15
მაისიდღის ზოგადი ასტროლოგიური პროგნოზი
"კრიპტოს დედოფლად“ წოდებულ რუჯა იგნატოვას FBI 2017 წლიდან ეძებს. იგნატოვა ამჟამად 42 წლისაა, დაიბადა ბულგარეთში, თუმცა გერმანიის მოქალაქეა. მან თავისი OneCoin კრიპტო ვალუტის მეშვეობით ისეთი პირამიდული სქემა შეიმუშავა, 4 მილიარდ დოლარზე მეტი ოდენობის თანხა ჩაიგდო ხელთ. საბოლოოდ, ეს ყველა დროის უდიდეს საერთაშორისო თაღლითობად იქცა.
The #FBI has named Ruja Ignatova to its Ten Most Wanted Fugitives List. She is wanted for her alleged participation in a large-scale fraud scheme involving cryptocurrency. Up to $100,000 reward offered for info leading to her arrest: https://t.co/oU7EKYqaCi pic.twitter.com/tJ8co8aqx0
— FBI Most Wanted (@FBIMostWanted) June 30, 2022
მიუხედავად იმისა, რომ იგნატოვა 5 წელია არ გამოჩენილა, დიდ ბრიტანეთში ახლახანს მიღებული კანონის მიხედვით, მისი სავარაუდო ადგილსამყოფელი დადგინდა. იგნატოვა ამჯერად 14 მილიონიანი პენტჰაუსის შეძენამ გათქვა. მიუხედავად იმისა, რომ "კრიპტოს დედოფალმა" საცხოვრებელი სახლი კომპანიის სახელით შეიძინა, დიდი ბრიტანეთის ახალი კანონის მიხედვით, როცა ქონებას კომპანია ყიდულობს, ბენეფიციარიც უნდა დასახელდეს. შესაბამისად, ამ ტრანზაქციამ იგნატოვას ადგილსამყოფელი უნებურად გაამხილა.
- ვინ არის რუჯა იგნატოვა?
ვიდრე იგნატოვა FBI-ის ძებნილთა სიაში მოხვდებოდა, ის კრიპტო ინდუსტრიის ამომავალ ვარსკვლავად მიაჩნდათ. CNN-ის მიხედვით, იგნატოვა ფუფუნების სიყვარულით იყო ცნობილი. მან გერმანიაში მოკრძალებული ცხოვრების შემდეგ, ჯერ კრიპტოს მიმართულებით კონსულტანტად იმუშავა, საბოლოოდ კი კრიპტო მეწარმედ იქცა.
რუჯამ და მისმა ბიზნესპარტნიორმა, სებასტიან გრინვუდმა ინვესტორები დაარწმუნეს, რომ მათი OneCoin კრიპტო ვალუტა ღირებულებით Bitcoin-ს გადააჭარბებდა.
"OneCoin კაპიკადაც არ ღირდა. მათი ტყუილები მხოლოდ ერთ მიზანს ემსახურებოდა, სურდათ, ადამიანებისთვის საკუთარი ოფლით მოპოვებული თანხა მოტყუებით გამოეძალათ“, - განაცხადეს ამერიკელმა პროკურორებმა.
საბოლოოდ, ხელისუფლებამ დაადგინა, რომ იგნატოვა თაღლითურ სქემას ახორციელებდა - მან და მისმა პარტნიორებმა 4 მილიარდი დასცინცლეს ინვესტორებს. გრინვუდთან ერთად, რუჯამ თაღლითურ სქემაში თავისი ძმა, კონსტანტინ იგნატოვიც ჩართო.
იგნატოვას და გრინვუდს კლიენტების გაცურება დასაწყისშივე ჰქონდათ გადაწყვეტილი. პირად მიმოწერებში, ორივე მათგანი, თავიანთ კრიპტო ვალუტას "trashy coin”-ად (ნაგავ კოინად) მოიხსენიებდა. რუჯას და სებასტიანის სქემა 2016 წელს დაიშალა, როცა ინვესტორებმა თავიანთი OneCoin-ის გაყიდვა სცადეს, რათა ინვესტიციები დაებრუნებინათ, მაგრამ უშედეგოდ.
