16
მაისიდღის ზოგადი ასტროლოგიური პროგნოზი
გორში რკინიგზის სადგურის დასახლებაში მომხდარი შეიარაღებული დაპირისპირების შედეგად ერთი ადამიანი მოკლეს, ერთი კი დაჭრილია. გარდაცვლილს ცეცხლსასროლი იარაღით დაზიანება თავის არეში ჰქონდა მიყენებული.
როგორც ჩვენთვის ხდება ცნობილი, მოკლულია 35 წლამდე ასაკის ახალგაზრდა მამაკაცი, ირაკლი კობერიძე და დაჭრილია მისი მეგობარი ვანო ღვინიაშვილი.
რაც შეეხება მომხდარს, "მთავარი არხის" ინფორმაციით, დაპირისპირება ე.წ. კრიმინალური ავტორიტეტებსა და ადგილობრივ ბიზნესმენებს შორის ჯერ კიდევ ორი დღის წინ დაიწყო და დღეს მკვლელობით დასრულდა.
ტელეკომპანიის ცნობით, ირაკლი კობერიძესა და ვანო ღვინიაშვილს ნიკა საბაშვილმა ესროლა, რომელსაც სადგურის დასახლებაში ავტოსახელოსნო აქვს.
ცნობილი ხდება ასევე, რომ ე.წ. კრიმინალური ავტორიტეტები სიბაშვილს მათი ავტომობილებისთვის უფასო მომსახურებას სთხოვდნენ, რის გამოც მათ შორის კონფლიქტი წარმოიშვა.
ადგილობრივების ინფორმაციით, საბაშვილმა კობერიძესა და ღვინიაშვილს 25-ჯერ ესროლა.
ამ დროისთვის დაჭრილი ვანო ღვინიაშვილის მდგომარეობა კრიტიკულია.
როგორც გორის სამხედრო ჰოსპიტლის გადაუდებელი დახმარების განყოფილების ხელმძღვანელმა იგორ გეორგიანმა ჟურნალისტებთან განაცხადა, პაციენტს პირველადი გადაუდებელი სამედიცინო დახმარება ჩაუტარდა და საოპერაციო ბლოკში გადაიყვანეს.
"სამხედრო ჰოსპიტლის გადაუდებელი დახმარების განყოფილებაში შემოყვანილია 2 მამაკაცი მრავლობითი ცეცხლსასროლი დაზიანებებით, სავარაუდოდ. აქედან, ერთი იყო გარდაცვლილი და მეორე კრიტიკულ მდგომარეობაში. ჩაუტარდა პირველადი გადაუდებელი სამედიცინო დახმარება და სასიცოცხლო ჩვენებით გადაყვანილია საოპერაციო ბლოკში. გრძელდება ოპერაციული მკურნალობა, დანარჩენს გვაჩვენებს შედეგები. ამ ეტაპისთვის მდგომარეობა კრიტიკულია“, - განაცხადა იგორ გეორგიანმა.
ჩვენი ინფორმაციით, პოლიციამ ნიკა სიბაშვილი უკვე დააკავა. გამოძიება მიმდინარეობს სსკ-ის 108-ე (განზრახ მკვლელობა) და სსკ-ის 19-109-ე (განზრახ მკვლელობის მცდელობა) მუხლებით.
ზესტაფონშიც ასე იყო.
არ ვიცი სინამდვილეში რა მოხდა,მენანება სიკვდილისთვის ეს ლამაზი ბიჭი და,მეცოდება ცხოვრებადანგრეული და მკვლელადქცეული ახალგაზრდა!უბრალოდ აგრესიაა მომატებული ხალხში ,საათიც რომ იკითხო ქუჩაში აგრესიულად გპასუხობენ..ხალხი ცდილობს თავის გატანას საკუთარი ძალებით ...იმ ბიჭს რატომ გაუხდა იარაღის მიტანა სახელოსნოში საჭიროდ??რამ აიძულა??რაღაც ან ვიღაც ატერორებდა ფაქტია თორემ რამდენს გაქვთ უკანონო იარაღის წაღების სურვილი სამსახურში ისე, ტყუილად??