითი გამოასწოროთ.
და ბოლოს, ფუჭია ყველა მცდელობა, რომლის მიზანია არჩეული კურსი შეაცვლევინო ქართულ საზოგადოებას. შეუსრულებელი მისიაა. სხვა ამოცანა დაისახეთ" - წერს ჩუგოშვილი სოციალურ ქსელში.
ნახეთ ასევე:
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სტუდენტებს არვინ ეუბნება სულელს,დეზინფორმაციით ამწარებთ მათ. უსამართლოდ ესაუბრებით მათ და აქეზებთ,როგორც ამწუთას ამტკიცებ რომ ვინმე სტუდენტს სულელს ეძახის.გრცხვენოდეს .
ამაზე რა კადრებიაო, რას ამბობდნენ?