ქართველი ვარსკვლავების საახალწლო სამზადისი - ვინ როგორი ნაძვის ხით ხვდება კურდღლის წელს? (ფოტოები)
ახალი წლის დადგომამდე რამდენიმე დღე დარჩა. მოსახლეობა 2023 წელს იმედებითა და საუკეთესოს მოლოდინით ხვდება. ქართველმა ვარსკვლავებმა უკვე მორთეს ნაძვის ხეები.
მათი დიდი ნაწილი დღესასწაულს კონცერტებზე - რესტორანში, ან ღია ცის ქვეშ ხვდება. მოდით ვნახოთ, როგორ მორთეს სახლი და წელს რომელ ფერებზე გააკეთეს არჩევანი...
ლიზა ჩიჩუასა და ირაკლი მაქაცარიას ნაძვის ხე ორ ფერშია გადაწყვეტილი. აღსანიშნავია, რომ წელს სწორედ მსგავსი სტილის ნაძვის ხეებია ტრენდული...
ანი ქორქიას ულამაზეს ნაძვის ხესთან მისი გოგონა პოზირებს. ნაძვის ხე მან ორ ფერში მორთო.
გიგი დედალამაზიშვილისა და მარინა კაპრის საახალწლო ნაძვის ხე თანამედროვე ტრენდებს იმეორებს, თუმცა მასზე დამატებულია სხვადასხვა ფერის სათამაშოები.
უკვე მორთო კახიანების ოჯახმა ნაძვის ხე, მცხეთაში, აგარაკზე, სადაც ოჯახის წევრები ძირითად დროს ატარებენ.
წელს განსაკუთრებული და სადღესასწაულოა გვანცა დარასელიას ნაძვის ხე, რომლის მორთვის დროსაც სავარაუდოდ, ჟურნალისტმა შვილების გემოვნება გაითვალისწინა.
მომღერალმა ლელა წურწუმიამ, საახალწლოდ მორთულ გარემოში შვილთან ერთად იპოზიორა.
მარიკა თხელიძე, მეორედ დაოჯახების შემდეგ ბათუმში გადავიდა საცხოვრებლად. მომღერალმა რამდენიმე დღის წინ იმშობიარა, თუმცა მშობიარობამდე მოასწრო, რომ ულამაზესი ნაძვის ხე დაედგა და ორსულობის ბოლო თვეში ფოტოსესიაც მოეწყო.