2017 წელს, აშშ-ის იუსტიციის დეპარტამენტმა იგნატოვას თაღლითობაში, თაღლითობის შეთქმულებაში, ფასიანი ქაღალდების თალღლითობაში და ფულის გათეთრების მიზნით შეთქმულებაში წაუყენა ბრალი. სასამართლომ მისი დაკავების ბრძანება გასცა, თუმცა ქალი ათენში, საბერძნეთში გაფრინდა და მას შემდეგ აღარავის უნახავს.
FBI-ს, იგნატოვაზე ინფორმაციის მიწოდებისთვის, ჯილდოდ 100 000$ აქვს დაწესებული. მათივე თქმით, იგნატოვა შეიარაღებულ დაცვასთან ერთდ გადაადგილდება და “შესაძლოა პლასტიკური ოპერაცია ჰქონდეს გაკეთებული ან სხვაგვარად შეეცვალა გარეგნობა.“
- OneCoin-ის ისტორია
იგნატოვამ და მისმა პარტნიორმა, OneCoin -ის სქემა 2014 წელს დაიწყეს. იმ დროისთვის, კრიპტოვალუტით დაინტერესებამ პიკს მიაღწია, შესაბამისად, წყვილმა მომენტით ისარგებლა. ისინი ინვესტორებს ლამის ათმაგ მოგებას ჰპირდებოდნენ. საბოლოოდ კი, 2014-2016 წლებში სულ 4 მილიარდი დოლარი ჩაირიცხა კომპანიის ანგარიშზე. სამწუხაროდ, OneCoin-ის ღირებულება კომპანიის მიერ იყო მანიპულირებული და ინვესტორებს რეალურისგან საპირისპირო ინფორმაცია ჰქონდათ. OneCoin -ის "მაინინგი“ ისევე არ ხდებოდა, როგორც სხვა კრიპტო ვალუტების, მიუხედავად იმისა, რომ კომპანია ინვესტორებს საწინააღმდეგოს უმტკიცებდა.
მას შემდეგ, რაც გამოძიებამ იგნატოვას და გრინვუდის თაღლითობის ამბავს ფარდა ახადა, რუჯამ შედეგებთან გამკლავება მის პარტნიორებს შეატოვა. კომპანიის თანადამფუძნებელი, სებასტიან გრინვუდი 2018 წლის ივლისში დააკავეს. ის დამნაშავედ სცნეს თაღლითობის რამდენიმე მუხლით და განაჩენს აპრილში გამოუტანენ. რაც შეეხება იგნატოვას ძმას, კონსტანტინ იგნატოვს, ის 2019 წელს დააკავეს. მისი განაჩენი ა.წ. თებერვლის თვის ბოლომდე იქნება გამოტანილი.
- იგნატოვას ქონება
თაღლითობის სქემის ერთ-ერთი დაზარალებულის მიერ შეტანილი საჩივრის შედეგად გამოვლინდა, რომ იგნატოვას დუბაის ბანკის ანგარიშებზე 2021 წლისთვის 500 მილიონი დოლარი ჰქონდა. უცნობია, თუ რა რაოდენობის კრიპტო ვალუტას ფლობს ის, მაგრამ Financial Finds- ის მიხედვით, ემირატების სამეფო ოჯახის წევრმა მას 2015 წელს 230 000 ბიტკოინი გადაუხადა, რაც იმ დროისთვის 52 მილიონი დოლარი ღირდა, 2021 წლისთვის, მათი ფასი 15 მილიარდამდე გაიზარდა. ამ დროისთვის კი 5.5 მილიარდ დოლარად ფასობს.
წყარო: entrepreneur
მოამზადა: ანა სიბოშვილმა
აქ კომენტარი იყო ნიჭიერი ხალხი ტაშს იმსახურებსო - უსინდისობა და ბოროტება არ არის ნიჭი, ნიჭი ის არის, თუ ღირსეულად შეძლებ წარმატების მიღწევას. მორალის ფეხებზე დაკიდება ისეთივე უპირატესობას ანიჭებს ბიზნესმენს, როგორსაც სპორტსმენს დოპინგი. თუ ნიჭი ჩადენილი ქმედებების მასშტაბებით იზომება, დავუკრათ ტაში ჰიტლერს, შაჰ-აბასს, ჩიკატილოს, ჯეკ მფატრავს, ანდრეს ბრეივიკს.
რა ეშმაკია ეს კრიპტოვალუტა და ბითქოინი?