16
მაისიდღის ზოგადი ასტროლოგიური პროგნოზი
20 იანვრის ღამეს, საგარეჯოში მომხდარი თავდასხმის დროს დაღუპული პოლიციელის ოთარ ღვინაშვილის სამოქალაქო პანაშვიდი თბილისში, წმინდა ვახტანგ გორგასლის ტაძარში მიმდინარეობს.
დღეს პანაშვიდზე იმყოფებოდა საქართველოს პრემიერ-მინისტრი ირაკლი ღარიბაშვილი, შს მინისტრ ვახტანგ გომელაურსა და მთავრობის სხვა წევრებთან ერთად. მათ გარდაცვლილი პოლიციელის ოჯახის წევრებს, ახლობლებს, კოლეგებს და მეგობრებს პირადად მიუსამძიმრეს. სამსახურებრივი მოვალეობის შესრულების დროს დაღუპულ პოლიციის უფროსი ლეიტენანტის ხსოვნას პატივი ასევე მიაგეს იუსტიციის მინისტრმა - რატი ბრეგაძემ, თავდაცვის მინისტრმა - ჯუანშერ ბურჭულაძემ და აჭარის მთავრობის თავმჯდომარემ - თორნიკე რიჟვაძემ.
დილიდან გარდაცვლილი კოლეგის სამოქალაქო პანაშვიდზე მიდიან პოლიციელები, შინაგან საქმეთა სამინისტროს დანაყოფების თანამშრომლები და სხვადასხვა უწყების წარმომადგენლები.
შინაგან საქმეთა სამინისტროს კახეთის პოლიციის დეპარტამენტის საგარეჯოს რაიონული სამმართველოს უფროს დეტექტივს, პოლიციის უფროს ლეიტენანტს - ოთარ ღვინაშვილს ხვალ, 24 იანვარს მშობლიურ სოფელში - პატარა ჩაილურში სამხედრო პატივით დაკრძალავენ.
